କଟକଣା କୋହଳରୁ ବଢ଼ୁଛି କରୋନା

ଅନୁଗୋଳ ଅଫିସ, ୨୯ା୫

କରୋନା ସଂକ୍ରମଣ ବୃଦ୍ଧି ପାଉଥିବାରୁ ଗତ ୫ ତାରିଖରୁ ସରକାର ରାଜ୍ୟକୁ ଲକ୍‌ଡାଉନ୍‌ରେ ରଖିଛନ୍ତି। ଏଥିସହ ସପ୍ତାହାନ୍ତ ଶଟ୍‌ଡାଉନ୍‌ ମଧ୍ୟ ଜାରି ରହିଛି। ଶନିବାର ଓ ରବିବାର ବ୍ୟତୀତ ଅନ୍ୟ ୫ ଦିନରେ ରାଶନ, ପରିବା, ଫଳ, ମାଛ ଓ ମାଂସ ଦୋକାନ ସକାଳୁ ମାତ୍ର କେଇଘଣ୍ଟା ପାଇଁ ଖୋଲିବାକୁ ଅନୁମତି ଦିଆଯାଇଛି। ଲୋକେ ଚାଲିକରି ଘର ପାଖ ଦୋକାନକୁ ଯାଇ ଏସବୁ ସାମଗ୍ରୀ କିଣିବେ ବୋଲି ସରକାର କହିଛନ୍ତି। କଟକଣା ଉଲ୍ଲଂଘନ କ୍ଷେତ୍ରରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ପକ୍ଷରୁ କୁହାଯାଉଛି। କିନ୍ତୁ ଅନୁଗୋଳ ଜିଲାରେ ଏହି କଟକଣା ଠିକ୍‌ ଭାବେ ପାଳନ ହେଉନାହିଁ। ଶୁକ୍ରବାର ଅନୁଗୋଳ ସହର ମାଛ ବଜାରରେ ଅସମ୍ଭାଳ ଭିଡ଼ ହୋଇଥିଲେ ମଧ୍ୟ ପୋଲିସ ନ ଦେଖିଲା ପରି ରହିବା ସଚେତନ ନାଗରିକମାନଙ୍କୁ ଆଶ୍ଚର୍ଯ୍ୟ କରିଛି। ପୋଲିସର ଏହି କୋହଳ ମନୋଭାବ କାରଣରୁ ଜିଲାରେ ସଂକ୍ରମଣ ବୃଦ୍ଧିରେ ରୋକ୍‌ ଲାଗିପାରୁ ନ ଥିବା ସେମାନେ ଅଭିଯୋଗ କରିଛନ୍ତି।
୨ ଦିନ ଧରି ସହର ଶଟ୍‌ଡାଉନ୍‌ ହେବାକୁ ଥିବାରୁ ଶୁକ୍ରବାର ସକାଳେ ରାଶନ, ପରିବା କିଣିବାକୁ ଅନୁଗୋଳ ସହରର ବିଭିନ୍ନ ସ୍ଥାନରେ ଗହଳି ହୋଇଥିଲା। ବିଶେଷକରି ମାଛ ବଜାରରେ ଲୋକେ ହାଉଯାଉ ହୋଇଥିଲେ। ମାସ୍କ ଓ ସାମାଜିକ ଦୂରତ୍ୱ କଟକଣା ପାଳନ ପ୍ରତି କେହି ଧ୍ୟାନ ଦେଇ ନ ଥିଲେ। ଚଢ଼ାଚଢ଼ି ହୋଇ ସେମାନେ ମାଛ କିଣୁଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥିଲା। ନା ଦୋକାନୀଙ୍କୁ ତାଗିଦ୍‌ କରିଥିଲା, ନା ଗ୍ରାହକଙ୍କୁ ସଚେତନ କି ଜରିମାନା କରିଥିଲା। ଏପରି କି ମୋଟର ସାଇକେଲ ନେଇ ଏପରି ସାମଗ୍ରୀ କିଣିବାକୁ କେହି ଆସିପାରିବେ ନାହିଁ ବୋଲି ନିୟମ ଥିଲେ ମଧ୍ୟ ପୋଲିସ ସେଥିପ୍ରତି ମଧ୍ୟ ନଜର ଦେଇ ନ ଥିଲା। ସେଥିପାଇଁ ମାଛ ମାର୍କେଟ ରାସ୍ତା ଉପରେ ମାଳ ମାଳ ଗାଡ଼ି ରଖାଯାଇଥିଲା। ସେହିପରି ପରିବା, ରାଶନ ଦୋକାନ ସମ୍ମୁଖରେ ମଧ୍ୟ ଭିଡ଼ କମ୍‌ ନ ଥିଲା। ପ୍ରଶାସନ ଓ ପୋଲିସ ଟିମ୍‌ ବିଭିନ୍ନ ରାସ୍ତାରେ ପଇଁତରା ମାରିଥିଲେ ମଧ୍ୟ ବଜାରରେ ମୁହଁ ଖୋଲିବାକୁ ସାହସ କରିପାରି ନ ଥିଲା। ପ୍ରଶାସନ ଓ ପୋଲିସର ଏପରି କୋହଳ ନୀତି କାରଣରୁ ଅମାନିଆମାନେ ଅଧିକ ସଂଖ୍ୟାରେ ବଜାରକୁ ମୋଟରସାଇକେଲରେ ଆସି ବୁଲାବୁଲି କରୁଥିଲେ। ଅପରପକ୍ଷରେ ପୋଲିସ ବିଭାଗରେ କରୋନା ପଶିବା ପରେ ମାନବ ସମ୍ବଳ ପୂବାପେକ୍ଷା ହ୍ରାସ ପାଇଛି। ଏହି କାରଣରୁ ପୋଲିସ ଲକ୍‌ଡାଉନ୍‌ କଟକଣାକୁ କଡ଼ାକଡ଼ି ପାଳନ କରାଉ ନ ଥିବା ସାଧାରଣରେ ଚର୍ଚ୍ଚା ହେଉଛି। ସେହିପରି ପ୍ରଶାସନ ପକ୍ଷରୁ ଗଢ଼ାଯାଇଥିବା ବିଭିନ୍ନ ଟିମ୍‌ ଅନେକ ସମୟରେ ଚଢ଼ାଉ କରୁଥିବା ଖବର ମିଳୁଛି। ହେଲେ କେଉଁଠାରେ ଏହି ଟିମ୍‌ ଚଢ଼ାଉ କରୁଛନ୍ତି, ତାହା କାହାରିକୁ ଜଣାପଡ଼ୁନାହିଁ। ଦୁଇଦିନ ତଳେ ଅନୁଗୋଳ ସହରରେ ଲୁଗା ଦୋକାନ ଖୋଲାରହି ବ୍ୟବସାୟ ଚାଲିଥିବା ବେଳେ ଶୁକ୍ରବାର ମାଛ ବଜାରରେ ଭିଡ଼ ପ୍ରଶାସନର ପାରିବା ପଣିଆ ଉପରେ ପ୍ରଶ୍ନବାଚୀ ସୃଷ୍ଟି କରିଥିବା ଆଲୋଚନା ହେଉଛି।

