Posted inଖେଳ

୩୨ ଛକା, ୩୫ଚଉକା; ୪୬୯ ରନ୍‌: ଭାରତ-ଓ୍ବେଷ୍ଟଇଣ୍ଡିଜର ଏହି ରୋମାଞ୍ଚକର ମ୍ୟାଚ୍‌ରେ କିଛି ଏଭଳି ଥିଲା ପରିଣାମ

ଫ୍ଲୋରିଡା,୧୯।୧: ବିଶ୍ୱର ଦୁଇ ଟି୨୦ ଚାମ୍ପିୟନ୍‌ ଟିମ୍‌ ଭାରତ ଏବଂ ଓ୍ବେଷ୍ଟଇଣ୍ଡିଜ ମଧ୍ୟରେ ମ୍ୟାଚ୍‌ ରୋମାଞ୍ଚକର ହୋଇଥାଏ। ଉଭୟ ଟିମ୍‌ ୨୦୧୬ରେ ଫ୍ଲୋରିଡାରେ ଟି୨୦ ଅନ୍ତରାଷ୍ଟ୍ରୀୟ ମ୍ୟାଚ୍‌ ଖେଳିବାକୁ ପହଞ୍ଚିଥିଲା। ସେତେବେଳେ ଭାରତୀୟ ଦଳର ଅଧିନାୟକ ଥିଲେ ମହେନ୍ଦ୍ର ସିଂହ ଧୋନୀ। ସେହିଭଳି ଓ୍ବେଷ୍ଟଇଣ୍ଡିଜର ନେତୃତ୍ୱ ନେଉଥିଲେ କାର୍ଲୋସ ବ୍ରେଥ୍‌ବେଟ୍‌। କ୍ରିସ ଗେଲ୍‌ଙ୍କୁ ମ୍ୟାଚ୍‌ରେ ସୁଯୋଗ ମିଳି ନ ଥିଲେ ହେଁ ଏହା ସ୍ମରଣୀୟ ହୋଇ ଆଜି ବି ରହିଛି।

ଧୋନୀ ପ୍ରଥମେ ଟସ୍‌ ଜିତି ଫିଲ୍ଡିଂ କରିବାର ନିଷ୍ପତ୍ତି ନେଇଥିଲେ। ଭାରତର ଭୁବନେଶ୍ୱର କୁମାର, ମହମ୍ମଦ ଶାମୀ, ଜସପ୍ରିତ ବୁମ୍‌ରାଙ୍କ ଦ୍ରୁତ ବୋଲିଂ ସହ ରବିଚନ୍ଦ୍ରନ ଅଶ୍ୱିନ ଏବଂ ରବିନ୍ଦ୍ର ଜାଡେଜାଙ୍କ ସ୍ପିନ୍‌ କାମଦେବ ବୋଲି ଆଶା କରାଯାଉଥିଲା। ହେଲେ ଓ୍ବେଷ୍ଟଇଣ୍ଡିଜ ଓପନର୍‌ ତାହା କଠିନ ବୋଲି ପ୍ରମାଣିତ କରିଥିଲେ। ଦଳର ଜନ୍‌ସନ ଚାଲ୍ସ(୭୯), ଏବିନ୍‌ ଲୁଇସ୍‌(୧୦୦) ୫୭ ବଲ୍‌ରେ ୧୨୬ ରନ୍‌ର ଭାଗିଦାରୀ କରି ବଡ ସ୍କୋର ପାଇଁ ମୂଳଦୁଆ ରଖିଥିଲେ। ପରେ ଶାମୀ ଚାଲ୍ସଙ୍କୁ କ୍ଲିନ୍‌ ବୋଲ୍ଡ କରି ଭାରତକୁ ପ୍ରଥମ ସଫଳତା ଦେଇଥିଲେ। ସେ ୩୩ ବଲ୍‌ରେ ୭ ଛକା ଏବଂ ୬ ଚଉକା ମାରି ୭୯ ରନ୍‌ କରିଥିଲେ। ପରେ ଆନ୍ଦ୍ରେ ରସେଲ(୨୨) ଲୁଇସ୍‌ଙ୍କ ସହ ମିଶି ଦଳର ସ୍କୋର ୨୦୦ ପାର କରାଇଥିଲେ। ଲୁଇସ ଟି୨୦ରେ ନିଜର ଶତକ ପୂରଣ କରିଥିଲେ। ହେଲେ ଜାଡେଜା ଉଭୟଙ୍କ ଉଇକେଟ ନେଇଥିଲେ। ଲୁଇସ୍‌ ୪୯ ବଲ୍‌ ଖେଳି ୫ ଚଉକା, ୯ ଛକା ସହ ୧୦୦ ରନ୍‌ କରିଥିଲେ। ଏଭଳି ଭାବେ ନିର୍ଧାରିତ ୨୦ ଓଭରରେ ଓ୍ବେଷ୍ଟଇଣ୍ଡିଜ ୬ ଉଇକେଟ ହରାଇ ୨୪୫ ରନ୍‌ କରିଥିଲେ। ତେବେ ଦଳର ପାଳିରେ ମୋଟ ୨୧ ଛକା ଏବଂ ୧୩ ଚଉକା ମରାଯାଇଥିଲା।

