ନୂଆଦିଲ୍ଲୀ,୨୦ା୧୨: ମହାକାଶକୁ ଭାରତର ପ୍ରଥମ ମାନବ ପ୍ରେରଣ ଦିଗରେ ଶନିବାର ଆଉ ଏକ ବଡ଼ ପଦକ୍ଷେପ ସଫଳ ହୋଇଛି। ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ଗଗନୟାନ ମିଶନ୍ର କ୍ରିଉ ମଡ୍ୟୁଲ୍ ଡିସେଲେରେଶନ ସିଷ୍ଟମ୍ ପାଇଁ ଡ୍ରଗ୍ୟୁ ପାରାଚୁର୍ଟ ପରୀକ୍ଷା ସଫଳତାର ସହ ସମ୍ପୂର୍ଣ୍ଣ କରିଛି।
୨୦୨୬ରେ ମାନବବିହୀନ ଗଗନୟାନ ମିଶନ ଲଞ୍ଚ୍ ପାଇଁ ଇସ୍ରୋ ଜୋର୍ଦାର ଉଦ୍ୟମ ଚଳାଇଛି। ୧୮ ଓ ୧୯ରେ ଡିଆର୍ଡିଓର ଚଣ୍ଡିଗଡ଼ସ୍ଥିତ ଟର୍ମିନାଲ ବାଲିଷ୍ଟିକ୍ସ ରିସର୍ଚ୍ଚ ଲାବରେଟୋରିରେ ଥିବା ରେଲ୍ ଟ୍ରାକ୍ ରକେଟ୍ ସ୍ଲେଡ୍ରେ ଏହି ପରୀକ୍ଷା କରାଯାଇଛି।
ଗଗନୟାନର କ୍ରିଉ ମଡ୍ୟୁଲ୍ ଡିସେଲେରେଶନ ସିଷ୍ଟମରେ ୪ ପ୍ରକାରର ୧୦ଟି ପାରାଚ୍ୟୁଟ୍ ବ୍ୟବହାର କରାଯିବ। ଗଗନୟାନ ପୃଥିବୀ ବାୟୁମଣ୍ଡଳ ଦେଇ ଫେରିବା ସମୟରେ ଏହାକୁ ମନ୍ଥର ଓ ସ୍ଥିର କରିବା ନିମନ୍ତେ ପାରାଚ୍ୟୁଟ୍ଗୁଡ଼ିକୁ ବ୍ୟବହାର କରାଯିବ।
