ପାଟଣା,୧୪।୮(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ବଡପାଟଣା ପଂଚାୟତ ଶିବ ନାରାୟଣ ପୁର ଶାସନର ବର୍ଷୀୟାନ ସାମାଜିକ କର୍ମୀ, ସଂଗଠକ ଈଶ୍ୱର ଚନ୍ଦ୍ର ଦାଶଙ୍କ ଶୁକ୍ରବାର ସକାଳୁ ଦେହାନ୍ତ ଘଟିଛି। ମୃତ୍ୟୁବେଳକୁ ତାଙ୍କୁ ୮୭ବର୍ଷ ହୋଇଥିଲା। ସେ ପାଟଣା ଲ୍ୟାମ୍ପସର ସଭାପତି ସହ ଦୀର୍ଘ ବର୍ଷ ହେବ ପାଟଣା ବଣିକ ସଂଘସଭାପତି, ପାଟଣା ପ୍ରାଚୀନ ଆନନ୍ଦେଶ୍ୱରଶିବ ମନ୍ଦିର କମିଟି ସଭାପତି,କାଳୀପୂଜା କମିଟି ର ସଭାପତି ରହିଥିଲେ। ସେ ପାଟଣା ବାଜାରରେ ବ୍ୟବସାୟ କରିବା ସହ ନିଜକୁ ବିଭିନ୍ନ ସାମଜିକ ଓ ସାଂସ୍କୃତିକ ସଂଗଠନ ସହ ନିଜକୁ ନିୟୋଜିତ କରିଥିଲେ।
କିଛିଦିନ ହେବ ସେ ହୃଦ୍ ରୋଗର ପୀଡିତ ହୋଇ ଚିକିତ୍ସିତ ହେଉଥିଲେ। ସେ ପାଟଣାର ପୂର୍ବତନ ବ୍ଲକ ଅଧ୍ୟକ୍ଷ ଇଂ ବିଦ୍ୟାଧର ଦାଶଙ୍କ ବଡ ଭାଇ ଥିଲେ। ମୃତ୍ୟୁ ଶଯ୍ୟା ନିକଟରେ ବଡ ପୁଅ ରଜତ, ସୁବ୍ରତ, ପୁତୁରା ଵିବେକା, ଅରବିନ୍ଦ, ବୋହୁ, ଝିଅ ଜୋଇଁ ନାତି ନାତୁଣୀ ପ୍ରମୁଖ ଉପସ୍ଥିତି ଥିଲେ। ସେ ଜଣେ ବନ୍ଧୁ ବତ୍ସଳ ,ଅମାୟିକଓ ପରୋପକାରୀ ବ୍ୟକ୍ତି ଥିଲେ। ତାଙ୍କ ମୃତ୍ୟୁ ପାଟଣା ଅଞ୍ଚଳ ଜଣେ ମୂରବୀଙ୍କୁ ହରାଇଲା ବୋଲି ଅଞ୍ଚଳବାସୀ କହିଛନ୍ତି । ତାଙ୍କ ଶେଷ ଦର୍ଶନ ପାଇଁ ତାଙ୍କ ଶିବନାରୟଣପୁର ବାସ ଭବନ ଲୋକାରଣ୍ୟ ହୋଇଥିଲା।
ପାଟଣା ବଣିକ ସଂଘର ପ୍ରାକ୍ତନ ସଭାପତି ଥିବାରୁ ସକାଳ ୬ରୁ ଦିନ ୧ ପର୍ଯ୍ୟନ୍ତ ପାଟଣାବଜାରକୁ ବନ୍ଦ କରାଯାଇଥିଲା। ସମାଜିକ କର୍ମୀ ଅଜୟ କୁମାର ଦାଶ, ବିଶ୍ଵ ହିନ୍ଦୁ ପରିଷଦ ବିଶେଷ ସଂପର୍କ ବିଭାଗ ଟେଲି ସଦସ୍ୟ ଓଡ଼ିଶା ପୂର୍ବ ମଦନ ମୋହନ ଦ୍ବିବେଦୀ, ନିଖିଳ ଉତ୍କଳ ପ୍ରାଥମିକ ଶିକ୍ଷକ ସଙ୍ଘ ଜିଲା ସଂପାଦକ କମଳା କାନ୍ତ ପତିବଡ ପାଟଣା ସରପଞ୍ଚ ବିନତୀ ବାନାରା, ପାଟଣା ସୁରକ୍ଷା ସମିତି ଆବାହକ ବିଜୟ ରତ୍ନ ପତି, କଂଗ୍ରେସ କେନ୍ଦୁଝର ଏମପି ପ୍ରାର୍ଥୀ ଇଂ ବିନୋଦ ନାଏକ, କଂଗ୍ରେସ୍ ନେତା ନେତା ଲକ୍ଷ୍ମଣ କୁମାର୍ ଦାଶ, କୈଳାସ ଚନ୍ଦ୍ର ବାରିକ ବଣିକ ସଙ୍ଘ ସଭାପତି ବୁଲୁ ଭଞ୍ଜ, ସାମାଜିକ କର୍ମୀ ସନାତନ ଦାଶ, ଅଜିତ କୁମାର ଦାଶ, କୃଷ୍ଣ ଚନ୍ଦ୍ର ଦାଶ, ପର୍ଶୁରାମ ପଣ୍ଡା, ଶିବ ନାରାୟଣ ମିଶ୍ର ପ୍ରମୋଦ ଭଞ୍ଜ, ବିଦ୍ୟାଧର ମହାନ୍ତ, ଆଇନଜୀବୀ ରାହାସ ବିହାରୀ ପୃଷ୍ଟି, ସମବାୟ ବିତ ଦିନ ବନ୍ଧୁ ମିଶ୍ର, ଭାଜପା ନେତା ଦୁର୍ଗାଚରଣ ନାୟକ, ଯୁଗୋଳ କିଶୋର ଦାଶପ୍ରମୂଖଙ୍କ ସହ ବହୁ ବିଶିଷ୍ଟ ବ୍ୟକ୍ତି ଶେଷ ଦର୍ଶନ ସହ ଗଭୀର ଶୋକ ପ୍ରକାଶ କରିଛନ୍ତି। ପାଟଣା ବୈତରଣୀ କୁଳରେ ଶେଷକୃତ୍ୟ ସଂପନ୍ନ ହେବ ।