ପରେ ୨୪୬ ରନ୍‌କୁ ପିଛା କରୁଥିବା ଭାରତୀୟ ଟିମ୍‌ ଆରମ୍ଭରୁ ଖରାପ ପ୍ରଦର୍ଶନ କରିଥିବା ସତ୍ତ୍ୱେ ରୋହିତ ଶର୍ମା(୬୨) ଏବଂ କେ.ଏଲ୍‌ ରାହୁଲ(୧୧୦) ରନ୍‌ କରି ଓ୍ବେଷ୍ଟଇଣ୍ଡିଜ୍‌ ବୋଲରଙ୍କ ହୋସ୍‌ ଉଡାଇଥିଲେ। ପ୍ରଥମରୁ ରାହାଣେ, ବିରାଟ କୋହଲି ଆଉଟ ହୋଇଥିବା ବେଳେ ତୃତୀୟ ଉଇକେଟ ପାଇଁ ୮୯ ରନ୍‌ର ଭାଗିଦାରୀ କରିଥିଲେ ଉଭୟ। ହେଲେ ରୋହିତ କ୍ୟାଚ୍‌ ଆଉଟ୍‌ ହୋଇଯାଇଥିଲେ। ପରେ କେ.ଏଲ୍‌ଙ୍କ ସହ ଧୋନୀ(୪୩) ରନ୍‌ କରିଥିଲେ। ଉଭୟ ଦମ୍‌ଦାର ବ୍ୟାଟିଂ କରି ଚଉକା ଓ ଛକାର ବର୍ଷା କରିଥିଲେ। ରାହୁଲ ନିଜର ଶତକ ପୂରଣ କରିଥିଲେ। ଭାରତ ୧୯ ଓଭରରେ ୨୩୮ ରନ୍‌ କରିଥିଲା। ଶେଷ ଓଭରରେ ଜିତିବା ପାଇଁ ମାତ୍ର ୮ ରନ୍‌ର ଆବଶ୍ୟକତା ଥିଲା। କ୍ରିଜରେ ଦୁଇ ଅନୁଭବୀ ଖେଳାଳି ଥିଲେ। ପ୍ରଥମ ବଲ୍‌ରେ ଉଇକେଟ ପରେ ଆଗାମୀ ତିନି ବଲ୍‌ରେ ୩ ରନ୍‌ ଦେଇଥିଲେ ବ୍ରାଭୋ। ଭାରତକୁ ଶେଷ ଦୁଇ ବଲ୍‌ରେ ୪ ରନ୍‌ର ଆବଶ୍ୟକତା ଥିଲା। ପଞ୍ଚମ ବଲ୍‌ରେ ଦୁଇ ରନ୍‌ କରିଥିଲେ ଧୋନୀ। ଶେଷ ବଲ୍‌ରେ ମଧ୍ୟ ସମାନ ରନ୍‌ର ଆବଶ୍ୟକତା ଥିଲା। ହେଲେ ଧୋନୀ ନିଜର ଉଇକେଟ ହରାଇଥିଲେ।

