ହାଙ୍ଗଝୋ,୨୫।୯ : ଏସିଆନ ଗେମ୍ସ ୨୦୨୩ ରେ ଶୁଟିଂ ଦଳ ଭାରତ ପାଇଁ ପ୍ରଥମ ସ୍ବର୍ଣ୍ଣ ପଦକ ଜିତିଛନ୍ତି। ଏସୀୟ ଗେମ୍ସର ଆରମ୍ଭ ପରେ ଦ୍ୱିତୀୟ ଦିନରେ ଦେଶ ପ୍ରଥମ ସ୍ବର୍ଣ୍ଣ ପଦକ ପାଇଛି। ପ୍ରଥମ ଦିନରେ ଭାରତୀୟ ଖେଳାଳିମାନେ ପାଞ୍ଚଟି ପଦକ ଜିତିଥିଲେ ମଧ୍ୟ ସ୍ବର୍ଣ୍ଣ ପଦକ ସ୍ଥାନ ଖାଲି ଥିଲା। ସୋମବାର ଶୁଟିଂ ଦଳ ଏକ ସୁବର୍ଣ୍ଣ ଆରମ୍ଭ କରି ଇଭେଣ୍ଟରେ ଦେଶକୁ ପ୍ରଥମ ପଦକ ପ୍ରଦାନ କରିବା ସହ ବିଶ୍ୱ ରେକର୍ଡ ମଧ୍ୟ ସୃଷ୍ଟି କରିଛି।
ପୁରୁଷ ୧୦ ମିଟର ଏୟାର ରାଇଫଲ ଦଳରେ ରୁଦ୍ରାକ୍ଷ ବାଲାସାହେବ ପାଟିଲ, ଦିବ୍ୟାଶଂ ସିଂ ପାନୱାର ଏବଂ ଐଶ୍ୱର୍ଯ୍ୟା ପ୍ରତାପ ସିଂ ତୋମାର ସାମିଲ ହୋଇଥିଲେ। ଭାରତୀୟ ଦଳ ହାଙ୍ଗଝୋରେ ଇତିହାସ ସୃଷ୍ଟି କରିଛି। ବ୍ୟକ୍ତିଗତ ଯୋଗ୍ୟତା ରାଉଣ୍ଡରେ ଭାରତୀୟ ଦଳ ମୋଟ ୧୮୯୩.୭ ସ୍କୋର କରି ବିଶ୍ୱ ରେକର୍ଡ ଭାଙ୍ଗିଛି। ଏହାପୂର୍ବରୁ ଶୁଟିଂ ଦଳ ଇଭେଣ୍ଟରେ ସର୍ବାଧିକ ସ୍କୋର ଚାଇନା ନାମରେ ହୋଇଥିଲା। ଗତ ମାସରେ ବାକୁ ବିଶ୍ୱ ଚାମ୍ପିଅନଶିପରେ ଚାଇନାର ଖେଳାଳିମାନେ ୧୮୯୩.୩ ସ୍କୋର ହାସଲ କରିଥିଲେ। ଚାଇନା ତୁଳନାରେ ଭାରତୀୟ ଦଳ୦.୪ ପଏଣ୍ଟ ଅଧିକ ସ୍କୋର କରିଛି।
