ପୁରୀ ଅଫିସ ୧୭ା୩: ଜାତୀୟ ପୁରସ୍କାରପ୍ରାପ୍ତ ଶିଳ୍ପୀ ଅଶୋକ ମହାପାତ୍ର ଏକ ଅଭିନବ କଳାକୃତି ନିର୍ମାଣ କରିଛନ୍ତି। ସେ କାଠରେ କାରୁକାର୍ଯ୍ୟ ନିର୍ମାଣ କରି ୨୦୦୩ରେ ଜାତୀୟ ପୁରସ୍କାର-ଏବଂ ୧୯୯୭ରେ ରାଜ୍ୟ ପୁରସ୍କାର ପାଇଥିଲେ। ଏଯାବତ୍ ମହାପାତ୍ର ସମୁଦାୟ ୧୫ଟି ପୁରସ୍କାର ପାଇଛନ୍ତି। ମହାପାତ୍ର ଜଣେ ପଥର ଶିଳ୍ପୀ ଭାବେ ବେଶ୍ ଜଣାଶୁଣା। ପୁରୀ ପଥୁରିଆ ସାହିରେ ନିଜ ଘରେ ମଦୁରାଇ ମୀନାକ୍ଷୀ ମନ୍ଦିରର ଦେବୀ ମିନାକ୍ଷୀଙ୍କ ବିବାହ ବେଳର ଦୃଶ୍ୟକୁ ମହାପାତ୍ର ପଥରରେ ତିଆରି କରିଛନ୍ତି। ମଦୁରାଇରେ ଦେବୀଙ୍କ ନିତ୍ୟ ବିବାହ ଉତ୍ସବ ହେବାର ପରମ୍ପରା ରହିଛି। ବିବାହ ଦୃଶ୍ୟର ମନୋରମ ସୂକ୍ଷ୍ମ କାରୁକାର୍ଯ୍ୟ ମହାପାତ୍ର ପଥରରେ ନିର୍ମାଣ କରିଥିଲେ ମଧ୍ୟ ପଥର ବିଗ୍ରହ ଚାରିପଟେ କାଠ ଖୋଦେଇ କାରୁକାର୍ଯ୍ୟ ଅତୀବ ରମଣୀୟ ଭାବେ ସ୍ଥାନିତ କରିଛନ୍ତି। ମଝିରେ ଦେବ ଦେବ ମହାଦେବ ରହିଛନ୍ତି। ମଦୁରାଇ ମନ୍ଦିରର ଏପରି ଏକ ବିରଳ ଦୃଶ୍ୟ ନିର୍ମାଣ କରି ଏବେ ସେ ଚର୍ଚ୍ଚାକୁ ଆସିଛନ୍ତି। ଅତ୍ୟନ୍ତ ନିଷ୍ଠା ତଥା ଶିଳ୍ପୀର ଦୃଦୟ ନେଇ ସେ ୩୦୦ରୁ ଊର୍ଦ୍ଧ୍ୱ କଳାକୃତି ନିର୍ମାଣ କରି ଜାତୀୟ ସ୍ତରରେ ଓଡ଼ିିଶାକୁ ଗର୍ବିତ କରିଛନ୍ତ। ତାଙ୍କର ଏପରି କଳାକୁ ଦେଖି ଐତିହ୍ୟ ବିଶାରଦ ଡ. ସୁରେନ୍ଦ୍ର କୁମାର ମିଶ୍ର ପ୍ରଂଶସା କରିବା ସହ ଓଡ଼ିଶାର ନାମକୁ ଜାତୀୟ ସ୍ତରରେ ପତିପାଦିତ କରିଥିବାରୁ ଧନ୍ୟବାଦ ଜଣାଇଛନ୍ତି।
