ନୂଆଦିଲ୍ଲୀ,୨୬।୧୨: ଭାରତୀୟ ଦଳର ଦ୍ରୁତ ବୋଲର ଜଶପ୍ରିତ ବୁମ୍ରା ଅଧିନାୟକ ବିରାଟ କୋହଲୀଙ୍କୁ ପଛରେ ପକାଇଛନ୍ତି। ୨୦୨୦ରେ ବିସିସିଆଇ ପକ୍ଷରୁ ଅଧିକ ପାଉଣା ନେଇଥିବା ଖେଳାଳି ତାଲିକା ଶୀର୍ଷରେ ରହିଛନ୍ତି ସେ। ବର୍ଷ ଆରମ୍ଭରୁ ଅନ୍ତରାଷ୍ଟ୍ରୀୟ କ୍ରିକେଟକୁ ଫେରିଥିଲେ ବୁମ୍ରା। ସେ ମୋଟ ୧.୩୮ କୋଟି ଟଙ୍କା ରୋଜଗାର କରିଛନ୍ତି। ସବୁଠାରୁ ଅଧିକ ଅନ୍ତର୍ଜାତୀୟ ମ୍ୟାଚ୍ ଖେଳିଥିବା ଯୋଗୁ ଏହା ସମ୍ଭବ ହୋଇଛି। ଅଷ୍ଟ୍ରେଲିଆ ଗସ୍ତରୁ ସ୍ବଦେଶ ଫେରିଆସିଥିବା ହେତୁ କୋହଲି ଏହା କର ନ ପାରି ଦ୍ୱିତୀୟ ସ୍ଥାନରେ ଅଛନ୍ତି।
ପ୍ରତ୍ୟେକ ଭାରତୀୟ ଖେଳାଳିଙ୍କୁ ଟେଷ୍ଟ ମ୍ୟାଚ୍ ପିଛା ୧୫ ଲକ୍ଷ ଟଙ୍କା ଦିଆଯାଇଥାଏ। ଏହି କ୍ରମରେ ଚଳିତ ବର୍ଷ ବୁମ୍ରା ୪ ଟେଷ୍ଟ, ୯ ଏକଦିବସୀୟ ଏବଂ ୮ ଟି୨୦ ମ୍ୟାଚ୍ ଖେଳି ସବୁଠାରୁ ଅଧିକ ପାଉଣା ପାଇଛନ୍ତି। ଅନ୍ୟପୟେକ୍ଷ ବିରାଟ ୩ ଟେଷ୍ଟ, ୯ ଏକଦିବସୀୟ ଓ ୧୦ ଟି୨୦ ଅନ୍ତର୍ଜାତୀୟ ମ୍ୟାଚ୍ ଖେଳି ୧.୨୯ କୋଟି ରୋଜଗାର କରିଛନ୍ତି। ତାଙ୍କ ପରେ ତୃତୀୟ ସ୍ଥାନରେ ରବିନ୍ଦ୍ର ଜାଡେଜା(୯୬ ଲକ୍ଷ) ରହିଛନ୍ତି। ତେବେ ଏହି ତାଲିକାର ଶ୍ରେଷ୍ଠ ୫ ତାଲିକାରେ ରୋହିତ ଶର୍ମା ନ ଥିବା ଦେଖାଯାଇଛି। ନିଜର ଫିଟନେସ୍ ସମସ୍ୟାକୁ ନେଇ ସେ ଅନେକ ମ୍ୟାଚ୍ ଖେଳିପାରି ନ ଥିଲେ।
