ନୂଆଦିଲ୍ଲୀ,୪ା୪- ଆଇପିଏଲ ଖେଳାଯିବାକୁ ଥିବା ବିଭିନ୍ନ ସହରରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ଏହା ସତ୍ତ୍ୱେ ବିନା କୌଣସି ଅସୁବିଧାରେ ଆଇପିଏଲ ଖେଳାଯିବ ବୋଲି ଦୃଢ଼ୋକ୍ତି ଦେଇଛନ୍ତି ବିସିସିଆଇ ଉପ ସଭାପତି ରାଜୀବ ଶୁକ୍ଳା।
କରୋନାକୁ ଦୃଷ୍ଟିରେ ରଖି ବିସିସିଆଇ ସମସ୍ତ ପ୍ରକାର ବ୍ୟବସ୍ଥା କରିଛି। ଏହି କାରଣରୁ କେବଳ ୬ଟି ଭେନ୍ୟୁରେ ସମସ୍ତ ମ୍ୟାଚ୍ ଖେଳିବାକୁ ଯୋଜନା କରାଯାଇଛି । ପ୍ରତ୍ୟେକ ଭ୍ରେ୍ୟୁରେ ଖେଳାଳିଙ୍କ ପାଇଁ ପ୍ରସ୍ତୁତ କରାଯାଇଛି ବାୟୋ ବବ୍ଲ। ବାୟୋ ବବ୍ଲରେ ରହୁଥିବା ଖେଳାଳି ଓ କୋଚିଂ ଷ୍ଟାଫଙ୍କ କରାଯାଉଛି କରୋନା ଟେଷ୍ଟ। ଆଉ ରୁଦ୍ଧ ଦ୍ୱାର ଷ୍ଟାଡିୟମରେ ମ୍ୟାଚ୍ ଖେଳାଯାଉଥିବାରୁ ପ୍ରଶଂସକଙ୍କୁ ନେଇ ଚିନ୍ତା କରିବାର କୌଣସି କାରଣ ନାହିଁ। ଏଣୁ ମୁଁ ଭାବୁଛି ଟୁର୍ନାମେଣ୍ଟ ବିନା କୌଣସି ଅସୁବିଧାରେ ଖେଳାଯିବ। ତେବେ ମୁମ୍ବାଇରେ ଖେଳାଯିବାକୁ ମ୍ୟାଚ୍ଗୁଡ଼ିକ ସ୍ଥାନାନ୍ତର କରାଯିବାକୁ ଏ ପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇ ନାହିଁ। ଯଦି ଦରକାର ପଡ଼େ, ଆମ ପାଖରେ ଅତିରିକ୍ତ ଭେନ୍ୟୁ ଅଛି ବୋଲି ଶୁକ୍ଳା କହିଛନ୍ତି।
