କପ୍ତିପଦା,୫।୫(ଡି.ଏନ.ଏ)-ମୟୂରଭଞ୍ଜ ଜିଲା କପ୍ତିପଦା ବ୍ଲକ୍ ଅଞ୍ଚଳରେ ଥିବା ଦମକଳ କେନ୍ଦ୍ରର ବିଭିନ୍ନ ବିଭାଗୀୟ ଅଧିକାରୀ ଓ କର୍ମଚାରୀଙ୍କ ଲାଗି କ୍ୱାର୍ଟର୍ସ ନିର୍ମାଣ କାର୍ଯ୍ୟ ନିମ୍ନମାନର ହୋଇଥିବା ତତ୍କାଳୀନ ବାଲେଶ୍ୱର ଜୋନ ଡିଏଫ୍ଓ ପୁରନ ସରେନ ଅଭିଯୋଗ କରିଥିଲେ। ଅଟକଳକୁ ଅଣଦେଖା କରି ବ୍ୟାପକ ଅନିୟମିତତା କରାଯାଇଥିବା ସରେନ ଅଭଯୋଗ ଉଠାଇଥିଲେ । ଅଭିଯୋଗର ବର୍ଷକ ପରେ ମଙ୍ଗଳବାର ବାଲେଶ୍ୱର ଜୋନ ଡିଏଫ୍ଓ ସତ୍ୟପିର ବେହେରା ତଦନ୍ତ କରି ଫେରିଛନ୍ତି । ତାଙ୍କ ସହିତ କଟକ ଡିଜି ଅଫିସରୁ ଜଣେ ଅଧିକାରୀ ମଧ୍ୟ ସାମିଲ ଥିଲେ।
୨୦୧୫ ଅକ୍ଟୋବାର ୧୯ରେ ଦମକଳ କେନ୍ଦ୍ର ସ୍ଥାପିତ ହୋଇଛି। କୌଣସି ବିଭାଗୀୟ ଅଧିକାରୀ କିମ୍ବା କର୍ମଚାରୀମାନଙ୍କ ପାଇଁ ଷ୍ଟାଫ୍ କ୍ୱାର୍ଟର୍ସ ନିର୍ମାଣ ହୋଇ ନ ଥିବାରୁ ସେମାନେ ବହୁ ଅସୁବିଧାର ସମ୍ମୁଖୀନ ହେଉଥିଲେ । ଫଳରେ ବିଭାଗ ପକ୍ଷରୁ କପ୍ତିପଦା ଦମକଳ କେନ୍ଦ୍ର ପରିସରରେ ୧କୋଟି ପାଖାପାଖି ଟଙ୍କାର ଷ୍ଟାଫ୍ କ୍ୱାର୍ଟର୍ସ ନିର୍ମାଣ ହୋଇଛି। ଏହି କ୍ୱାର୍ଟର୍ସ ନିର୍ମାଣ ଓଡିଶା ପୋଲିସ ଷ୍ଟେଟ୍ ହାଉସିଂ ୱେଲଫେୟାର ପକ୍ଷରୁ କରାଯାଇଛି। ଅଭିଯୋଗ ଅନୁଯାୟୀ, କ୍ୱାର୍ଟର୍ସ ହସ୍ତାନ୍ତର ପୂର୍ବରୁ ପ୍ଲିିନ୍ଥରେ ଫାଟ ଦେଖାଦେବା ସହିତ ପ୍ଲାଷ୍ଟର ଝଡିଯାଇଥିଲା। ଅଟକଳ ଅନୁସାରେ ଶାଳ ପିଆଶାଳ କାଠରେ କବାଟ ଝରକା ଲାଗିବାକୁ ଥିବା ବେଳେ ତାହା ନିମ୍ନମାନର କାଠରେ ଲଗାଯାଇଛି। କ୍ୱାର୍ଟର୍ସ ଫ୍ଲୋରିଂ ମାର୍ବଲରେ ହେବାକୁ ଥିବା ବେଳେ ନିମ୍ନମାନର ଟାଇଲ ବ୍ୟବହାର କରାଯାଇଛି ା ପାଚେରୀରେ ଯେଉଁ ଗେଟ୍ ଲାଗିବା କଥା, ତାହା ଲାଗି ନାହିଁ ା ସଂଯୋଗୀକରଣ ରାସ୍ତାରେ ରିଟର୍ଣ୍ଣିଂ ଓ୍ବାଲ କରାଯାଇନାହିଁ। ସେହିପରି ୬ କୁଇଣ୍ଟାଲ ୬୫ କେଜି ଓଜନର ଗେଟ୍ ଲାଗିବାକୁ ଥିବା ବେଳେ ତାହା ୩ରୁ ୪ କୁଇଣ୍ଟାଲ ଓଜନର ଲାଗିିଥିବା ଅଭିଯୋଗରୁ ଜଣାଯାଇଛି ା କ୍ୱାର୍ଟର୍ସରେ ବ୍ୟବହୃତ ହୋଇଥିବା ଷ୍ଟିିଲ ରେଲିଂ ମଧ୍ୟ ନିମ୍ନମାନର ଲଗାଯାଇଛି। ଇଲେକ୍ଟ୍ରି ୱାରିଂରେ ନିମ୍ନମାନର ତାର, ସୁଇଚ୍ବୋର୍ଡ ଏବଂ ଅନ୍ୟାନ୍ୟ ସାମଗ୍ରୀ ବ୍ୟବହାର କରାଯାଇଛି ା ଏତଦ୍ବ୍ୟତୀତ ଏତେ ଟଙ୍କାର କୋଠା ବଙ୍କା ନିର୍ମାଣ ହୋଇଥିବାର ଅଭିଯୋଗ ହୋଇଛିି ା ସବୁଠାରୁ ବିସ୍ମୟ କଥା, ଯେଉଁ ସ୍ଥାନରେ କ୍ୱାର୍ଟର୍ସ ନିର୍ମାଣ ହୋଇଛି ସେ ସ୍ଥାନରେ ପୂର୍ବରୁ ଗୋଟିଏ ବି ଗଛ ନ ଥିବା ବେଳେ ଗଛକଟାରେ ୪୦ ହଜାର ଟଙ୍କା ବ୍ୟୟ କରାଯାଇଥିବା ଦର୍ଶାଯାଇଛି ା ଅଟକଳକୁ ସମ୍ପୂର୍ଣ୍ଣ ଅଣଦେଖା କରାଯାଇ ଥିବାରୁ କ୍ୱାର୍ଟର୍ସ ସ୍ଥାୟିତ୍ୱ ନେଇ ପ୍ରଶ୍ନ ଉଠିଛି ା ଏଣୁ ଉଚ୍ଚସ୍ତରୀୟ ବିଭାଗୀୟ ଅଧିକାରୀ ତଦନ୍ତ ପୂର୍ବକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଛି ା ଏ ସମ୍ପର୍କରେ ତଦନ୍ତକାରୀ ଅଧିକାରୀ ସତ୍ୟପିିର ବେହେରାଙ୍କୁ ପଚାରିବାରୁ ସେ କହନ୍ତି, ହାଉସିଂ ବୋର୍ଡ କରିଛି, କାମ ସରିନି ଛୋଟ ମୋଟ କାମ କିଛି ବାକି ଅଛି, ସରୁ ଦେଖିବା କହି ଅନ୍ୟ ପ୍ରସଙ୍ଗକୁ ଏଡାଇ ଯାଇଥିଲେ।