ଦୃଢ଼ କାର୍ଯ୍ୟାନୁଷ୍ଠାନ ଆବଶ୍ୟକ
ଅନେକ ଲୋକ ବିନା କାରଣରେ ବଜାରରେ ବୁଲୁଛନ୍ତି। ଏହାଦ୍ୱାରା କୋଭିଡ୍‌ ନିୟମ ଉଲ୍ଲଂଘନ ସହ ଗୋଷ୍ଠୀ ସଂକ୍ରମଣ ସମ୍ଭାବନା ରହୁଛି। ଏବେ ଠାରୁ ପୋଲିସ ଓ ପ୍ରଶାସନ କଠୋର ନ ହେଲେ ଓ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ ନ କଲେ ଆଗକୁ ଜିଲାବାସୀ ଆହୁରି ଭୟଙ୍କର ପରିସ୍ଥିତିର ସମ୍ମୁଖୀନ ହେବେ।
-ଶାନ୍ତନୁ କୁମାର ସର, ଶିକ୍ଷାବିତ୍‌
ଅପାରଗତା ଧରାପଡ଼ିଛି
ଅନୁଗୋଳ ମାଛ ବଜାରରେ ଭିଡ଼ ପ୍ରଶାସନର ଅପାରଗତାକୁ ଧରା ପକାଇ ଦେଇଛି। ଅନେକ ସମୟରେ ପୋଲିସ ଓ ପ୍ରଶାସନ ପକ୍ଷରୁ ଯେଉଁ ଚଢ଼ାଉ କରାଯାଉଛି, ତାହା କେବଳ ନାମକୁ ମାତ୍ର। ବାସ୍ତବରେ ଅନୁଗୋଳରେ ଲକ୍‌ଡାଉନ୍‌ କି ଶଟ୍‌ଡାଉନ କଟକଣା କଡ଼ାକଡ଼ି ଭାବେ ଲାଗୁ ହେଉନାହିଁ।
-ସୂର୍ଯ୍ୟ ନାରାୟଣ ନାଥ, ଅନୁଗୋଳ
କାର୍ଯ୍ୟାନୁଷ୍ଠାନ ନିଆଯାଉଛି
ଲକ୍‌ଡାଉନ୍‌ କଟକଣା ମାନୁ ନ ଥିବା ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉଛି। ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ଅମାନିଆ ବ୍ୟବସାୟୀ ଓ ଜନସାଧାରଣଙ୍କଠାରୁ ଜରିମାନା ଆଦାୟ କରୁଛି। ପୋଲିସର ମାନବ ସମ୍ବଳ ହ୍ରାସ ପାଇନାହିଁ। ଅଧିକ ଚଢ଼ାଉ ପାଇଁ ଅନୁଗୋଳ ପୋଲିସକୁ କୁହାଯିବ।
-ଜଗମୋହନ ମୀନା, ଏସ୍‌ପି, ଅନୁଗୋଳ
ଚଢ଼ାଉକୁ ଜୋରଦାର କରାଯିବ
ଅମାନିଆମାନଙ୍କ ଠାରୁ ଜରିମାନା ଆଦାୟ କରାଯାଉଛି। ସେମାନଙ୍କୁ ସଚେତନ କରାଯାଉଛି। ତଥାପି ଅନେକ ସମୟରେ ବଜାରରେ ଗହଳି ପରିଲକ୍ଷିତ ହେଉଛି। ଏ ନେଇ ପ୍ରଶାସନ ଓ ପୋଲିସର ଏକ ବୈଠକ ଡକାଯିବ। ପ୍ରତି ଛକରେ ମାଜିଷ୍ଟ୍ରେଟ ଓ ପୋଲିସ ରହି ଅମାନିଆଙ୍କୁ ସାବାଡ କରାଯିବ।
-ବାସୁଦେବ ଶତପଥୀ, ଉପଜିଲାପାଳ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟର ଉଦ୍‌ଘାଟନ କଲେ ପ୍ରଧାନମନ୍ତ୍ରୀ , ବିଧାୟକ କହିଲେ…

