ଜଗତ୍ସିଂହପୁର ଅଫିସ, ୨୯ା୯: ଜଗତ୍ସିଂହପୁର ସହରରେ ଚଳିତ ବର୍ଷ ଦୁର୍ଗାପୂଜା ନେଇ ନିଆରା ମାହୋଲ ଦେଖିବାକୁ ମିଳିଛି। ବିଭିନ୍ନ କ୍ଲବ ଏବଂ ଦୁର୍ଗାପୂଜା କମିଟି ପକ୍ଷରୁ ବିଶେଷ ତତ୍ପରତା ପ୍ରକାଶ ପାଇଛି। ବର୍ତ୍ତମାନ ସୁଦ୍ଧା ଅନେକ ମୂର୍ତ୍ତିରେ ଖଡି ଲାଗି ହୋଇସାରିଛି। ଏଥିସହ ମେଢ, ଆଲୋକ ସାଜସଜ୍ଜା ଓ ବାଦ୍ୟରୋଳ ଆଦି ଯେପରି ଅଧିକ ଲୋକାଦୃତ ହୋଇପାରିବ ସେନେଇ ଉଦ୍ୟମ ଚାଲିଛି। ଚଳିତବର୍ଷ ଜଗତ୍ସିଂହପୁର ବଡ଼ବଜାର (ଖ) ସ୍ଥିତ ହଟକେଶ୍ୱର ମହାଦେବ କ୍ଲବ ପକ୍ଷରୁ ଦକ୍ଷ ଯଜ୍ଞ ଉପରେ ଆଧାରିତ ମୂର୍ତ୍ତି ବେସ୍ ଲୋକାଦୃତ ହେବ ବୋଲି ଆଶା କରାଯାଉଛି। ଏଥିସହ ଅକ୍ଟୋବର ୩ରୁ ୬ ତାରିଖ ପର୍ଯ୍ୟନ୍ତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଯଥା ଡ୍ୟାନ୍ସ, ମାଳିକା ପ୍ରବଚନ, ମେଲୋଡି ଓ ଭଜନ କାର୍ଯ୍ୟକ୍ରମ ମୁଖ୍ୟ ଆକର୍ଷଣ ରହିବ।
ଏ ସମ୍ପର୍କରେ କ୍ଲବ ପକ୍ଷରୁ କୁହାଯାଇଛି, ୧୯୬୮ରୁ ଦୂର୍ଗାପୂଜା ହୋଇ ଆସୁଛି। ସ୍ବର୍ଗତ ଅନନ୍ତ ଚରଣ ସାହୁ, ବିରଞ୍ଚତ୍ ଶଙ୍କର ସାହୁ, ରଶ୍ମିକାନ୍ତ ସାହୁ, ପ୍ରଭାକର ସାହୁ, ଦୁର୍ଗାଚରଣ ବେହେରା, ଭରତ ନନ୍ଦି, ନରେନ୍ଦ୍ର ସାହୁ ପ୍ରମୁଖଙ୍କ ଉଦ୍ୟମରେ ଦୁର୍ଗାପୂଜା ଆରମ୍ଭ ହୋଇଥିଲା। ସେତେବେଳେ ଟାଇଲ ଘରେ ମା’ ପୂଜା ପାଉଥିଲେ। କିନ୍ତୁ ଆଜି ବଡକାଟିଆ ହୋଇପାରୁଛି। ବିରଞ୍ଚତ୍ ଶଙ୍କର ସାହୁ ଠାକୁର ମଣ୍ଡପ ପାଇଁ ଜମି ଦାନ କରିଛନ୍ତି। ବିଶେଷକରି ୧୫୦ରୁ ଅଧିକ ବ୍ୟବସାୟୀ ଓ ଗ୍ରାମବାସୀଙ୍କ ଅବଦାନ ଯୋଗୁ ଏବେ ଦୁର୍ଗାପୂଜା ଏ ସ୍ଥିତିରେ ପହଞ୍ଚତ୍ ପାରିଛି। ଅତୀତରେ ହରିହରପୁର ଗଁାର ନାମକୁ ସାର୍ଥକ କରିବାକୁ ହରିହର ଭେଟ କରାଯାଉଥିଲା। ସମୟ ଚକ୍ରରେ ଦୁର୍ଗାପୂଜାକୁ ଧୂମଧାମ୍ରେ ପାଳନ କରାଯାଉଛି। ୭ମୀରୁ ୧୦ମୀ ପର୍ଯ୍ୟନ୍ତ ରୀତିନୀତି ଅନୁଯାୟୀ ପୂଜାପାଠ ସାଙ୍ଗକୁ ଭସାଣି ମଧ୍ୟ ଭଲ ଭାବେ କରାଯିବ। ଚଳିତବର୍ଷ ଦକ୍ଷ ଯଜ୍ଞକୁ ଅଧାର କରି ମୂର୍ତ୍ତି ନିର୍ମାଣ କରାଯାଇଛି। ପାର୍ବତୀଙ୍କ ପିତା ଦକ୍ଷ ମହାଦେବଙ୍କୁ ନିମନ୍ତ୍ରଣ କରି ନ ଥିଲେ। ଫଳରେ ଅପମାନିତ ହୋଇ ପାର୍ବତୀ ଯଜ୍ଞରେ ଝାସ ଦେଇଥିଲେ। ଏଥିରେ କ୍ରୋଧାନ୍ବିତ ହୋଇ ମହାଦେବ ଦକ୍ଷଙ୍କୁ ହତ୍ୟା ସହ ପାର୍ବତୀଙ୍କୁ ଉଦ୍ଧାର କରିଥିଲେ। ଏହି ସମୟରେ ମହାଦେବଙ୍କ ତୃତୀୟ ନୟନ ଖୋଲିଥିଲା। ଏହି ପ୍ରସଙ୍ଗକୁ ମନେ ପକାଇବା ଉଦ୍ଦେଶ୍ୟରେ ପ୍ରାୟ ୭ ଫୁଟ ଉଚ୍ଚର ନିଖୁଣ ମୂର୍ତ୍ତି ନିର୍ମାଣ କାମ ଅନ୍ତିମ ପର୍ଯ୍ୟାୟରେ ପହଞ୍ଚତ୍ଲାଣି। ଏସବୁ କ୍ଲବର ସଭାପତି, ସମ୍ପାଦକ, ଉପସଭାପତି ବିଜୟ କୁମାର ଓଝା, ସହ ସମ୍ପାଦକ ଗୁରୁଦତ୍ତ ବିଶ୍ୱାଳଙ୍କ ସମେତ କ୍ଲବର ସମସ୍ତ ସଦସ୍ୟଙ୍କ ମିଳିତ ସହଯୋଗ ଯୋଗୁ ସମ୍ଭବ ହୋଇପାରୁଛି।
