କୋଲକାତା,୧୭।୩: ଭାରତୀୟ ଉଇକେଟକିପର ରିଷଭ ପନ୍ତ ଏବେ ତାଙ୍କ କ୍ୟାରିୟରର ସର୍ବଶ୍ରେଷ୍ଠ ଫର୍ମରେ ଅଛନ୍ତି। ପ୍ରଶଂସକମାନେ ପ୍ରତ୍ୟେକ ମ୍ୟାଚରେ ତାଙ୍କଠାରୁ ବଡ଼ ଇନିଂସ ଆଶା କରୁଛନ୍ତି। ଇଂଲଣ୍ଡ ବିପକ୍ଷ ତୃତୀୟ ଟି -୨୦ରେ ମଧ୍ୟ ସମାନ ଆଶା ଥିଲା। ଏହି ମ୍ୟାଚ୍ରେ ପନ୍ତ ଆରମ୍ଭରୁ ଇଂଲଣ୍ଡ ବୋଲରଙ୍କ ବିପକ୍ଷରେ ଭଲ ସଟ ଖେଳିଥିଲେ କିନ୍ତୁ ଅଧିନାୟକ ବିରାଟ କୋହଲିଙ୍କ ତତ୍ପରତା ଯୋଗୁ ତାଙ୍କୁ ଆଉଟ୍ ହେବାକୁ ପଡିଥିଲା। ରିଷଭ ପନ୍ତ ୨୫ ରନ କରିଥିବାବେଳେ ବିରାଟ କୋହଲି ତାଙ୍କୁ ଆଉଟ କରି ଦେଇଥିଲେ। ୨ ରନ ନେବା ପରେ ବିରାଟ କୋହଲି ତୃତୀୟ ରନ ପାଇଁ ତାଙ୍କୁ ତତ୍ପର ହୋଇ ଡାକିଥିଲେ, ପନ୍ତ ଆସିବା କ୍ଷଣି ରନ୍ଆଉଟ୍ ହୋଇଥିଲେ। ବିରାଟ କୋହଲିଙ୍କ ଭୁଲ ଯୋଗୁ ପନ୍ତ ରନ୍ ଆଉଟ୍ ହୋଇଥିଲେ। ଦ୍ୱାଦଶ ଓଭରରେ ରିଷଭ ପନ୍ତ ସାମ କରଣଙ୍କ ପ୍ରଥମ ବଲରୁ ଦୁଇଟି ରନ ଚୋରି କରିଥିଲେ, କିନ୍ତୁ ଏହା ପରେ ଫିଲ୍ଡରଙ୍କ ଥ୍ରୋ ଉଇକେଟ କିପର ଜୋସ ବଟଲର ଧରିପାରି ନ ଥିଲେ। ଏହି ସମୟରେ ବିରାଟ କୋହଲି ତୃତୀୟ ରନ ପାଇଁ ପନ୍ତଙ୍କୁ ଡାକିଥିଲେ। ପନ୍ତ ଉଇକେଟ ଠାରୁ ବହୁତ ଆଗରେ ଯାଇଥିଲେ କିନ୍ତୁ ସେ ଅଧିନାୟକଙ୍କ ସ୍ବର ଶୁଣିବା ପରେ ଦୌଡ଼ିଥିଲେ ମଧ୍ୟ ସେ ପହଞ୍ଚି ପାରି ନ ଥିଲେ ଏବଂ ତାଙ୍କୁ ଉଇକେଟ ହରାଇବାକୁ ପଡିଥିଲା। ଆଉଟ୍ ପରେ ପନ୍ତ ବହୁତ ନିରାଶ ଦେଖାଯାଉଥିଲେ ଏବଂ କୋହଲି ମଧ୍ୟ ତାଙ୍କ ଭୁଲକୁ ଅନୁଭବ କରିଥିଲେ।