ତୁମୁଡ଼ିବନ୍ଧ,୧୫।୧୧(ଦୀପକ କୁମାର ପରାସେଠ): କନ୍ଧମାଳ ଜିଲା ତୁମୁଡ଼ିବନ୍ଧ ବ୍ଲକ୍‌ ତୁଟୁଲୁବାଠାରେ ନୂତନ ଭାବେ ନିର୍ମିତ ହୋଇଥିବା ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଭାଷୀ…

ଅସ୍ତଗାମୀ ସୂର୍ଯ୍ୟଙ୍କୁ ଅର୍ଘ୍ୟ ଅର୍ପଣ କଲେ ବ୍ରତଧାରୀ

ବାଲିଶଙ୍କରା,୧୫ା୧୧(ହୃଦାନନ୍ଦ ବାରିକ): ସୁନ୍ଦରଗଡ଼ ଜିଲା ବାଲିଶଙ୍କରା ବ୍ଲକର ବିଭିନ୍ନ ସ୍ଥାନରେ ଶ୍ରଦ୍ଧା ଓ ଭକ୍ତିର ସହ ଛଟ ପୂଜା ପାଳିତ ହୋଇଯାଇଛି। ଏହି ଅବସରରେ ବାଲିଶଙ୍କରା ଡୁଡୁଙ୍ଗନାଳା…

ହାତୀପଲରୁ ଅଲଗା ହୋଇଥିବା ଅସୁସ୍ଥ ଛୁଆ ହାତୀର ମୃତ୍ୟୁ

ଖଲ୍ଲିକୋଟ,୧୫ା୧୧(ପ୍ରଶାନ୍ତ କୁମାର ମିଶ୍ର): ଗଞ୍ଜାମ ଜିଲା ଖଲ୍ଲିକୋଟ ବନ ବିଭାଗ ଅଧୀନ ଭାଲେରି ପାହାଡ଼ରେ ହାତୀପଲରୁ ଅଲଗା ହୋଇଯାଇଥିଲା ଛୁଆ ହାତୀର ରବିବାରେ ମୃତ୍ୟୁ ହୋଇଥିବା ଜଣାପଡ଼ିଛି।…

