ଭୁବନେଶ୍ୱର,୧୩।୫: ରାଜ୍ୟର ଅଗ୍ରଣୀ ଘରୋଇ ସଂସ୍ଥା ତଥା ବିୟୁଟି ବ୍ରାଣ୍ଡ୍ ‘ଇଣ୍ଡଲ୍ଜ’ର ୩ଟି ନୂତନ ଏକ୍ସକ୍ଲୂସିଭ ଆଉଟଲେଟ ରବିବାର ଭୁବନେଶ୍ୱରର ଡିଏନ୍ ରେଗାଲିଆ ମଲ୍, ସମ୍ ହସ୍ପିଟାଲ ସ୍କୋୟାର ଏବଂ ରାମମନ୍ଦିର ସ୍କୋୟାରଠାରେ ଆନୁଷ୍ଠାନିକ ଭାବେ ଉଦ୍ଘାଟିତ ହୋଇଯାଇଛି। ଏହି ଅବସରରେ ବଲିଉଡ୍ ଅଭିନେତା ଅଫ୍ତାବ ଶିବଦାସାନୀ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦଘାଟନ କରିଥିଲେ।
ଏପରିକି ଏକ ସଫଳ ବିୟୁଟି ବ୍ରାଣ୍ଡ୍ ନିର୍ମାଣ ପାଇଁ ସେ ସେଲୁନ୍ର ପ୍ରତିଷ୍ଠାତା ସୁକୀର୍ତ୍ତି ପଟ୍ଟନାୟକଙ୍କୁ ଅଭିନନ୍ଦନ ଜଣାଇବା ସହ ଫ୍ରାଞ୍ଚାଇଜ୍ ମାଲିକମାନଙ୍କୁ ମଧ୍ୟ ଅଭିନନ୍ଦନ ଜଣାଇବା ସହିତ କର୍ମଚାରୀ, ପ୍ରଭାବଶାଳୀ ଏବଂ ଶୀର୍ଷ ଗ୍ରାହକଙ୍କୁ ସୁନ୍ଦର ମୁହୂର୍ତ୍ତ ପ୍ରଦାନ କରିଥିଲେ। ଏହି ପରିପ୍ରେକ୍ଷୀରେ ଇଣ୍ଡଲଜର ପ୍ରତିଷ୍ଠାତା ସୁକୀର୍ତ୍ତି ପଟ୍ଟନାୟକ ଉପରୋକ୍ତ ଆଉଟଲେଟର ଫ୍ରାଞ୍ଚାଇଜ୍ ମାଲିକ ସାଲୋନୀ କୁମାରୀ, ଶୁଚିସ୍ମିତା ମହାନ୍ତି, ସ୍ବର୍ଣ୍ଣଲତା ସାମଲ, ପ୍ରସନ୍ନା ପତି ଏବଂ ସଞ୍ଜନା ଦାସଙ୍କୁ ଅଭିନନ୍ଦନ ଜଣାଇବା ସହ ଗୁଣବତ୍ତା ଏବଂ ନିରାପତ୍ତା ଉପରେ ବିଶେଷ ଧ୍ୟାନ ଦେବାକୁ କହିଥିଲେ। ଏପରିକି ଏହାର ଗୁଣାତ୍ମକ ସେବା ଓ ନିରାପତ୍ତା ଯୋଗୁ ଓଡ଼ିଶାର ସବୁଠାରୁ ବିଶ୍ୱସ୍ତ ସେଲୁନ୍ ବ୍ରାଣ୍ଡ୍ରେ ପରିଣତ ହୋଇଛି ବୋଲି ସେ ବିସ୍ତୃତ ଭାବେ ମତପ୍ରକାଶ କରିଥିଲେ।
ସେହିଭଳି ଡିଏନ୍ ଗ୍ରୁପ୍ର ଭି.ପି. ସିଦ୍ଧାର୍ଥ ନାୟକ ଅଫତାବ୍ଙ୍କୁ ସ୍ବାଗତ କରିଥିଲେ ଏବଂ ଉନ୍ମୋଚନ ଉସତ୍ବରେ ଅତିଥି ଭାବେ ଯୋଗ ଦେଇଥିଲେ। ଅପରପକ୍ଷରେ ସମସ୍ତ ମହିଳା ଫ୍ରାଞ୍ଚାଇଜ୍ ମାଲିକଙ୍କ ପକ୍ଷରୁ ସାଲୋନୀ କୁମାରୀ ସୁକୀର୍ତ୍ତି ଏବଂ ଅଫ୍ତାବଙ୍କୁ ସେମାନଙ୍କର ଅତ୍ୟଧିକ ସମର୍ଥନ ଏବଂ ଉଦଘାଟନୀ ଉସତ୍ବରେ ଯୋଗଦାନ ନିମନ୍ତେ ଧନ୍ୟବାଦ ଅର୍ପଣ କରିଥିଲେ।
