ଶ୍ରୀନଗର,୬।୫: ଜମ୍ମୁ-କଶ୍ମୀରର ଶୋପିଆନ ଜିଲାରେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ହୋଇଥିବା ଏନକାଉଣ୍ଟରରେ ତିନିଜଣ ଆତଙ୍କବାଦୀ ନିହତ ହୋଇଛନ୍ତି। ଏହାସହ ଜଣେ ଆତଙ୍କବାଦୀ ଆତ୍ମସମର୍ପଣ କରିଛନ୍ତି। ତାଙ୍କ ନାମ ତୌସିଫ ଅହମ୍ମଦ। ଶୋପିଆନର କନିଗାମରେ ଏହି ଏନକାଉଣ୍ଟର ହୋଇଥିଲା। ପୂର୍ବରୁ ସୂଚନା ପାଇଁ ଗ୍ରାମକୁ ସୁରକ୍ଷାକର୍ମୀ ମାନେ ଘେରି ରହି ଏହି ସଫଳତା ପାଇଛନ୍ତି। ସୂଚନାଯୋଗ୍ୟ, ଗତ ମାସରେ ସୁରକ୍ଷା ବାହିନୀ ଆତଙ୍କବାଦୀ ସଂଗଠନ ଅଲ ବଦରର ଜଣେ ଆତଙ୍କବାଦୀଙ୍କୁ ଗିରଫ କରିଥିଲା। ତାଙ୍କ ନିକଟରୁ ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରାଯାଇଥିଲା। ଏହି ଆତଙ୍କବାଦୀ ଗୁଲଜାର ଅହମ୍ମଦ ଭଟ ନିବାସୀ ବାଥପୋରା ଅରବାନୀ ଅନନ୍ତନାଗ ବୋଲି ଜଣାପଡିଛି।
