ଇଣ୍ଟରନେଟ୍‌ ପାଠ

ସେଣ୍ଟ୍ରାଲ ବୋର୍ଡ ଅଫ୍‌ ସେକେଣ୍ଡାରି ଏଜୁକେଶନ (ସିବିଏସ୍‌ଇ) ଅନୁବନ୍ଧିତ ସ୍କୁଲଗୁଡ଼ିକ ପାଇଁ କେନ୍ଦ୍ର ସରକାରଙ୍କ ଅଧୀନ ନ୍ୟାଶନାଲ କାଉନ୍‌ସିଲ ଅଫ୍‌ ଏଡୁକେଶନାଲ ରିସର୍ଚ୍ଚ ଆଣ୍ଡ ଟ୍ରେନିଂ (ଏନ୍‌ସିଇଆର୍‌ଟି) ପାଠ୍ୟକ୍ରମ ଏବଂ ବହି ପ୍ରସ୍ତୁତ କରେ । କିନ୍ତୁ ପ୍ରାୟ ପ୍ରତ୍ୟେକ ବର୍ଷ ବହି ଠିକ୍‌ ସମୟରେ ଛପାଇବା ଓ ପିଲାଙ୍କୁ ଯୋଗାଇବାରେ ବ୍ୟତିକ୍ରମ ଲକ୍ଷ୍ୟ କରାଯାଉଛି। ଏହି ସମସ୍ୟାକୁ ପିଲା ତଥା ଅଭିଭାବକମାନେ ପ୍ରତ୍ୟେକ ବର୍ଷ ଅଙ୍ଗେ ନିଭାଉଛନ୍ତି। ଚଳିତ ବର୍ଷ ପ୍ରାରମ୍ଭରେ ବହି ଅଭାବକୁ ଦେଖି ଏନ୍‌ସିଇଆର୍‌ଟି ଅନ୍‌ଲାଇନରେ ପାଠକୁ ଛାଡ଼ିବା ଦ୍ୱାରା ଏହାକୁ ନେଇ ବ୍ୟବସୟୀ ଗୋଷ୍ଠୀ ବହି ଛପାଇ ବିକ୍ରି କରିବା ଖବର ନଜରକୁ ଆସିଥିଲା। ବଡ଼ ସମସ୍ୟା ହେଉଛି, ନିକଟ ଅତୀତରୁ ପ୍ରାୟ ପ୍ରତ୍ୟେକ ବର୍ଷ ସିବିଏସ୍‌ଇର ବିଭିନ୍ନ ଶ୍ରେଣୀର ପାଠ୍ୟକ୍ରମରେ ପରିବର୍ତ୍ତନ କରାଯାଉଛି। ପ୍ରଥମେ ପାଠ୍ୟ ପୁସ୍ତକରୁ ମୋଗଲ ଇତିହାସକୁ ହଟାଇ ଦିଆଯିବା ପରେ ଦଶମ ଶ୍ରେଣୀର ପାଠ୍ୟପୁସ୍ତକରୁ ଇଭୋଲ୍ୟୁଶନ ବା କ୍ରମବିବର୍ତ୍ତନ ବିଷୟକୁ ପରିବର୍ତ୍ତନ କରାଯିବା ପ୍ରାୟ ସମସ୍ତଙ୍କର ମନେଥିତ୍ବ। ଏହାବ୍ୟତୀତ ପିଲାମାନେ ଦଙ୍ଗା ଉପରେ ଶିକ୍ଷା ପାଇବା ଉଚିତ ନୁହେଁ ବୋଲି ପାଠ୍ୟକ୍ରମର ନୂତନ ସଂସ୍କରଣରେ ଗୁଜରାଟ ଦଙ୍ଗା ଓ ବାବ୍ରି ମସ୍‌ଜିଦ ଭଙ୍ଗ ବିଷୟକୁ ସଂଶୋଧନ କରାଯାଇଥିବା ଏନ୍‌ସିଇଆର୍‌ଟିି ନିର୍ଦ୍ଦେଶକ ଜୁନ୍‌ ୧୬ରେ ପ୍ରକାଶ କରିଥିଲେ। ଦ୍ୱାଦଶ ଶ୍ରେଣୀ ରାଜନୀତି ବିଜ୍ଞାନ ବହିରୁ ଏହି ବିଷୟକୁ ବାଦ୍‌ ଦିଆଯିବା ସହ ଅନ୍ୟ କେତେକରେ ପରିବର୍ତ୍ତନ କରାଯାଇଛି। ବାବ୍ରି ମସ୍‌ଜିଦକୁ ୩ ଗମ୍ବୁଜ ବିଶିଷ୍ଟ ଢାଞ୍ଚା ବୋଲି ଉଲ୍ଲେଖ କରାଯାଇଥିବା ବେଳେ ଅଯୋଧ୍ୟା ବିଷୟକୁ ୪ ପୃଷ୍ଠାରୁ ୨ ପୃଷ୍ଠାକୁ କମାଇ ଦିଆଯାଇଛି। ରାଜନୀତି ବିଜ୍ଞାନ ବହିର ଗଣତାନ୍ତ୍ରିକ ଅଧିକାର ଅଧ୍ୟାୟରୁ ଗୁଜରାଟ ଦଙ୍ଗା ବିଷୟକୁ ହଟାଯାଇଛି। ପିଲାଙ୍କୁ ଦଙ୍ଗା ବିଷୟରେ ପଢ଼ାଗଲେ ତାହା ସକାରାମତ୍କ ପ୍ରଭାବ ପକାଇବ ନାହିଁ ବୋଲି ଏନ୍‌ସିଇଆର୍‌ଟି ଯୁକ୍ତି ଦର୍ଶାଇଛି। ଯେହେତୁ ସମ୍ବିଧାନ ଭାରତ ଓ ଇଣ୍ଡିଆ ୨ ଶବ୍ଦକୁ ସ୍ବୀକୃତି ଦେଇଛି, ସେଥିପାଇଁ ବହିରେ ଏହାକୁ ଅଦଳବଦଳକରି ବ୍ୟବହାର କରାଯାଇପାରିବ ବୋଲି ଜୁନ୍‌ ୧୭ରେ କୁହାଯାଇଛି। କିନ୍ତୁ ମନେରଖିବା ଉଚିତ ଯେ, ବହିର କୌଣସି ବିଷୟରେ ପରିବର୍ତ୍ତନ କରିବା ଅର୍ଥ ବହି ନୂଆ କରି ଛପାଇବା। ଅର୍ଥାତ୍‌ ପୁରୁଣା ବହି ବଦଳରେ ପିଲାଙ୍କୁ ପୁନର୍ବାର ନୂଆ ବହି କିଣିବାକୁ ବାଧ୍ୟ କରିବା। ଏହି ବିଷୟରେ ଧରିତ୍ରୀର ଏପ୍ରିଲ ୯ ତାରିଖରେ ଏହି ସ୍ତମ୍ଭରେ ଲେଖିଥିଲୁ ଯେ,ପୂର୍ବରୁ ବଡ଼ ଭଉଣୀ ଭାଇଙ୍କ ବହିକୁ ସାନମାନେ ପଠନ କରିପାରୁଥିଲେ। କିନ୍ତୁ ବହିର ବିଷୟବସ୍ତୁ ବାରମ୍ବାର ବଦଳିବା ହେତୁ ତାହା ସମ୍ଭବପର ହୋଇପାରୁନାହିଁ।
