ଇସ୍ଲାମାବାଦ,୩୦।୮: ଇସ୍ଲାମାବାଦ ହାଇକୋର୍ଟରୁ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କୁ ଆଶ୍ୱସ୍ତି ମିଳିଛି। ଇମ୍ରାନ ଖାନଙ୍କ ଉପରେ ଲାଗିଥିବା ପ୍ରତିବନ୍ଧକକୁ ହାଇକୋର୍ଟ ହଟାଇ ଦେଇଛନ୍ତି। ଏହି ପ୍ରତିବନ୍ଧକ ପିଟିଆଇ ମୁଖ୍ୟ ଇମ୍ରାନ ଖାଁଙ୍କ ଲାଇଭ ଟେଲିକାଷ୍ଟ ଉପରେ ଲଗାଯାଇଥିଲା। ଇମ୍ରାନଙ୍କ ରାଲିରେ ଦିଆଯାଇଥିବା ଭାଷଣ ପରେ ପାକିସ୍ତାନ ଇଲେକ୍ଟ୍ରୋନିକ ମିଡିଆ ରେଗୁଲାର ଅଥରିଟି ଦ୍ୱାରା ଏହା ଲାଗୁ କରାଯାଇଥିଲା। ଏହି ଭାଷଣକୁ ନେଇ ଇମ୍ରାନଙ୍କ ଉପରେ ଅଭିଯୋଗ ହୋଇଛି ଯେ, ଜନସଭାରେ ଅନେକ ସରକାରୀ ଅଧିକାରୀଙ୍କୁ ଏବଂ ମହିଳା ବିଚାରପତିଙ୍କୁ ସେ ଖୁଲମଖୁଲା ଧମକ ଦେଇଥିଲେ। ତେବେ ସୋମବାର ଇସ୍ଲାମାବାଦ ହାଇକୋର୍ଟରେ ଶୁଣାଣି ସମୟରେ ପ୍ରଧାନ ବିଚାରପତି ମହିଳା ବିଚାରପତିଙ୍କୁ ଧମକ ଦେବା ମାମଲାରେ ଇମ୍ରାନଙ୍କ ପକ୍ଷଙ୍କୁ ତାଗିଦ କରିଛନ୍ତି। ବିଚାରପତିମାନଙ୍କୁ କ’ଣ ଏଭଳି ଧମକ ଦିଆଯିବା ଉଚିତ୍ କି ବୋଲି ପ୍ରଧାନ ବିଚାରପତି ଇମ୍ରାନ ଖାଁଙ୍କ ଓକିଲଙ୍କୁ ପଶ୍ନ କରିଥିଲେ।
