ନୂଆଦିଲ୍ଲୀ,୧୭।୯: ଦେଶରେ କୋଟିପତି ଲୋକଙ୍କ ସଂଖ୍ୟାରେ ବଡ ମାତ୍ରାରେ ବୃଦ୍ଧି ଘଟିଛି। ଗତ ପାଞ୍ଚ ବର୍ଷ ମଧ୍ୟରେ ୧୦ କୋଟିରୁ ଅଧିକ ଆୟ କରୁଥିବା ଭାରତୀୟଙ୍କ ସଂଖ୍ୟା ୬୩ ପ୍ରତିଶତ ବୃଦ୍ଧି ପାଇଛି। ସେଣ୍ଟ୍ରମ୍ ଇନଷ୍ଟିଚ୍ୟୁଶନାଲ ରିସର୍ଚ୍ଚ ଏହାର ଏକ ରିପୋର୍ଟରେ ଏହି ସୂଚନା ଦେଇଛି। ରିପୋର୍ଟ ଅନୁଯାୟୀ, ବାର୍ଷିକ ୫ କୋଟିରୁ ଅଧିକ ରୋଜଗାର କରୁଥିବା ଲୋକଙ୍କ ସଂଖ୍ୟା ୪୯ ପ୍ରତିଶତ ବୃଦ୍ଧି ପାଇ ୫୮,୨୦୦ ରେ ପହଞ୍ଚିଛି।
ଏହି ରିପୋର୍ଟ ଅନୁଯାୟୀ, ଗତ ପାଞ୍ଚ ବର୍ଷରେ ବାର୍ଷିକ ୧୦ କୋଟିରୁ ଅଧିକ ଆୟ କରୁଥିବା ଲୋକଙ୍କ ସଂଖ୍ୟା ୬୩ ପ୍ରତିଶତ ବୃଦ୍ଧି ପାଇଛି। ଏହି ରିପୋର୍ଟରେ କୁହାଯାଇଛି ଯେ ଦେଶରେ ୩୧,୮୦୦ ଲୋକ ବାର୍ଷିକ ୧୦ କୋଟିରୁ ଅଧିକ ରୋଜଗାର କରୁଛନ୍ତି ଏବଂ ୨୦୧୮-୧୯ ରୁ ୨୦୨୩-୨୪ ଆର୍ଥିକ ବର୍ଷ ମଧ୍ୟରେ ଗତ ପାଞ୍ଚ ବର୍ଷ ମଧ୍ୟରେ ଏହି ଲୋକଙ୍କ ସଂଖ୍ୟାରେ ଏକ ବଡ଼ ଧରଣର ଲମ୍ଫ ମାରିଛି।
ସେଣ୍ଟ୍ରମ୍ ଇନଷ୍ଟିଚ୍ୟୁସନାଲ ରିସର୍ଚ୍ଚ ଅନୁଯାୟୀ ବାର୍ଷିକ ୫୦ ଲକ୍ଷରୁ ଅଧିକ ରୋଜଗାର କରୁଥିବା ଭାରତୀୟଙ୍କ ସଂଖ୍ୟାରେ ୨୫ ପ୍ରତିଶତ ବୃଦ୍ଧି ଘଟିଛି ଏବଂ ପ୍ରାୟ ୧୦ ଲକ୍ଷ ଲୋକ ଅଛନ୍ତି ଯେଉଁମାନେ ବାର୍ଷିକ ୫୦ ଲକ୍ଷରୁ ଅଧିକ ରୋଜଗାର କରୁଛନ୍ତି। ରିପୋର୍ଟ ଅନୁଯାୟୀ, ୨୦୧୮-୧୯ ଆର୍ଥିକ ବର୍ଷ ମଧ୍ୟରେ ବାର୍ଷିକ ୧୦ କୋଟିରୁ ଅଧିକ ରୋଜଗାର କରୁଥିବା ଲୋକଙ୍କ ସଂଖ୍ୟା ବର୍ଷକୁ ୧୨୧ ପ୍ରତିଶତ ବୃଦ୍ଧି ପାଇଛି ଏବଂ ଏହିପରି ଲୋକଙ୍କ ମୋଟ ସମ୍ପତ୍ତି ୩୮ ଲକ୍ଷ କୋଟିରେ ପହଞ୍ଚିଛି। ବାର୍ଷିକ ୫ କୋଟିରୁ ଅଧିକ ରୋଜଗାର କରୁଥିବା ଲୋକଙ୍କ ସଂଖ୍ୟା ବର୍ଷକୁ ୧୦୬ ପ୍ରତିଶତ ବୃଦ୍ଧି ପାଇଛି ଏବଂ ଏହି ବର୍ଗରେ ପଡୁଥିବା ଲୋକଙ୍କ ମୋଟ ସମ୍ପତ୍ତି ୪୦ ଲକ୍ଷ କୋଟିରେ ପହଞ୍ଚିଛି। ବାର୍ଷିକ ୫୦ ଲକ୍ଷରୁ ଅଧିକ ରୋଜଗାର କରୁଥିବା ଲୋକଙ୍କ ସଂଖ୍ୟାରେ ୬୪ ପ୍ରତିଶତ ବୃଦ୍ଧି ଘଟିଛି ଏବଂ ପାଞ୍ଚ ବର୍ଷ ମଧ୍ୟରେ ସେମାନଙ୍କର ସମ୍ପତ୍ତି ୪୯ ଲକ୍ଷ କୋଟିକୁ ବୃଦ୍ଧି ପାଇଛି।
ରିପୋର୍ଟରେ ଆକଳନ କରାଯାଇଛି ଯେ ଭାରତରେ ହାଇ ନେଟ୍ ୱର୍ଥ ବ୍ୟକ୍ତିବିଶେଷ ଏବଂ ଅଲ୍ଟ୍ରା ହାଇ ନେଟ୍ ୱର୍ଥ ବ୍ୟକ୍ତିବିଶେଷଙ୍କ ମୋଟ ଆର୍ଥିକ ସମ୍ପତ୍ତି ୨୦୨୩ ସୁଦ୍ଧା ୧.୨ ଟ୍ରିଲିୟନ ଡଲାରରୁ ୨୦୨୮ ସୁଦ୍ଧା ୨.୨ ଟ୍ରିଲିୟନ ଡଲାରକୁ ବୃଦ୍ଧି ପାଇବ। ୨୦୨୩-୨୦୨୮ ମଧ୍ୟରେ, ଏହି ବର୍ଗରେ ପଡୁଥିବା ଲୋକଙ୍କ ଧନରେ ବାର୍ଷିକ ୧୩ ରୁ ୧୪ ପ୍ରତିଶତ ବୃଦ୍ଧି ଘଟିବ। ଅନୁସନ୍ଧାନ ରିପୋର୍ଟରେ କୁହାଯାଇଛି ଯେ ଲୋକଙ୍କ ଆୟର ଏହି ତୀବ୍ର ବୃଦ୍ଧି ସତ୍ତ୍ୱେ କେବଳ ୧୫ ପ୍ରତିଶତ ସମ୍ପତ୍ତି ପେସାଦାରଙ୍କ ଦ୍ୱାରା ପରିଚାଳିତ ହେଉଥିବାବେଳେ ବିକଶିତ ଦେଶମାନଙ୍କରେ ଏହି ସଂଖ୍ୟା ୭୫ ପ୍ରତିଶତ ଅଟେ।
