ନୂଆଦିଲ୍ଲୀ,୨୩।୩: ଭାରତୀୟ ଦଳର ଷ୍ଟାର ଉଇକେଟ କିପର ବ୍ୟାଟର ଈଶାନ କିଷାନ ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ) ୨୦୨୫ ସିଜିନ୍ ଆରମ୍ଭରୁ ଧମାଲ ମଚାଇ ଦେଇଛନ୍ତି। ଚଳିତ ବର୍ଷ ଈଶାନ ସନରାଇଜର୍ସ ହାଇଦ୍ରାବାଦ(ଏସଆରଏଚ) ପାଇଁ ଡେଭ୍ୟୁ କରିଥିଲେ ଏବଂ ନିଜର ପ୍ରଥମ ମ୍ୟାଚରେ ଧୂଆଁଧାର ବ୍ୟାଟିଂ କରି ଶତକ ହାସଲ କରିଛନ୍ତି।
ଆଇପିଏଲ ୨୦୨୫ ସିଜିନରେ ରବିବାରରେ, ହାଇଦ୍ରାବାଦ ଦଳ ରାଜସ୍ଥାନ ରୟାଲ୍ସ ସହିତ ମୁକାବିଲା କରିଥିଲା। ମ୍ୟାଚ୍ରେ ରାଜସ୍ଥାନ ଦଳ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଏହା ପରେ ହାଇଦ୍ରାବାଦ ବ୍ୟାଟିଂ କରିବାକୁ ଆସି ବହୁତ ରନ ସଂଗ୍ରହ କରିଥିଲା ଏବଂ ୬ ୱିକେଟ ହରାଇ ୨୮୬ ରନ କରିଥିଲା।
𝙏𝙝𝙖𝙩 𝙢𝙖𝙞𝙙𝙚𝙣 #TATAIPL 𝙘𝙚𝙣𝙩𝙪𝙧𝙮 𝙛𝙚𝙚𝙡𝙞𝙣𝙜 🧡
A special first for Ishan Kishan as he brought up his 💯 off just 45 balls 🔥
Updates ▶️ https://t.co/ltVZAvInEG#SRHvRR | @SunRisers | @ishankishan51 pic.twitter.com/8n92H58XbK
— IndianPremierLeague (@IPL) March 23, 2025
ହାଇଦ୍ରାବାଦ ଦଳ ପାୱାର ପ୍ଲେରେ ଅର୍ଥାତ୍ ପ୍ରଥମ ୬ ଓଭରରେ ୯୪ ରନ କରିଥିଲା। ଏହି ମ୍ୟାଚ୍ରେ ଇଶାନ କିଷନ ୪୫ ବଲ୍ରେ ଶତକ ହାସଲ କରିଥିଲେ। ସେ ମ୍ୟାଚ୍ରେ ମୋଟ ୪୭ ବଲ୍ରେ ୧୦୬ ରନ୍ର ଏକ ଇନିଂସ ଖେଳିଥିଲେ। ଏଥିରେ ସେ ୬ଟି ଛକା ଏବଂ ୧୧ଟି ଚୌକା ମାରିଥିଲେ। ତାଙ୍କର ଷ୍ଟ୍ରାଇକ୍ ରେଟ୍ ମଧ୍ୟ ୨୨୫.୫୩ ଥିଲା।
ଏହା ଆଇପିଏଲରେ ଇଶାନ କିଶନଙ୍କ ପ୍ରଥମ ଶତକ। ଏହା ସହିତ, ସେ ସନରାଇଜର୍ସ ହାଇଦ୍ରାବାଦ ପାଇଁ ଆଇପିଏଲରେ ଶତକ ମାରିବାରେ ପ୍ରଥମ ଭାରତୀୟ ହୋଇଛନ୍ତି। ଏହା ବ୍ୟତୀତ, ଏହା ଏହି ଆଇପିଏଲ ୨୦୨୫ ସିଜିନର ମଧ୍ୟ ଏହା ପ୍ରଥମ ଶତକ।