ଗଞ୍ଜାମ ବିଇଓଙ୍କୁ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର

ଗଞ୍ଜାମ,୧୫ା୧୧(ବିଦ୍ୟାଧର ସାହୁ): ୟୁନିଟ୍‌-୩ ଭୁବନେଶ୍ୱର କ୍ୟାପିଟାଲ ହାଇସ୍କୁଲରେ ଆୟୋଜିତ ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ସମାରୋହରେ ପୁରସ୍କୃତ ହୋଇଛନ୍ତି ଗଞ୍ଜାମ ବ୍ଲକ ଗୋଷ୍ଠୀ ଶିକ୍ଷା ଅଧିକାରୀ ସରୋଜ…

ସିନୁ-ତ୍ରିଶଙ୍କଙ୍କୁ ଗୁରୁଦାୟିତ୍ୱ ଦେଲା ବିଜେଡି, ନବୀନଙ୍କୁ କୃତଜ୍ଞତା ଜଣାଇ…

ରିଷିଡ଼ା,୧୫ା୧୧(ସୁଶାନ୍ତ ମଲ୍ଲିକ): ଜିଲା ବିଜୁ ଯୁବ ଜନତା ଦଳର କର୍ମକର୍ତ୍ତାଙ୍କ ନାମ ଘୋଷଣା କରାଯାଇଛି। ଏଥିରେ କର୍ଲାମୁଣ୍ଡା ବ୍ଲକ ରିଷିଡ଼ା ପଞ୍ଚାୟତ ସମିତି ସଭ୍ୟ ତଥା ଯୁବନେତା…

ଧାନମଣ୍ଡି ଖୋଲିନି, ମାତିଲେଣି ବେପାରୀ

ବରଗଡ଼,୧୫।୧୧(ପ୍ରେମାନନ୍ଦ ଖମାରୀ):ବରଗଡ଼ ଜିଲାରେ ଖରିଫ୍‌ ଧାନ ଅମଳ ପ୍ରକ୍ରିୟା ଜୋର୍‌ ଧରିଛି। ଜିଲାର ଉଭୟ ଜଳସେଚିତ ଏବଂ ଅଣଜଳସେଚିତ ଅଞ୍ଚଳରେ ଚାଷୀମାନେ ଅମଳ କାର୍ଯ୍ୟରେ ଲାଗି ପଡ଼ିଛନ୍ତି।…

ସରକାରୀ ଆକାଉଣ୍ଟକୁ ଆସୁନି ରୟାଲିଟି, ପ୍ରଶାସନ ନୀରବଦ୍ରଷ୍ଟା

କଟକ ସଦର,୧୫ା୧୧(ସୁଶାନ୍ତ କୁମାର ଜେନା): କଟକ ଜିଲାର ଏକ ନମ୍ବର ବ୍ଲକ ଭାବେ ପରିଚିତ ସଦର ବ୍ଲକ। ଏହି କଟକ ସଦର ବ୍ଲକଟି ସହର ତଳି ଅଞ୍ଚଳ…

ମଧ୍ୟରାତ୍ରିରେ ହାତୀର ଆତଙ୍କ, ଆକ୍ରମଣରେ ଚାଲିଗଲା ବୃଦ୍ଧଙ୍କ ଜୀବନ

ବଲାଙ୍ଗୀର/କଣ୍ଟାବାଞ୍ଜି, ୧୫।୧୧ (ସୁନିଲ କୁମାର ମହାନ୍ତି/ଗୁରୁଦ୍ୱାଲ ହଂସ): ବଲାଙ୍ଗୀର ଜିଲା ବେଲପଡ଼ା ବ୍ଲକ୍‌ ଅନ୍ତର୍ଗତ ଲାଠୋର ରେଞ୍ଜର ଘାଗୁର୍ଲି ଗ୍ରାମ ନିକଟ ଘାଘରା ରାସ୍ତାରେ ହାତୀ ଆକ୍ରମଣରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?