ସାମାଜିକ ଗଣମାଧ୍ୟମ ସୂଚନା ପ୍ରସାରଣକୁ ସହଜ କରିଦେଇଛି ସତ, କିନ୍ତୁ ଏହା ଭୁଲ୍ ତଥ୍ୟକୁ ଅଧିକ ମାତ୍ରାରେ ବିସ୍ତାର କରୁଛି। ଭାରତୀୟ ସଂସ୍କୃତିର ସଂରକ୍ଷଣ ତଥା ସୁରକ୍ଷା ପାଇଁ ସାମାଜିକ ଗଣମାଧ୍ୟମର ବିଭିନ୍ନ ମଞ୍ଚରେ ଠିକ୍ ତଥା ନିିର୍ଭରଯୋଗ୍ୟ ସୂଚନା ସୁନିଶ୍ଚିତ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଭୁଲ୍ ତଥ୍ୟ ବିସ୍ତାରର ପରିଣାମ, ଭାରତର ସାଂସ୍କୃତିକ ମହତ୍ତ୍ୱ ଏବଂ ମିଥ୍ୟା ଖବରର ପ୍ରସାରଣକୁ ବୁଝିବା ପାଇଁ ତଥ୍ୟ ଯାଞ୍ଚର ଆବଶ୍ୟକତା ରହିଛି। ସାମାଜିକ ଗଣମାଧ୍ୟମ ବୈଶ୍ୱିକ ସଂଯୋଗ ସହିତ ବିବିଧ ସଂସ୍କୃତି, ପରମ୍ପରା ଏବଂ ଐତିହ୍ୟର ସମ୍ପର୍କକୁ ସକ୍ଷମ କରି ସମାଜକୁ ମହତ୍ତ୍ୱପୂର୍ଣ୍ଣ ରୂପରେ ପ୍ରଭାବିତ କରୁଛି। ଏହି ପରିପ୍ରେକ୍ଷୀରେ ଭାରତୀୟ ସଂସ୍କୃତି, ପରମ୍ପରା ଏବଂ ଐତିହ୍ୟର ଅଖଣ୍ଡତା ରକ୍ଷା ତଥା ସଂରକ୍ଷଣ ପାଇଁ ମିଥ୍ୟା ସୂଚନା ଓ ଭୁଲ୍ ବୁଝାମଣାକୁ ରୋକିବା ପାଇଁ ତଥ୍ୟ ଅନୁସନ୍ଧାନ ଅନିବାର୍ଯ୍ୟ।
ଡିଜିଟାଲ ଯୁଗରେ ତଥ୍ୟଗୁଡ଼ିକର ଅନୁସନ୍ଧାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। କାରଣ ମିଥ୍ୟା ଏବଂ ବିଭ୍ରାନ୍ତିକର ସୂଚନା ସାମାଜିକ ଗଣମାଧ୍ୟମର ବିଭିନ୍ନ ମଞ୍ଚରେ କ୍ଷୀପ୍ର ଗତିରେ ବ୍ୟାପିଚାଲେ। ଏହା ବିଶେଷତଃ ଭାରତୀୟ ସଂସ୍କୃତି, ପରମ୍ପରା ଏବଂ ଐତିହ୍ୟ ପାଇଁ ଏକ ଚିନ୍ତାଜନକ ବିଷୟ। କାରଣ ଅନ୍ଲାଇନରେ ଅନେକ ଭୁଲ୍ ତଥା ମିଥ୍ୟା ତଥ୍ୟ ମହଜୁଦ ଅଛି। ସତ୍ୟ ଅନୁସନ୍ଧାନ ସୂଚନାର ସଠିକତା ଏବଂ ସତ୍ୟତାକୁ ସୁନିଶ୍ଚିତ କରିଥାଏ। ବ୍ୟକ୍ତିବିଶେଷଙ୍କୁ ତଥ୍ୟ ଆଧାରିତ ନିଷ୍ପତ୍ତି ଏବଂ ବିଚାର କରିବାକୁ ଅନୁମତି ଦେଇଥାଏ। ଏହା ଭାରତୀୟ ସଂସ୍କୃତିର