ଜୈବିକ ପରିବା ଚାଷ ପ୍ରତି ଆଗ୍ରହ ବଢ଼ିଛି

ଯାଜପୁର ଅଫିସ,୨ା୧:ଯାଜପୁର ଜିଲା କଳିଙ୍ଗନଗର ଶିଳ୍ପାଞ୍ଚଳର ସୁକିନ୍ଦା ଓ ଦାନଗଦି ବ୍ଲକର ୨୪ ପଞ୍ଚାୟତର ୮୪ ଗ୍ରାମର ୩୬୧୮ ଜଣ ହିତାଧିକାରୀ ନିଜ ବଗିଚାରେ ଜୈବିକ ପ୍ରଣାଳୀରେ ଦେଶୀ ପରିବା ଚାଷ ପ୍ରତି ଆକୃଷ୍ଟ ହୋଇଛନ୍ତି। ଟାଟା ଷ୍ଟିଲ ଫାଉଣ୍ଡେଶନ୍‌ (ଟିଏସ୍‌ଏଫ୍‌) କଳିଙ୍ଗନଗର ପକ୍ଷରୁ କମ୍ପାନୀର କ୍ଷେତ୍ର ପାର୍ଶ୍ୱବର୍ତ୍ତୀ ଅଞ୍ଚଳରେ ମାଗଣାରେ ବିହନ, ଚାରା ଓ ଜୈବିକ ସାର ଯୋଗାଇ ଦିଆଯାଉଛି।
ଜିଲାରେ ଏକଦା ଦେଶୀ ପନିପରିବା ପ୍ରଚୁର ପରିମାଣରେ ଉତ୍ପାଦିତ ହେଉଥିବାବେଳେ ଦରଦାମ ମଧ୍ୟ କମ୍‌ ଥିଲା। ଏଣୁ ଏଠାରୁ ଅନ୍ୟ ଜିଲାକୁ ପରିବା ବିକ୍ରି ପାଇଁ ଯାଉଥିଲା। ତଟକା ଓ ଦେଶୀ ପରିବା ରାସ୍ତାକଡ଼ରେ, ହାଟବଜାରରେ ଉପଲବ୍ଧ ହେଉଥିଲା। ଶିଳ୍ପର ଅଭିବୃଦ୍ଧି ଯୋଗୁ କୃଷି କ୍ଷତିଗ୍ରସ୍ତ ହେବା ସହ ଗତ କିଛିବର୍ଷ ହେଲା ଜିଲାରେ ପରିବା ଉପତ୍ାଦନ ହ୍ରାସ ପାଇବାରେ ଲାଗିଛି। ଫଳରେ ରାଜ୍ୟ ତଥା ଜିଲା ବାହାରୁ ପରିବା ଅଣାଯାଇ ଆବଶ୍ୟକତା ମେଣ୍ଟାଉଛି। ବେପାରୀମାନେ ପଶ୍ଚିମବଙ୍ଗରୁ ଟ୍ରିପ୍‌ ଟ୍ରିପ୍‌ ଟମାଟୋ, ବାଇଗଣ, ଫୁଲକୋବି, ବନ୍ଧାକୋବି ଆଦି ପରିବା ଆଣି ଏଠାରେ ବିକ୍ରି କରୁଛନ୍ତି। ତେବେ ବର୍ତ୍ତମାନ ସମୟରେ ଯାଜପୁର ବଜାରରେ ଦେଶୀ ପୁଷ୍ଟିକର ପନିପରିବା ପ୍ରାୟତଃ ଆଉ ମିଳୁନାହିଁ। ଫଳରେ ଲୋକମାନେ ହାଇବ୍ରିଡ୍‌ ପନିପରିବା କିଣି ଖାଇବାକୁ ବାଧ୍ୟ ହେଉଛନ୍ତି। ଶିଳ୍ପ ତଥା ଅନ୍ୟ ବ୍ୟବସାୟିକ ସଂସ୍ଥାରେ କାମ କରୁଥିବା କିମ୍ବା ବ୍ୟବସାୟ କରୁଥିବା ସୀମିତ ଧନଶାଳୀ ଲୋକ ଚଢ଼ାଦରରେ ପରିବା କିଣୁପାରୁଥିବାବେଳେ ସାଧାରଣ ଓ ମଧ୍ୟବିତ୍ତ ଶ୍ରେଣୀର ଲୋକେ ତାହା ପ୍ରାୟତଃ ସମ୍ଭବ ହୋଇପାରୁନାହିଁ। ଏଭଳି ସ୍ଥିତିରେ ଟିଏସ୍‌ଏଫ୍‌ ପକ୍ଷରୁ ଘରର ବାରିପଟ ସହିତ ଅଳ୍ପ ଜମିରେ ସବୁଜ ପନି ପରିବାରେ ଭରପୂର ପୋଷଣ ବଗିଚାରେ ପରିବା ଚାଷ ପାଇଁ ପ୍ରୋତ୍ସାହିତ କରାଯାଉଛି। ଏଥିରେ ଘରର ବର୍ଜ୍ୟ ଜଳର ବ୍ୟବହାର ଏବଂ କୌଣସି ରାସାୟନିକ ସାରର ପ୍ରୟୋଗ ହେଉ ନ ଥିବାରୁ ଏହା ସ୍ଥାନୀୟ ଲୋକମାନଙ୍କୁ ଆବଶ୍ୟକ ପରିମାଣର ପୋଷକତତ୍ତ୍ୱ ବିଶିଷ୍ଟ ଖାଦ୍ୟ ଯୋଗାଇ ଦେବାରେ ସକ୍ଷମ ହୋଇପାରିଛି। ସ୍ଥାନୀୟ ମହିଳାମାନେ ପୋଷଣ ବଗିଚା ମାଧ୍ୟମରେ ଚାଷ କରିବାରେ ସକ୍ରିୟ ଯୋଗଦାନ କରିଛନ୍ତି। ସୁକିନ୍ଦାର ସନ୍‌ସାଇଲୋ ଗ୍ରାମର ଜୟନ୍ତୀ ମହାନ୍ତ କହିଛନ୍ତି, ଏଥିରେ ସାମିଲ ହେବା ପରେ ବର୍ତ୍ତମାନ ନିଜ ବାରି ପଟେ ତଟକା ପରିବା ଚାଷ କରି ୫ ପ୍ରାଣୀ କୁଟୁମ୍ବ ଆବଶ୍ୟକତାକୁ ପୂରଣ କରିବା ସହିତ ବଳକା ପରିବା ବିକ୍ରି କରିପାରୁଛୁ। ଆତ୍ମନିର୍ଭରଶୀଳ ହେବା ସହିତ ବଜାରରୁ ବିଭିନ୍ନ ରାସାୟନିକ ସାରଯୁକ୍ତ ପରିବା କିଣିବାରେ ଖର୍ଚ୍ଚ ହେଉଥିବା ଟଙ୍କା ମଧ୍ୟ ସଞ୍ଚୟ କରିପାରୁଛୁ। ପୁଷ୍ଟିକର ପରିବା ମାଧ୍ୟମରେ ଆମକୁ ଏକ ସୁସ୍ଥଜୀବନ ମିଳିପାରିଛି ବୋଲି କହିଛନ୍ତି। ପୋଷଣ ଖାଦ୍ୟ ଉପରେ ସଚେତନତା ସୃଷ୍ଟି କରିବା ପାଇଁ ନିୟମିତ ଭାବେ ସେମାନଙ୍କ ଘରକୁ ଯିବା ସହିତ ଶସ୍ୟଚାଷ, ଏହାର ଯତ୍ନ ଏବଂ ରକ୍ଷଣାବେକ୍ଷଣ ମାଧ୍ୟମରେ ଟିଏସ୍‌ଏଫ୍‌ ସ୍ଥାନୀୟ ଲୋକମାନଙ୍କ ସହିତ ନିୟମିତ ଭାବେ ସମ୍ପର୍କ ସ୍ଥାପନ କରୁଛି। ଏଥିପାଇଁ ୧୨ କିସମର ବିହନ, ସବୁଜ ନେଟ୍‌ ଏବଂ ଜୈବିକ ଖତ ଯୋଗାଇ ଦେବାକୁ ଯୋଜନା ପ୍ରସ୍ତୁତ କରାଯାଇଛି।


