ଅହମ୍ମଦାବାଦ,୩।୬: ଆଇପିଏଲ୍ ୨୦୨୫ ଫାଇନାଲ ମୁକାବିଲାରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପ୍ରଥମେ ବ୍ୟାଟିଂ କରି ୨୦ ଓଭରରେ ୯ ଉଇକେଟ ହରାଇ ୧୯୦ ରନ୍ କରିଛି। ଫଳରେ ପଞ୍ଜାବ କିଙ୍ଗ୍ସକୁ ୧୯୧ ରନ୍ର ଟାର୍ଗେଟ ମିଳିଛି। ଆର୍ସିବି ପକ୍ଷରୁ ବିରାଟ କୋହଲି ସର୍ବାଧିକ ରନ୍ କରିଛନ୍ତି। ସେ ୩୫ ବଲ୍ରେ ୪୩ ରନ୍ କରିଛନ୍ତି। ଏହାଛଡ଼ା ଜିତେଶ ଶର୍ମା ୧୦ ବଲ୍ରେ ୨୪ ରନ୍ର ଦ୍ରୁତ ଇନିଂସ ଖେଳିଛନ୍ତି। ପଞ୍ଜାବ ପକ୍ଷରୁ କାଇଲ ଜେମିସନ ଏବଂ ଅର୍ଶଦୀପ ସିଂ ୩ ଉଇକେଟ ଲେଖାଏ ନେଇଛନ୍ତି।
IPLରେ କେଉଁ ଦଳ ଚାମ୍ପିଅନ ହୋଇଛନ୍ତି?
ଏହା IPLର ୧୮ତମ ସିଜିନ ଏବଂ ଗତ ୧୭ ସିଜିନ ମଧ୍ୟରେ ୩ଟି ଦଳ ପ୍ରାଧାନ୍ୟ ବିସ୍ତାର କରିଛନ୍ତି। ଚେନ୍ନାଇ ସୁପର କିଙ୍ଗସ ଏବଂ ମୁମ୍ବାଇ ଇଣ୍ଡିଆନ୍ସ ପ୍ରତ୍ୟେକ ୫ଟି ଲେଖାଏ ଟାଇଟଲ ଜିତିଛନ୍ତି। ସେହିଭଳି କୋଲକାତା ନାଇଟ ରାଇଡର୍ସ ୩ ଥର ଟ୍ରଫି ଉଠାଇଛନ୍ତି। ଏଗୁଡ଼ିକ ବ୍ୟତୀତ ବାକି ୪ଟି ଦଳ IPL ଟ୍ରଫି ଜିତିଛନ୍ତି।
ରାଜସ୍ଥାନ ରୟାଲ୍ସ- ୨୦୦୮
ଡେକାନ ଚାର୍ଜର୍ସ- ୨୦୦୯
ସନରାଇଜର୍ସ ହାଇଦ୍ରାବାଦ- ୨୦୧୬
ଗୁଜରାଟ ଟାଇଟନ୍ସ- ୨୦୨୨