ଅଖଣ୍ଡତା ବଜାୟ ରଖିବାରେ ସାହାଯ୍ୟ କରେ। ମିଥ୍ୟା କାହାଣୀକୁ ଚିରସ୍ଥାୟୀ ହେବାରୁ ରୋକିଥାଏ। ସାମାଜିକ ଗଣମାଧ୍ୟମର ଦ୍ରୁତ ବିକାଶ ଭାରତୀୟ ସଂସ୍କୃତି, ପରମ୍ପରା ଏବଂ ଐତିହ୍ୟ ସମ୍ବନ୍ଧୀୟ ତଥ୍ୟର ଉପଲବ୍ଧତାକୁ ବୃଦ୍ଧି କରିଛି। ଏହା ତଥ୍ୟ ଅନୁସନ୍ଧାନର ଜରୁରୀ ଆବଶ୍ୟକତାକୁ ମଧ୍ୟ ପ୍ରେରିତ କରୁଛି। ତଥ୍ୟ ଅନୁସନ୍ଧାନ କାଳ୍ପନିକରୁ ସତ୍ୟକୁ ପୃଥକ୍ କରିବାରେ ସାହାଯ୍ୟ କରେ। ଜନସାଧାରଣଙ୍କ ନିକଟରେ ଠିକ୍ ତଥା ନିର୍ଭରଯୋଗ୍ୟ ଜ୍ଞାନ ପହଞ୍ଚାଇବା ସୁନିଶ୍ଚିତ କରିବା ସହିତ ଭବିଷ୍ୟତ ପିଢ଼ି ପାଇଁ ଆମ ସାଂସ୍କୃତିକ ଐତିହ୍ୟର ଅଖଣ୍ଡତା ରକ୍ଷା କରେ।
ସାମାଜିକ ଗଣମାଧ୍ୟମରେ ମିଥ୍ୟା ଏବଂ ତ୍ରୁଟିପୂର୍ଣ୍ଣ ସାଂସ୍କୃତିକ ଉପସ୍ଥାପନା ଏକ ବଡ଼ ସମସ୍ୟା। ଯାହା ରୂଢ଼ିବାଦିତା ଏବଂ ଧାରାଗୁଡ଼ିକର ବିକୃତିକୁ ବଜାୟ ରଖେ। ଏହାର ବିଭିନ୍ନ ମଞ୍ଚର ଅଭିଗମ୍ୟତା ସଂସ୍କୃତି, ପରମ୍ପରା ଏବଂ ଐତିହ୍ୟର ଭୁଲ୍ ଉପସ୍ଥାପନା ପାଇଁ ଅନୁମତି ଦେଇଥାଏ। ଯାହା ଭୁଲ୍ ବୁଝାମଣାକୁ ସ୍ବାଗତ କରେ। ଏସବୁ ଭୁଲ୍ ତଥ୍ୟ ଭାରତୀୟ ସଂସ୍କୃତି ବିଷୟରେ ରୂଢ଼ିବାଦୀ କ୍ଷତିକାରକ ଭାବନା ଏବଂ ଅଜ୍ଞତାକୁ ଚିରସ୍ଥାୟୀ କରିଥାଏ। ସାମାଜିକ ଗଣମାଧ୍ୟମର ବିଭିନ୍ନ ମଞ୍ଚ ନିଜ ଉପଭୋକ୍ତାଙ୍କୁ ଭୁଲ ବାଟକୁ ଟାଣିନିଏ। ତ୍ରୁଟିପୂର୍ଣ୍ଣ ଏବଂ କ୍ଷତିକାରକ ତଥ୍ୟ ବିକୃତ ମାନସିକତାକୁ ଜନ୍ମ ଦିଏ। ଯାହା ସମାଜ ପ୍ରତି ବିପଜ୍ଜନକ। ଉପଭୋକ୍ତା ସତ୍ୟଠାରୁ ବହୁ ଦୂରରେ ରହିଯାଏ। ତେଣୁ ଠିକ୍ ଉପସ୍ଥାପନା ସୁନିଶ୍ଚିତ ପାଇଁ ତଥ୍ୟ ଅନୁସନ୍ଧାନ ବା ଯାଞ୍ଚ ଅପରିହାର୍ଯ୍ୟ।
