ନୂଆଦିଲ୍ଲୀ,୧୧।୧: ଭାରତ ଏବଂ ଅଷ୍ଟ୍ରେଲିଆ ମଧ୍ୟ ଖେଳାଯାଉଥିବା ବର୍ଡର-ଗାଭାସ୍କର ଟ୍ରଫିର ତୃତୀୟ ମ୍ୟାଚ୍ ଡ୍ର’ ରହିଛି। ୪୦୭ ରନ୍ର ବିଜୟ ଲକ୍ଷକୁ ପିଛା କରି ଭାରତ ୫ ଉଇକେଟ୍ ହରାଇ ୩୩୪ ରନ୍ କରିବାରେ ସମର୍ଥ ହୋଇଥିଲା। ଚତୁର୍ଥ ଦିନ ଭାରତ ୪୦୭ ରନ୍ର ପିଛା କରି ଗୋଟିଏ ସମୟରେ ୧୦୨ ରନ୍ରେ ୩ଟି ଉଇକେଟ୍ ହରାଇଥିଲା। ଏହାପରେ ରିଷଭ ପନ୍ତ ଏବଂ ଚେତେଶ୍ୱର ପୂଜାରାଙ୍କ ମଧ୍ୟରେ ୧୪୮ ରନ୍ ଭାଗିଦାରୀ ଫଳରେ ଭାରତ ଡ୍ର କରିବାରେ ସକ୍ଷମ ହୋଇଥିଲା। ଭାରତର ସାହସିକ ବ୍ୟାଟିଂ ଦେଖି ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ୍ ବୀରେନ୍ଦ୍ର ସେହ୍ବାଗ ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂଙ୍କୁ ଟ୍ରୋଲ କରିଛନ୍ତି। ସୂଚନାଯୋଗ୍ୟ, ରିକି ପଣ୍ଟିଂ ଏକ ପ୍ରଶ୍ନରେ କହିଥିଲେ ଭାରତ ଦ୍ୱିତୀୟ ଇନିଂସରେ ୨୦୦ ରନ୍ କରିପାରିବ ନାହିଁ। ପଣ୍ଟିଂଙ୍କ ଏଭଳି ଉତ୍ତରରେ ସେହ୍ବାଗ ତାଙ୍କୁ ଟ୍ରୋଲ କରି ଏକ ଫଟୋ ଶେୟାର କରିଛନ୍ତି। ଫଟୋରେ ଦିଲ୍ଲୀ କ୍ୟାପିଟାଲ୍ସ କୋଚ ଥିବା ରିକି ପଣ୍ଟିଂ ସିଧା ଦେଖୁଥିବାବେଳେ ତାଙ୍କୁ ଅନେଇଛନ୍ତି ରିଷଭ ପନ୍ତ। ସେହ୍ବାଗଙ୍କଏହି ପୋଷ୍ଟ ଏବେ ଭାଇରାଲ ହେବାରେ ଲାଗିଛି।
