ସୌର, ପବନଶକ୍ତିରେ ଚାଲୁଛି ସେଚ ପ୍ରକଳ୍ପ

ନବରଙ୍ଗପୁର,୨୮।୪ (ବି.ପ୍ର.) – ବିଦ୍ୟୁତ୍‌ ନ ଥାଇ ସୌର ଓ ପବନ ଶକ୍ତି ଦ୍ୱାରା ପାଣିମଟର ଚଳାଇ ଜମିକୁ କରାଯାଉଛି ଜଳସେଚନ । ଗୋଟିଏ ପ୍ରକଳ୍ପରୁ ଦୈନିକ ୨୦ହଜାର ଲିଟର ପାଣି ଜମିକୁ ପହଞ୍ଚା ଯାଇପାରୁଛି। ସାଉଥ୍‌ ଆଫ୍ରିକା ଜ୍ଞାନକୌଶଳରେ ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ ପାତ୍ରପୁଟରେ ନିର୍ମିତ ହୋଇଛି ରାଜ୍ୟର ପ୍ରଥମ ଓ୍ବିଣ୍ଡ-ସୋଲାର ହାଇବ୍ରିଡ୍‌ ପ୍ରୋଜେକ୍ଟ; ଯାହା ଚାଷୀଙ୍କୁ ଉପକୃତ କରୁଛି ।
ଜିଲାକୁ ୨୦୧୮ ମସିହାରେ କୃଷି ଓ କୃଷିଭିତ୍ତିକ ଆର୍ଥିକ ବିକାଶ ପାଇଁ ମଡେଲ ଜିଲାଭାବେ ଗ୍ରହଣ କରାଯାଇ ଦେଶର ୧୨ଟି ଗବେଷଣା ସଂସ୍ଥା ଏଠାରେ କାର୍ଯ୍ୟ କରିଆସୁଛି। ଖଣିଜ ବସ୍ତୁ ବିଜ୍ଞାନ ପ୍ରତିଷ୍ଠାନ ସଂସ୍ଥା ପକ୍ଷରୁ ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକର ପାତ୍ରପୁଟଠାରେ ତ୍ରିନାଥ ଅମାନତ୍ୟଙ୍କ ଚାଷଜମିରେ ପରୀକ୍ଷାମୂଳକ ଭାବେ ସରକାରଙ୍କ ତରଫରୁ ପ୍ରାୟ ୧୩ ଲକ୍ଷ ଟଙ୍କା ବ୍ୟୟକରି ଓ୍ବିଣ୍ଡ-ସୋଲାର ହାଇବ୍ରିଡ୍‌ ପ୍ରୋଜେକ୍ଟ ସ୍ଥାପନ କରାଯାଇଛି। ସିଏସ୍‌ଆଇଆର୍‌-ଆଇଏମ୍‌ଏମ୍‌ଟିର ମୁଖ୍ୟ ବୈଜ୍ଞାନିକ ସନ୍ତୋଷ କୁମାର ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ପ୍ରକଳ୍ପ ଗତ ୯ ତାରିଖରେ ଆରମ୍ଭ ହୋଇଛି; ଯାହା ସମ୍ପୂର୍ଣ୍ଣ କମ୍ପ୍ୟୁଟର ଦ୍ୱାରା ପରିଚାଳିତ। ଏକ ଲମ୍ବା ଖୁଣ୍ଟ ପୋତାଯାଇ ଏହାର ଶୀର୍ଷରେ ବଡ଼ ପଙ୍ଖା ଓ ପାଖରେ ସୋଲାର ପ୍ଲେଟ୍‌ ଲଗାଯାଇଛି। ଦିନ ବେଳେ ସୌରଶକ୍ତିରୁ ବିଦ୍ୟୁତ୍‌ ଉତ୍ପାଦନ ହୋଇ ପାଣି ମଟର ଚାଲୁଛି। ପବନ ହେଲେ ବଡ଼ ପଙ୍ଖା ବୁଲି ବୁଲି ବିଦ୍ୟୁତ୍‌ ଉତ୍ପାଦନକରି ପାଣି ମୋଟର ଚାଲୁଥିବା ଦେଖିବାକୁ ମିଳିଛି। ଯଦି କୌଣସି କାରଣରୁ ୨ଟି ଯାକ ବିଫଳ ହେଲେ ବିଦ୍ୟୁତ୍‌ରେ ମଧ୍ୟ ଏହି ପ୍ରକଳ୍ପ ଯେପରି ଚାଲିପାରିବ ତାହାର ବ୍ୟବସ୍ଥା କରାଯାଇଛି । ଏହି ପ୍ରକଳ୍ପ ଦ୍ୱାରା ଦିନକୁ ୨୦ହଜାର ଲିଟରରୁ ଊର୍ଦ୍ଧ୍ୱ ପାଣି ବାହାରି ପ୍ରାୟ ୧୦ ଏକରରୁ ଅଧିକ ଜମିକୁ ଜଳସେଚିତ କରୁଛି। ଏହି ପ୍ରକଳ୍ପରେ ୫ଏଚ୍‌ପିର ମୋଟର ଚାଲିପାରୁଥିବା ବେଳେ ବର୍ତ୍ତମାନ ପରୀକ୍ଷାମୂଳକ ଭାବେ ୨ଏଚ୍‌ପି ମୋଟର ଲଗାଯାଇଛି ।
ଅମାନତ୍ୟଙ୍କ ସମେତ ତାଙ୍କ ଜମି ପାଖରେ ଲାଗିରହିଥିବା ପାତ୍ରପୁଟ ଗ୍ରାମର ଅନ୍ୟ ତିନି ଜଣ ଚାଷୀ ଏହି ପ୍ରକଳ୍ପ ଯୋଗୁ ଲାଭବାନ ହେଉଛନ୍ତି। ନବରଙ୍ଗପୁରର ଉଠାଜଳସେଚନ ବିଭାଗ ଦ୍ୱାରା ସେଠାରେ ଏକ ଗଭୀର ନଳକୂପ ଖନନ କରାଯାଇଛି । ବର୍ତ୍ତମାନ ୪ଜଣ ଚାଷୀ ମିଳିତ ଭାବରେ ୯ଏକର ଜମିରେ ମକା, ପିଆଜ, ଆମ୍ବ, ଲେମ୍ବୁ ଆଦି ଚାଷ କରିଥିବା ବେଳେ ଆଗକୁ ଲଙ୍କା, ଆଳୁ, ଧାନ, ମାଣ୍ଡିଆ, ଆଖୁଚାଷ କରିବା ଲକ୍ଷ୍ୟ ରହିଛି। ନବରଙ୍ଗପୁର ଜିଲାରେ କେବଳ ଭାସ୍କେଲ ଜଳସେଚନ ପ୍ରକଳ୍ପକୁ ଛାଡି ଦେଲେ କୌଣସି ହେଲେ ମଧ୍ୟମ ଜଳସେଚନ ପ୍ରକଳ୍ପ ନାହିଁ। ଇନ୍ଦ୍ରାବତୀରୁ ଟନେଲ ଯୋଗେ ଜଳ ଯୋଗାଣ ବ୍ୟବସ୍ଥା ବର୍ତ୍ତମାନ ସୁଦ୍ଧା କେନ୍ଦ୍ରୀୟ ଜଳ ଆୟୋଗରେ ଅନୁମତି ପାଇଁ ପଡି ରହିଛି। ଏଭଳି ସମୟରେ ଯଦି ଓଡ଼ିଶାରେ ପ୍ରଥମ ଭାବେ ନିର୍ମିତ ହୋଇଥିବା ଏହି ପ୍ରକଳ୍ପ ଚାଷୀଙ୍କୁ ଯଥେଷ୍ଟ ପାଣି ଯୋଗାଇଦେବାରେ ସଫଳ ହେବ ତା’ହେଲେ ସାରା ରାଜ୍ୟରେ ଏହା କାର୍ଯ୍ୟକାରୀ କରାଯିବ ବୋଲି ନବରଙ୍ଗପୁର ଜିଲାପାଳ ଅଜିତ କୁମାର ମିଶ୍ର କହିଛନ୍ତି। ଜିଲାର ବିଭିନ୍ନ ସ୍ଥାନରେ ଉଠା ଜଳସେଚନ ବିଭାଗ ଦ୍ୱାରା ଗଭୀର ନଳକୂପ ଖୋଳାଯାଇଛି। କିନ୍ତୁ ବିଦ୍ୟୁତ୍‌ ସମସ୍ୟା ଯୋଗୁ ଜମିଗୁଡିକରେ ନିୟମିତ ପାଣି ଯୋଗାଇବାରେ ତାହା ବିଫଳ ହେଉଛି। ଚାଷୀ କ୍ଷତି ସହୁଛନ୍ତି। ଏହି ପ୍ରକଳ୍ପ ଯଦି ସଫଳ ହେବ ତା’ହେଲେ ଜିଲାର ଅନେକ ଚାଷୀ ଏଥିରେ ଉପକୃତ ହେବେ ବୋଲି ଆଶା କରାଯାଉଛି।


