ନୂଆଦିଲ୍ଲୀ,୨୪ା୨: ଭାରତ-ଇଲଂଣ୍ଡ ମଧ୍ୟରେ ଖେଳାଯିବାକୁ ଥିବା ତୃତୀୟ ଟେଷ୍ଟ ମ୍ୟାଚ୍ କ୍ରିକେଟର ଇଶାନ୍ତ ଶର୍ମାଙ୍କ କ୍ୟାରିୟରର ୧୦୦ତମ ମୁକାବିଲା ହେବ। କୌଣସି ଖେଳାଳି ପାଇଁ ଏହା ବେଶ ଗୌରବର ସମୟ। ଏହାସତ୍ତ୍ୱେ ବେଶ୍ ଖୁସି ନାହାନ୍ତି ଈଶାନ୍ତ। ଜୀବନର ବଡ଼ ମୁକାବିଲା ଖେଳିବା ପୂର୍ବରୁ ସେ ନିଜର ଦୁଃଖ ବାଣ୍ଟିଛନ୍ତି।
ଇତିମଧ୍ୟରେ ଈଶାନ୍ତ ୯୯ ଟେଷ୍ଟ ଖେଳିଥିବା ବେଳେ ୩୦୨ ରନ୍ କରି ରେକର୍ଡ ସଫଳତା ହାସଲ କରିଛନ୍ତି ହେଲେ ସୀମିତ ଓଭର କ୍ରିକେଟ ଟିମ୍(ଦିନିକିଆ ଏବଂ ଟି୨୦) ଦଳରେ ତାଙ୍କର ଚୟନ ହୋଇନାହିଁ। ଏହି ଦୁଃଖ ସେ ଦୀର୍ଘଦିନରୁ ସହି ଆସୁଛନ୍ତି। ଏଥିନେଇ ପଚରାଯିବାରେ ଈଶାନ୍ତ କହିଛନ୍ତି, ଏହାକୁ ମୁଁ ଆଶୀର୍ବାଦ ଭଳି ଗ୍ରହଣ କରିଛି। ସୀମିତ ଓଭରର କ୍ରିକେଟ ଖେଳିବାକୁ ଚାହେଁ। ହେଲେ ଯଦି ଖେଳିବାକୁ ସୁଯୋଗ ମିଳୁନାହିଁ ତେବେ ଅଭ୍ୟାସ ଜାରି ରଖିବା ଠିକ୍। ଏଥିସହ ଦିନିକିଆରେ ଚୟନ ନହେବା ଯୋଗୁ ଟେଷ୍ଟ କ୍ରିକେଟରେ ପ୍ରଦର୍ଶନ ଉପରେ ପ୍ରଭାବ ପଡ଼ୁ ତାହା ଚାହୁଁନାହିଁ। ଗୋଟିଏ ଫର୍ମାଟରେ ଖେଳୁଛି ତାହା ବଡ଼ କଥା। ଏହାର ଅର୍ଥ ନୁହେଁ ଯଦି ତିନି ଫର୍ମାଟରେ ଖେଳିଥାନ୍ତି, ତେବେ ଟେଷ୍ଟ କ୍ରିକେଟ ଉପରେ ପ୍ରଭାବ ପଡ଼ିଥାନ୍ତା। ହୁଏତ ଅଧିକ ସମୟ ଲାଗିଥାନ୍ତା। ମୁଁ ଏବେ ୩୨ ବର୍ଷର ୪୨ ବର୍ଷର ନୁହେଁ ବୋଲି ସେ ମଧ୍ୟ କହିଛନ୍ତି।
ଈଶାନ୍ତଙ୍କ ଦିନିକିଆ କ୍ୟାରିୟର:
ମ୍ୟାଚ୍-୮୦
ଉଇକେଟ: ୧୧୫
ଶ୍ରେଷ୍ଠ ପ୍ରଦର୍ଶନ: ୪/୩୪
୪ ଉଇକେଟ: ୬ଥର
ଶେଷ ଦିନିକିଆ ମ୍ୟାଚ୍: ଭାରତ ବନାମ ଅଷ୍ଟ୍ରେଲିଆ(୨୦୧୬)