ଓ୍ବେଷ୍ଟଇଣ୍ଡିଜ-ଭାରତ ମଧ୍ୟରେ ଖେଳାଯାଇଥିବା ଏହି ରୋମାଞ୍ଚକର ମ୍ୟାଚ୍‌ରେ ମାତ୍ର ୧ ରନ୍‌ରେ ହାରିଥିଲା ଟିମ୍‌ଇଣ୍ଡିଆ। ରାହୁଲ ଶତକ କରିଥିଲେ ହେଁ ଲୁଇସ୍‌ ମ୍ୟାନ୍‌ ଅଫ ଦ ମ୍ୟାଚ୍‌ ହୋଇଥିଲେ। ଭାରତ ପକ୍ଷରୁ ୨୨ ଚଉକା ଏବଂ ୧୧ ଛକା ମରାଯାଇଥିଲା। ମୋଟ ଦେଖିଲେ ୩୨ ଚଉକା, ୩୫ ଛକା ଏବଂ ୪୬୯ରନ୍‌ର ଏହି ମ୍ୟାଚ୍‌କୁ ଦର୍ଶକେ ବେଶ୍‌ ଉପଭୋଗ କରିଥିଲେ। ଶେଷ ବେଳରେ ମିଳିଥିବା ହାର୍‌କୁ ନେଇ ଭାରତୀୟ ଦଳ ନିରାଶ ହୋଇଥିଲା।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଭାରତ ୨୦୩୨ ଅଲିମ୍ପିକ୍ସ ପାଇଁ ବିଡ୍‌ ଦାଖଲ କରିବ

ନୂଆଦିଲ୍ଲୀ, ୩।୫:ଭାରତ ୨୦୩୨ ଅଲିମ୍ପିକ୍ସ ପାଇଁ ବିଡ୍‌ ଦାଖଲ କରିବ। କୋଭିଡ୍‌-୧୯ ଆଶଙ୍କା ଦୂର ହେବା ପରେ ଭାରତ ଯେପରି ଅଲିମ୍ପିକ୍ସ ସମେତ ଅନ୍ୟ ଅନ୍ତର୍ଜାତୀୟ...

ଓଡ଼ିଶା ହକିର ଏକ ଗ୍ଲୋବାଲ ହବ୍‌: ମୁଖ୍ୟମନ୍ତ୍ରୀ

ଭୁବନେଶ୍ୱର, ୩୦ା୮ (ସ୍ପୋଟର୍‌ସ ବ୍ୟୁରୋ)-ଜାତୀୟ କ୍ରୀଡ଼ା ଦିବସ ଅବସରରେ ଶନିବାର ଜାତୀୟ କ୍ରୀଡ଼ା ପୁରସ୍କାର ପ୍ରଦାନ ଉତ୍ସବ ଭିଡିଓ କନଫରେନ୍ସିଂ ମାଧ୍ୟମରେ ଅନୁଷ୍ଠିତ ହୋଇଛି। ମୁଖ୍ୟମନ୍ତ୍ରୀ...

ପ୍ରଥମେ ସ୍ବାମୀ ନୁହେଁ, ଏହି ଖେଳାଳିଙ୍କୁ ଝିଅ ହେବା ଖବର ଜଣାଇଥିଲେ ଧୋନୀଙ୍କ ସ୍ତ୍ରୀ

ପୂର୍ବତନ ଭାରତୀୟ ଅଧିନାୟକ ଏମ୍‌ଏସ୍‌ ଧୋନୀ ସ୍ତ୍ରୀ ସାକ୍ଷୀ ନିକଟରେ ନିଜ ୩୨ତମ ଜନ୍ମଦିବସ ପାଳନ କରିଛନ୍ତି। ସେ ସ୍ବାମୀ ଏବଂ ଝିଅ ଜିଭା ସହ...

କରୋନାରୁ ଆରୋଗ୍ୟ ହେଲେ କରୁଣ ନାୟାର

ନୂଆଦିଲ୍ଲୀ, ୧୪ା୮ (ପି.ଟି.)-ଭାରତ ଓ କିଙ୍ଗ୍ସ ଇଲେଭେନ୍‌ ବ୍ୟାଟ୍ସମ୍ୟାନ କରୁଣ ନାୟାର କୋଭିଡ୍‌-୧୯ରୁ ଆରୋଗ୍ୟ ଲାଭ କରିଛନ୍ତି। ସେପ୍ଟେମ୍ବର ୧୯ରୁ ଆରମ୍ଭ ହେବାକୁଥିବା ଇଣ୍ଡିଆନ ପ୍ରିମିୟର...