Enter your email to get our daily news in your inbox.

All Right Reserved By Dharitri.Com

ବ୍ୟବହୃତ ରନ୍ଧନ ତୈଳର ପୁନର୍ବ୍ୟବହାର ନେଇ ସଚେତନତା

ପୁରୀ ଅଫିସ,୨ା୧୦: ବ୍ୟବହୃତ ରନ୍ଧନ ତୈଳକୁ ଗରମ କରି ଏହାକୁ ପୁନଃବ୍ୟବହାର କରିବା ପ୍ରାୟ ସମସ୍ତଙ୍କର ଏକ ଅଭ୍ୟାସ। ତେବେ ଏହାଦ୍ୱାରା ଲୋକେ ବିଭିନ୍ନ ପ୍ରକାର...

ପଞ୍ଚାୟତରେ ସରିନି ଆଇସୋଲେଶନ ସେଣ୍ଟର

ଅନୁଗୋଳ ଅଫିସ, ୨୯।୩ – କରୋନା ସଂକ୍ରମଣ ଏବେ ତୃତୀୟ ପର୍ଯ୍ୟାୟରେ ପହଞ୍ଚିଥିବା ରାଜ୍ୟ ସରକାରଙ୍କ ପକ୍ଷରୁ କୁହାଯିବା ସହ ଏହାର ମୁକାବିଲାକୁ ଅଧିକ ଶାଣିତ...

ମହାକାଳପଡ଼ା: ଅପପୁଷ୍ଟିରେ ଶିକାର ୧୪୫ ଶିଶୁ ଚିହ୍ନଟ

ମହାକାଳପଡ଼ା,୪ା୧(ଡି.ଏନ୍‌.ଏ.): ରାଜ୍ୟରେ ଗର୍ଭବତୀ ମହିଳା ଓ ଶିଶୁ ମୃତ୍ୟୁହାର ହ୍ରାସ ପାଇଁ ସରକାରଙ୍କ ସମନ୍ବିତ ଶିଶୁ ବିକାଶ ପ୍ରକଳ୍ପ ମାଧ୍ୟମରେ ଗ୍ରାମାଞ୍ଚଳରେ ଅଙ୍ଗନୱାଡ଼ି କେନ୍ଦ୍ର କାର୍ଯ୍ୟ...

ଅଗ୍ନିକାଣ୍ଡ: ୧୧ ବଖରା ପାଉଁଶ

ଭୁବନ/ଆଠମଲ୍ଲିକ, ୧୬।୫ (ଡି.ଏନ.ଏ.) – ଢେଙ୍କାନାଳ ଜିଲା ଭୁବନ ଏନ୍‌ଏସି ଅନ୍ତର୍ଗତ ୧୧ନଂ. ଓ୍ବାର୍ଡ ତେଲିସାହିରେ ଶୁକ୍ରବାର ଅପରାହ୍ନରେ ବିଦ୍ୟୁତ୍‌ ଶର୍ଟସର୍କିଟ୍‌ରୁ ଅଗ୍ନିକାଣ୍ଡ ଘଟି ଶଙ୍କର୍ଷଣ...

ବଢ଼ୁଛି କାଇଁଚ ରାଖୀ ଚାହିଦା

କେନ୍ଦ୍ରାପଡା ଅଫିସ, ୧୨ା୮ :  ଆଉ ମାତ୍ର ୪ ଦିନ ପରେ ରାଖୀ ପୂର୍ଣ୍ଣିମା। ଭାଇ ହାତରେ ଭଉଣୀ ବାନ୍ଧିବ ରାଖୀ। ଏହାକୁ ଦୃଷ୍ଟିରେ ରଖି...

ଦୁର୍ଘଟଣା: ସ୍ତ୍ରୀ ମୃତ, ସ୍ବାମୀ ଆହତ

ଝାରସୁଗୁଡ଼ା ଅଫିସ,୨୮ା୧: ବଡମାଲ ଥାନା ଅନ୍ତର୍ଗତ ବିଜୁ ଏକ୍ସପ୍ରେସ୍‌ ଓ୍ବେର ସାପଡା ନିକଟରେ ଏକ ଅଜଣା ଗାଡି ବାଇକ୍‌କୁ ଧକ୍କାଦେଇ ଫେରାର୍‌ ହୋଇଯାଇଛି। ଏଥିରେ ବାଇକ୍‌ରେ...

୨ ସପ୍ତାହରେ ୨ କମ୍ପାନୀର ଶୁଭ କାର୍ଯ୍ୟକ୍ରମ ସ୍ଥଗିତ

ଯାଜପୁର ଅଫିସ/କଳିଙ୍ଗନଗର (ଡି.ଏନ.ଏ.),୧୮ା୩: କଳିଙ୍ଗନଗର ଶିଳ୍ପାଞ୍ଚଳରେ ଗତ ୨ ସପ୍ତାହ ମଧ୍ୟରେ ସ୍ଥାନୀୟ ଲୋକଙ୍କ ବିରୋଧ ଯୋଗୁ ୨ କାରଖାନା ଶୁଭ ଦେଇ ନ ପାରି...

ବଡ଼ଓଷାରେ ଉତ୍ସବମୁଖର ବୁଦ୍ଧେଶ୍ୱର ଶୈବପୀଠ: ଲାଗି ହେଲା ୨୮୧ ଭଣ୍ଡାର

ଭୁବନ, ୧୦।୧୧(ଡ.ଏନ.ଏ.)-ଭୁବନର ପ୍ରସିଦ୍ଧ ବୁଦ୍ଧେଶ୍ୱର ଶୈବପୀଠରେ ରବିବାର ବଡ଼ଓଷା ପାଳିତ ହୋଇଯାଇଛି। ଏହି ଉପଲକ୍ଷେ ପାରମ୍ପରିକ ଭଣ୍ଡାର ଭୋଗ ଲାଗି କରିବା ପାଇଁ ହଜାର ହଜାର...

Advertisement
Archives

Model This Week