ସାମାଜିକ ଗଣମାଧ୍ୟମରେ ଭାରତୀୟ ସଂସ୍କୃତି, ପରମ୍ପରା ଏବଂ ଐତିହ୍ୟ ବିଷୟରେ ଠିକ୍ ଏବଂ ନିର୍ଭରଯୋଗ୍ୟ ସୂଚନା ପାଇଁ ସତ୍ୟତା ଯାଞ୍ଚ ଗୁରୁତ୍ୱପୂର୍ଣ୍ଣ। ଏହି ମଞ୍ଚଗୁଡିକରେ ଭୁଲ୍ ତଥ୍ୟ ଉପସ୍ଥାପନ ଭାରତର ପ୍ରତିଷ୍ଠାକୁ କ୍ଷତି ପହଞ୍ଚାଇବା ସହିତ ବିଶ୍ୱସନୀୟତାକୁ ମଧ୍ୟ କ୍ଷୁଣ୍ଣ କରୁଛି। ସୂଚନା ବା ତଥ୍ୟର ସତ୍ୟତା ଯାଞ୍ଚ ନକାରାତ୍ମକ ପରିଣାମକୁ ପ୍ରତିହତ କରିବାରେ ସାହାଯ୍ୟ କରେ ଏବଂ ଭାରତୀୟ ସଂସ୍କୃତିର ସମୃଦ୍ଧ ପୃଷ୍ଠଭୂମିକୁ ସୁରକ୍ଷା ଦିଏ। ସତ୍ୟ ଅନୁସନ୍ଧାନର ଅଭାବ ରୂଢ଼ିବାଦ ଏବଂ କୁସଂସ୍କାରକୁ ଦୃଢ଼ କରେ। କିଛି ସମ୍ପ୍ରଦାୟକୁ ମାର୍ଜିତ ମଧ୍ୟ କରେ। ସେମାନଙ୍କ ପରିଚୟକୁ ଅତି ସରଳୀକୃତ ବ୍ୟଙ୍ଗଚିତ୍ରରେ ସୀମିତ ରଖେ। ରୂଢ଼ିବାଦକୁ ସମାପ୍ତ କରିବା ସହିତ ବିଭିନ୍ନ ସଂସ୍କୃତିର ଠିକ୍ ଚିତ୍ରଣର ପ୍ରୋତ୍ସାହିତ ପାଇଁ ତଥ୍ୟ ଅନୁସନ୍ଧାନ ଅପରିହାର୍ଯ୍ୟ। ସାମାଜିକ ଗଣମାଧ୍ୟମର ମଞ୍ଚରେ ଭୁଲ୍ ତଥ୍ୟ ଭାରତୀୟ ଐତିହ୍ୟକୁ ବିକୃତ କରିଥାଏ। ରୂଢ଼ିବାଦିତା ଏବଂ ତ୍ରୁଟିପୂର୍ଣ୍ଣ ଧାରଣାକୁ ଚିରସ୍ଥାୟୀ କରେ। ସତ୍ୟତା ଯାଞ୍ଚ ଏବଂ ତଥ୍ୟ ଅନୁସନ୍ଧାନ ତନ୍ତ୍ରର ଅଭାବ ଭାରତୀୟ ସଂସ୍କୃତିର ସଂରକ୍ଷଣ ତଥା ପ୍ରଚାର ପ୍ରସାର ଦିଗରେ ବିପଦ ସୃଷ୍ଟି କରେ।
ଭାରତୀୟ ସଂସ୍କୃତିର ବିଶାଳତା ଏବଂ ତାହାର ପରିଦୃଶ୍ୟର ଜଟିଳତା ହେତୁ ସାମାଜିକ ଗଣମାଧ୍ୟମ ମଞ୍ଚରେ ଏହା ବହୁ ସମସ୍ୟାର ସମ୍ମୁଖୀନ ହେଉଛି। ତ୍ରୁଟିପୂର୍ଣ୍ଣ ସାଂସ୍କୃତିକ ବ୍ୟାଖ୍ୟାନ ଏବଂ ଭୁଲ୍ ଉପସ୍ଥାପନାକୁ ଏଡାଇବା ପାଇଁ ବିଭିନ୍ନ ପରମ୍ପରା, ରୀତିନୀତି ଏବଂ ପ୍ରଚଳିତ ପ୍ରଥାକୁ ବୁଝିବା ଜରୁରୀ। ସାମାଜିକ ଗଣମାଧ୍ୟମରେ ଛଦ୍ମ ନାମଧାରୀ ଏବଂ ଅଜ୍ଞ ବ୍ୟକ୍ତି ବିଷୟବସ୍ତୁ ବାଣ୍ଟିବା କାରଣରୁ ଭୁଲ୍ ତଥ୍ୟ ଦ୍ରୁତଗତିରେ ବିସ୍ତାରିତ ହେବା ସହ ଏହି ଆହ୍ବାନକୁ ଜଟିଳତର କରୁଛି। ଭାରତୀୟ ସଂସ୍କୃତି ଜାତି, ଧର୍ମ, ଭାଷା ଏବଂ ପରମ୍ପରାର ଏକ ଉଲ୍ଲେଖନୀୟ ମିଶ୍ରଣ। ପରିଣାମ ସ୍ବରୂପ ରୀତିନୀତି, ଆସ୍ଥା ଓ ବିଶ୍ୱାସର ଏକ ସମୃଦ୍ଧ ଶୃଙ୍ଖଳ ସୃଷ୍ଟି ହୋଇଥାଏ। ଏଥିରେ ବିଭିନ୍ନ କଳାତ୍ମକ ଅଭିବ୍ୟକ୍ତି, ଦଶହରା, ଦୀପାବଳି, ହୋଲି ଏବଂ ନବରାତ୍ର ଭଳି ପର୍ବ ସହିତ ବିଭିନ୍ନ ବ୍ୟଞ୍ଜନ, ପୋଷାକ ଶୈଳୀ ଏବଂ ସ୍ଥାପତ୍ୟ କଳାର ଚମତ୍କାରିତା ଜଡ଼ିତ। ଯାହା ଭାରତୀୟ ସଂସ୍କୃତିର ବହୁରୂପ, ତାହାର ଜଟିଳତା ଏବଂ ସୌନ୍ଦର୍ଯ୍ୟକୁ ପ୍ରଦର୍ଶିତ କରିଥାଏ।
ଅଧିକାଂଶ ବିଶ୍ୱସନୀୟ ଉତ୍ସଗୁଡ଼ିକର ଅଭାବ ରହିଛି। ନିର୍ଭରଯୋଗ୍ୟ ଉତ୍ସ ସହିତ ବିଶେଷଜ୍ଞତା ତଥା ପାରଦର୍ଶିତା ଅଭାବରୁ ସାମାଜିକ ଗଣମାଧ୍ୟମରେ ପ୍ରସାରିତ ଭାରତୀୟ ସଂସ୍କୃତି, ପରମ୍ପରା ଏବଂ ଐତିହ୍ୟ ସମ୍ବନ୍ଧୀୟ ତଥ୍ୟର ଅନୁସନ୍ଧାନ ଅତି ଗୁରୁତ୍ୱପୂର୍ଣ୍ଣ। ଭୁଲ୍ ତଥ୍ୟ ଏବଂ ବିକୃତ ବୁଝାମଣାକୁ ରୋକିବା ପାଇଁ ପ୍ରଥମେ ସାଂସ୍କୃତିକ ବିଷୟବସ୍ତୁ ମଧ୍ୟରେ ରହିଥିବା ବିଭ୍ରାନ୍ତିକର ତଥା ଦୋଷତ୍ରୁଟିକୁ ଚିହ୍ନଟ କରିବା ଆବଶ୍ୟକ। ସାମାଜିକ ଗଣମାଧ୍ୟମର ମଞ୍ଚରେ ଅନେକ ଆତ୍ମଘୋଷିତ ବିଶେଷଜ୍ଞ ଉପସ୍ଥିତ। କେତେକ ବାହାଦୁରି ନେବା ପାଇଁ ଯେକୌଣସି ସୂଚନାକୁ ତତ୍କ୍ଷଣାତ ନିଜ ସଂଯୋଗରେ ରହିଥିବା ବ୍ୟକ୍ତିବିଶେଷ ତଥା ଗ୍ରୁପରେ ତାହାକୁ ପ୍ରେରଣ କରିଦିଅନ୍ତି। ଏମାନଙ୍କ ପାଇଁ ବିଷୟଟି ଜଟିଳତର ହୋଇଯାଏ। ହିଂସା, ଦ୍ବେଷ ନିର୍ଭରଯୋଗ୍ୟ ଉତ୍ସରୁ ସୂଚନା ଯାଞ୍ଚ କରି ଉପଭୋକ୍ତାମାନେ ଭାରତୀୟ ସଂସ୍କୃତି, ପରମ୍ପରା ଏବଂ ଐତିହ୍ୟ ବିଷୟରେ ଠିକ୍ ଜ୍ଞାନ ଆହରଣ ସହିତ ଏହାର ସଂରକ୍ଷଣ କରିପାରିବେ। ଏଥିପାଇଁ ପ୍ରୋତ୍ସାହିତ ମଧ୍ୟ କରିପାରିବେ।
ବୈପାରୀଗୁଡ଼ା,କୋରାପୁଟ
ମୋ: ୬୩୭୦୬୭୯୪୦୫
