ୟାଗଡ଼ ଅଫିସ,୧।୨: ନୟାଗଡ଼ ବ୍ଳକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ଅଧୀନରେ ଥିବା ଭାଟସାହି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ୪ ଦିନ ହେଲା ମଧ୍ୟାହ୍ନଭୋଜନ ଦିଆଯାଉନି । ଚାଉଳ ନ ଥିବାରୁ ରୋଷେଇ ହେଉ ନ ଥିବା ଜଣାପଡିଛି। ଅଭିଯୋଗ ପାଇ ଖବରଦାତାମାନେ ସମ୍ପୃକ୍ତ ସ୍କୁଲରେ ମଙ୍ଗଳବାର ପହଞ୍ଚିବା ପରେ ମଧ୍ୟାହ୍ନଭୋଜନ ବଦଳରେ ୫ ଟଙ୍କିଆ ବିସ୍କୁଟ ଦେଇ କାମ ଚଳାଇ ଦିଆଯାଇଛି । ଉକ୍ତ ସ୍କୁଲରେ ୨୦୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ପାଠ ପଢ଼ୁଛନ୍ତି । ସରକାରଙ୍କ ନିୟମ କହୁଛି ମଧ୍ୟାହ୍ନଭୋଜନ ବନ୍ଦ ହେବ ନାହିଁ । ମଧ୍ୟାହ୍ନଭୋଜନ ବନ୍ଦ କରାଗଲେ କାର୍ଯ୍ୟାନୁଷ୍ଠାନ ହେବ । ତେବେ ଭାଟସାହି ସ୍କୁଲରେ ୪ଦିନ ହେଲା ମଧ୍ୟାହ୍ନଭୋଜନ ବନ୍ଦ ରହିଥିବାବେଳେ ବ୍ଲକ ଶିକ୍ଷା ଅଧିକାରୀ ଓ ଜିଲା ଶିକ୍ଷା ଅଧିକାରୀ ଜାଣି ପାରିଲେ ନାହିଁ କିପରି । ଯଦି ଜାଣିଥିଲେ କ’ଣ ପଦକ୍ଷେପ ନେଇଛନ୍ତି। ଯେଉଁ ସଂସ୍ଥା ସ୍କୁଲକୁ ମଧ୍ୟାହ୍ନଭୋଜନରେ ଚାଉଳ ଯୋଗାଉଛି ସେ କାହିଁକି ଦେଇନି ।
ପୁଣି ସ୍କୁଲରେ ମଧ୍ୟାହ୍ନଭୋଜନ ବନ୍ଦ ହେବା ପରେ ପ୍ରଧାନଶିକ୍ଷକ ବ୍ଲକ ଶିକ୍ଷା ଅଧିକାରୀଙ୍କୁ ଜଣାଇଛନ୍ତି କି ନଁା । ମଧ୍ୟାହ୍ନଭୋଜନ ବନ୍ଦହେଲେ କେବଳ ଗୋଟିଏ ଦିନ କାହିଁକି ବିସ୍କୁଟ ବଣ୍ଟନ ହେଲା। ଏଇଭଳି କିଛି ପ୍ରଶ୍ନ ଉଙ୍କି ମାରୁଥିବାବେଳେ ପ୍ରଧାନଶିକ୍ଷକଙ୍କ କଥା ବ୍ଲକ ଶିକ୍ଷା ଅଧିକାରୀଙ୍କୁ ସନ୍ଦେହଘେରକୁ ଆଣିଛି । ଏନେଇ ପ୍ରଧାନଶିକ୍ଷୟିତ୍ରୀ ସରୋଜିନୀ ଜେନା କୁହନ୍ତି, ଚାଉଳ ନ ଥିବା ନେଇ ବ୍ଲକ ଶିକ୍ଷା ଅଧିକାରୀଙ୍କୁ ଅବଗତ କରାଇଥିଲୁ । ହେଲେ ସେ କାମ ଚଳାଇ ନେବାକୁ ପରାମର୍ଶ ଦେଇଛନ୍ତି । ଏଭଳିସ୍ଥଳେ ବିଦ୍ୟାଳୟ ପକ୍ଷରୁ କିପରି ମଧ୍ୟାହ୍ନଭୋଜନ ଛାତ୍ରୀଛାତ୍ରଙ୍କୁ ଦିଆଯିବ ବୋଲି କହିଛନ୍ତି । ବ୍ଳକ ଶିକ୍ଷା ଅଧିକାରୀ ଗୀତାଞ୍ଜଳୀ ସାହୁ କୁହନ୍ତି, ଚାଉଳ ଯୋଗାଉଥିବା ଅନୁଷ୍ଠାନ ଚାଉଳ ନ ଦେବାରୁ ଏପରି ଅସୁବିଧା ହୋଇଛି। ଏହାର ସମାଧାନ କରାଯିବା ପାଇଁ ପ୍ରଚେଷ୍ଟା ଚାଲିଛି । ଜିଲା ଶିକ୍ଷା ଅଧିକାରୀ ଅକ୍ରୁର ବାରିକ କୁହନ୍ତି, ମଧ୍ୟାହ୍ନଭୋଜନ ନ ଦେଲେ ବିସ୍କୁଟ ଦିଆଯାଇ ପାରିବନି । ବୁଧବାରଠାରୁ ମଧ୍ୟାହ୍ନଭୋଜନ ଦିଆଯିବ। ଚାଉଳ କାହିଁକି ଦିଆଯାଉନି ସେନେଇ ତଦନ୍ତ କରାଯିବବୋଲି କହିଛନ୍ତି । ଜିଲାପାଳ ରବୀନ୍ଦ୍ର ନାଥ ସାହୁ କୁହିଛନ୍ତିି, ବୁଧବାରଠାରୁ ଛାତ୍ରୀଛାତ୍ର ମଧ୍ୟାହ୍ନଭୋଜନ ଖାଇବେ । ଜିଲା ଶିକ୍ଷା ଅଧିକାରୀଙ୍କୁ ଏନେଇ କୁହାଯାଇଛି ବୋଲି କହିଛନ୍ତି।୨ ବ୍ଲକରେ ଜଣେ ବିିଇଓ :ନୟାଗଡ଼ ଓ ଓଡଗଁା ବ୍ଳକ ପାଇଁ ଜଣେ ବ୍ଳକ ଶିକ୍ଷା ଅଧିକାରୀ(ବିଇଓ) ନିଯୁକ୍ତି ହୋଇଛନ୍ତି । ଓଡ଼ଗଁା ବ୍ଳକ ଶିକ୍ଷା ଅଧିକାରୀ ଗୀତାଞ୍ଜଳୀ ସାହୁ ନୟାଗଡ଼ ବ୍ଲକ ଶିକ୍ଷା ଅଧିକାରୀଙ୍କ ଅତିରିକ୍ତ ଦାୟିତ୍ୱରେ ଅଛନ୍ତି । ଜଣେ ବିଇଓ ଦୁଇଟି ବ୍ଲକ ଦାୟିତ୍ୱରେ ଥିବାରୁ ସାଧାରଣରେ ଅସୁବିଧା ହେଉଛି । ଜିଲା ସଦର ମହକୁମା ବ୍ଲକରେ ବ୍ଳକ ଶିକ୍ଷା ଅଧିକାରୀ ପଦବୀ ଖାଲି ପଡିଥିଲେ ହେଁ ଏହାକୁ ପୂରଣ କରାଯାଉ ନ ଥିବାରୁ ଅସନ୍ତୋଷ ପ୍ରକାଶ ପାଇଛି ା