ପାଠ୍ୟପୁସ୍ତକର ବିଷୟ ବାରମ୍ବାର ବଦଳିବା ଫଳରେ ଅନେକ ସମସ୍ୟା ସୃଷ୍ଟି ହୋଇଛି। ପ୍ରଥମଟି ହେଉଛି, ପାଠ୍ୟପୁସ୍ତକ ପ୍ରସ୍ତୁତ କରୁଥିବା ଅଧିକାରୀମାନଙ୍କର ମାନସିକ ସ୍ଥିରତା ଏବଂ ବୌଦ୍ଧିକ ଦକ୍ଷତା ଉପରେ ପ୍ରଶ୍ନବାଚୀ ଲାଗୁଛି। ଅଭିଭାବକମାନଙ୍କର ବାରମ୍ବାର ବହିକିଣା ଫଳରେ ଆର୍ଥିକ ବୋଝ ବଢୁଛି। ପ୍ରତ୍ୟେକଥର ନୂତନ ପାଠ୍ୟପୁସ୍ତକ ପ୍ରସ୍ତୁତ କରିବା, ଛାପିବା ଏବଂ ପିଲାଙ୍କ ପାଖରେ ପହଞ୍ଚାଇବାର ବ୍ୟବସ୍ଥା ଭାଙ୍ଗିପଡ଼ୁଥିବା ହେତୁ ଛାତ୍ରୀଛାତ୍ର କ୍ଷତିଗ୍ରସ୍ତ ହେବା ସହ ବ୍ୟବସାୟିକ ସ୍ବାର୍ଥ ପ୍ରବେଶ କରିବାର ସୁଯୋଗ ସୃଷ୍ଟି ହେଉଛି। ସରକାର ତାଙ୍କର ମନଇଚ୍ଛା ରାଜନୀତି, ଭୂଗୋଳ, ଗଣିତ ଏବଂ ଇତିହାସ ବିଷୟଗୁଡ଼ିକୁ ଥରକରେ ପରିବର୍ତ୍ତନ କରିଦିଅନ୍ତୁ। ସେହି ବହିକୁ ପ୍ରଚଳିତ ରଖନ୍ତୁ ଯେପର୍ଯ୍ୟନ୍ତ ଅନ୍ୟ ଏକ ସରକାର ଆସି ପୁନର୍ବାର ସବୁକିଛି ବଦଳାଇବାର ସୁଯୋଗ ପାଇନାହିଁ। ସେତେବେଳେ ସେ ସମସ୍ୟାକୁ ଦେଖାଯିବ। ଅନ୍ୟ ଏକ ପନ୍ଥା ହେଉଛି ବହିକୁ ନିୟମିତ ବଦଳାଇ ଚାଲନ୍ତୁ ଏବଂ ଯେଉଁ ଧନୀଘରର ପିଲା ଇଣ୍ଟରନେଟ୍‌ ଏବଂ କମ୍ପ୍ୟୁଟର ସାହାଯ୍ୟରେ ପାଠ ପଢ଼ିପାରିବେ ସେହି ପିଲାମାନେ ଉଧାଇବାର ସୁଯୋଗ ପାଆନ୍ତୁ। ନିଷ୍ଠୁର ଭାବେ ସରକାର ଘୋଷଣା କରିଦିଅନ୍ତୁ ଯେଉଁମାନେ ଇଣ୍ଟରନେଟ୍‌ରୁ ବହିକୁ ଡାଉନଲୋଡ୍‌ କରିପାରିବେ ନାହିଁ, ସେମାନେ ପଢ଼ିବା ଦରକାର ନାହିଁ।