କ୍ରୀଡ଼ା ଆଚରଣବିଧି ପ୍ରଶ୍ନାବଳୀ: ଜବାବ ଦେଲେ ୫୬ ଜାତୀୟ କ୍ରୀଡ଼ା ମହାସଂଘ

ନୂଆଦିଲ୍ଲୀ,୧୫ା୮(ପି.ଟି.)-ସ୍ବୀକୃତି ହରାଇଥିବା ୫୭ ଜାତୀୟ କ୍ରୀଡ଼ା ମହାସଂଘ (ଏନ୍‌ଏସ୍‌ଏଫ୍‌) ମଧ୍ୟରୁ ୫୬ଟି କ୍ରୀଡ଼ା ଆଚରଣବିଧି ପ୍ରଶ୍ନାବଳୀର ଜବାବ ରଖିଛନ୍ତି। ଏଥିରେ କେନ୍ଦ୍ର କ୍ରୀଡ଼ା ମନ୍ତ୍ରଣାଳୟ ସେମାନଙ୍କ...

ଘରୋଇ ଇଭେଣ୍ଟଗୁଡିକ ପୁନର୍ଗଠନ କଲା ହକି ଇଣ୍ଡିଆ:୨୦୨୧ରୁ ଜାତୀୟ ଚାମ୍ପିୟନଶିପ୍‌ ଲାଗି ନୂଆ ଫର୍ମାଟ

ନୂଆଦିଲ୍ଲୀ,୧୫।୪(ପି.ଟି.):  ହକି ଇଣ୍ଡିଆ ସବୁ ଘରୋଇ ଇଭେଣ୍ଟ ତଥା ଟୁର୍ନାମେଣ୍ଟଗୁଡିକର ପୁନର୍ଗଠନ କରିବାକୁ ନିଷ୍ପତ୍ତି ନେଇଛି। ଏହିକ୍ରମରେ ଜାତୀୟ ଚାମ୍ପିୟନଶିପ୍‌ଗୁଡିକ ଆସନ୍ତାବର୍ଷଠାରୁ ନୂଆ ଫର୍ମାଟରେ ଆୟୋଜନ...

ସିଏସ୍‌କେର ନୂଆ ଜର୍ସିରେ ଭାରତୀୟ ସଶସ୍ତ୍ର ବାହିନୀକୁ ଶ୍ରଦ୍ଧାଞ୍ଜଳି

ଚେନ୍ନାଇ,୨୪।୩ : ଆଇପିଏଲର ୧୩ତମ ସଂସ୍କରଣ ପାଇଁ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ଅଧିନାୟକ ମହେନ୍ଦ୍ର ସିଂ ଧୋନୀ ବୁଧବାର ଫ୍ରାଞ୍ଚାଇଜର ନୂଆ ଜର୍ସି ଉନ୍ମୋଚନ...

୨୦୨୨ ପିଫା ବିଶ୍ୱକପ୍‌: ସେପ୍ଟେମ୍ବରରେ ଦକ୍ଷିଣ ଆମେରିକାରେ କ୍ୱାଲିଫାଇଙ୍ଗ୍‌ ଆରମ୍ଭ ହେବ

ଅସୁନ୍‌ସିଅନ,୧୮।୪(ଏଏଫ୍‌ପି)- ଖୁବ୍‌ଶୀଘ୍ର ଦକ୍ଷିଣ ଆଫ୍ରିକାରେ ୨୦୨୨ ଫିଫା ବଶ୍ୱକପ୍‌ ପାଇଁ ଯୋଗ୍ୟତା ପର୍ଯ୍ୟାୟ ଟୁର୍ନାମେଣ୍ଟ ଆରମ୍ଭ ହେବାକୁ ଯାଉଛି। ସେପ୍ଟେମ୍ବରରେ କାତାରରେ ଆୟୋଜନ ହେବାକୁ ଥିବା...

Advertisement
Archives

Model This Week