Enter your email to get our daily news in your inbox.

All Right Reserved By Dharitri.Com

କଟକରେ ଡେଙ୍ଗୁ ମୃତ୍ୟୁ ଅଭିଯୋଗ

କଟକ ଅଫିସ,୧୯/୮: କଟକ ମହାନଗର ନିଗମ ଅନ୍ତର୍ଗତ ଓ୍ବାର୍ଡ ନଂ. ୨୬ ଭଗତପୁର ଅଞ୍ଚଳର ଡେଙ୍ଗୁରେ ଆକ୍ରାନ୍ତ ଜଣେ ଯୁବକଙ୍କ ବୁଧବାର ମୃତ୍ୟୁ ହୋଇଥିବା ଅଭିଯୋଗ...

କାର୍ତ୍ତି ଚିଦାମ୍ବରମ୍‌ଙ୍କ ଓଡ଼ିଶା ଲିଙ୍କ୍‌: ଝାରସୁଗୁଡ଼ାରେ ସିବିଆଇ

ଝାରସୁଗୁଡ଼ା ଅଫିସ,୧୭।୫: ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମ୍ବଙ୍କ ପୁଅ ତଥା କଂଗ୍ରେସ ନେତା କାର୍ତ୍ତି ଚିଦାମ୍ବରମ୍‌ଙ୍କ ଲିଙ୍କ୍‌ରେ ଝାରସୁଗୁଡ଼ାରେ ସିବିଆଇ ରେଡ୍‌ କରୁଛି। ଏକକାଳୀନ ୬ଟି...

ଶିକ୍ଷକଙ୍କୁ କାରଣ ଦର୍ଶାଅ ନୋଟିସ ମାଗିବା ନେଇ ବିଇଓଙ୍କୁ ଘେରିଲା ଶିକ୍ଷକ ସଂଘ

ସାରସକଣା,୨୦ା୮(ଡି.ଏନ୍‌.ଏ.): ମୟୂରଭଞ୍ଜ ଜିଲା ସାରସକଣା ବ୍ଲକ ଶିକ୍ଷାଧିକାରୀ(ବିଇଓ)ଙ୍କ କାର୍ଯ୍ୟକଳାପ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି। ଜୁଲାଇ ୧୭ ତାରିଖ ଚିଠି ସଂଖ୍ୟା ୧୫୩୬ ଅନୁସାରେ ସିଆରସିସି...

ପୂଜାମଣ୍ଡପରେ ସୁରକ୍ଷା ବ୍ୟବସ୍ଥା କରାଯିବ

କଟକ ଅଫିସ,୮।୧୦: କଟକର ୩ଟି ଥାନା ପକ୍ଷରୁ ଦୁର୍ଗାପୂଜା ପ୍ରସ୍ତୁତି ବୈଠକ ଗୁରୁବାର ଅନୁଷ୍ଠିତ ହୋଇଯାଇଛି। ପୁରୀଘାଟ ଥାନା ପକ୍ଷରୁ ସ୍ଥାନୀୟ ଟାଉନ ହଲଠାରେ ଆୟୋଜିତ...

କରୋନା ମୁକାବିଲା: ଓଡ଼ିଶା ପାଇଁ ଅଧିକ ଅନୁଦାନ ଦାବିକଲେ ସ୍ବାସ୍ଥ୍ୟମନ୍ତ୍ରୀ

ଝାରସୁଗୁଡ଼ା ଅଫିସ,୧୦ା୪: କେନ୍ଦ୍ର ସରକାରଙ୍କ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ହର୍ଷବର୍ଦ୍ଧନ ଶୁକ୍ରବାର ଦେଶର ବିଭିନ୍ନ ରାଜ୍ୟର ସ୍ବାସ୍ଥ୍ୟମନ୍ତ୍ରୀଙ୍କ ସହ ଭିଡିଓ କନ୍‌ଫରେନ୍ସିଂ ଜରିଆରେ...

ଦିଗପହଣ୍ଡିରେ ପାଳିତ ହେଲା ସ୍ବାଧୀନତା ଦିବସ

ଦିଗପହଣ୍ଡି,୧୫।୮(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଆଖପାଖ ପୁରପଲ୍ଲୀରେ ଶନିବାର ସ୍ବାଧୀନତା ଦିବସ ପାଳିତ ହୋଇଯାଇଛି। ଦିଗପହଣ୍ଡି କୋର୍ଟରେ ମାଜିଷ୍ଟ୍ରେଟ ସଞ୍ଜୟ ଶୁଭବ୍ରତ ଆଚାର୍ଯ୍ୟ...

ମହାପ୍ରଭୁଙ୍କ ପାଇଁ ମାମୁଘରୁ ଆସିବ ପୋଢୁଆଁ ବସ୍ତ୍ର

ପୁରୀ ଅଫିସ, ୨୪।୯: କଟକ ଜିଲା ନିଆଳିର ମାଧବାନନ୍ଦ ଜୀଉ ମନ୍ଦିର ଶ୍ରୀଜଗନ୍ନାଥ ମହାପ୍ରଭୁଙ୍କ ମାମୁଁଘର ବୋଲି ଲୋକମୁଖରେ ପରିଚିତ। ତେଣୁ ପ୍ରଥମାଷ୍ଟମୀରେ ପୋଢୁଆଁ ବସ୍ତ୍ର...

କାନ୍ଦିଲେ ଅପରାଜିତା

ପୁରୀ ଅଫିସ,୨୭।୪: ମହାପ୍ରଭୁଙ୍କ ଦର୍ଶନ ପାଇଁ ବାହାରିଥିବା ଭୁବନେଶ୍ୱର ଏମ୍‌ପି ଅପରାଜିତା ଷଡଙ୍ଗୀଙ୍କ ପୁରୀ ଗସ୍ତକୁ ନେଇ ରାଜନୀତି ସରଗରମ ରହିଛି। ଗୋଟିଏ ପଟେ ଐତିହ୍ୟ...

Advertisement
Archives

Model This Week