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

କୋର୍ଟରେ ଅନେକ ମାମଲା ପଡ଼ିରହୁଛି ଓ ସମାଧାନ ବିଳମ୍ବ ହେଉଛି। ଏଭଳି ସ୍ଥିତିରେ ବେଙ୍ଗାଲୁରର ଏକ ଲିଗାଲ ଷ୍ଟାର୍ଟଅପ ‘ସମ’ ନୂତନ ଅଭିମୁଖ୍ୟ ଆପଣାଇ ମାମଲାଗୁଡ଼ିକର...

ଆମ ସଂସ୍କାର, ଆମ ହାତରେ

ଦୈନନ୍ଦିନ ଜୀବନରେ ଆମେ କରୁଥିବା କିଛି କାର୍ଯ୍ୟ ପଛରେ ନିର୍ଦ୍ଦିଷ୍ଟ ଉଦ୍ଦେଶ୍ୟ ଓ ମହତ୍ତ୍ୱ ରହିଥାଏ, ଯଦି ଓ ଆମେ ସେ ବିଷୟରେ ଅଜ୍ଞ ବା...

ବିକାଶର ସମ୍ଭାବ୍ୟ ପଦକ୍ଷେପ

ଓଡ଼ିଶା ୧୫.୫ ନିୟୁତ ହେକ୍ଟର କ୍ଷେତ୍ରଫଳ ସହ ଦେଶର ଅଷ୍ଟମ ବୃହତ୍ତମ ରାଜ୍ୟ। ଭାରତରେ ବାର୍ଷିକ ହାରାହାରି ୧୨୦୦ ମି.ମି. ବୃଷ୍ଟିପାତ ହେଉଥିବା ବେଳେ ଓଡ଼ିଶାରେ...

ନାଇଡୁଙ୍କ ନୂଆ ବ୍ୟବସ୍ଥା

ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ୍‌.ଚନ୍ଦ୍ରବାବୁ ନାଇଡୁ ପଦବୀରେ ଦୃଢ଼ ରହିଛନ୍ତି। ପ୍ରଶାସନରୁ ଆରମ୍ଭକରି ସବୁ କ୍ଷେତ୍ରରେ ପରିବର୍ତ୍ତନ ହେବାକୁ ଯାଉଛି ବୋଲି ରାଜ୍ୟ ସରକାର ଏକ ବାର୍ତ୍ତା...

ଏଇ ଭାରତରେ

ନିଷ୍ଠା ଓ ଇଚ୍ଛାଶକ୍ତି ସଫଳତା ପାଇଁ ବାଟ କଢ଼ାଇ ନିଏ, ଯାହା ଘଟିଛି କେରଳର ଆର୍‌. ବିଶ୍ୱନଙ୍କ କ୍ଷେତ୍ରରେ। ପିଲାଦିନେ ଅସହାୟ ଜୀବନ କଟାଇବା ପରେ...

ପଦ୍ଧତିଗତ ନିବେଶ ଯୋଜନା

ଅନନ୍ତ ଚରଣ ସ୍ବାଇଁ ପଦ୍ଧତିଗତ ନିବେଶ ଯୋଜନାକୁ ନେଇ ଏବେ ଅନେକ ଚର୍ଚ୍ଚା। ଅନେକଙ୍କର ଏ ବିଷୟରେ ଧାରଣା କମ୍‌। ଏହା କ’ଣ? ଏଥିରେ କିଭଳି...

ପରୀକ୍ଷା ବିଭ୍ରାଟ ଓ ଶିକ୍ଷା

ପ୍ରଦୀପ୍ତ କୁମାର ମିଶ୍ର ସମ୍ପ୍ରତି ଦେଶରେ ପରୀକ୍ଷା ବିଭ୍ରାଟ ଓ ଫଳାଫଳକୁ ନେଇ ପ୍ରବଳ ଅଶାନ୍ତି ପରିଲକ୍ଷିତ ହୋଇଛି। ଏଥିରେ ଆଶାୟୀ ପ୍ରାର୍ଥୀମାନେ ନିରାଶ ହେବା...

ଗ୍ରୀଷ୍ମ ପ୍ରବାହର ମୁକାବିଲା

ରେଞ୍ଜୋ ଆର୍‌. ଗୁଇଣ୍ଟୋ ସମଗ୍ର ଏସିଆର ଲୋକେ ଗ୍ରୀଷ୍ମ ପ୍ରବାହର ଶେଷ ସମୟକୁ ଅପେକ୍ଷା କରି ରହିଥିଲେ, ଯାହା ଏବେ ପାଖେଇ ଆସିଥିବା ମନେହେଉଛି। ମୋ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri