ଗୁଆହାଟୀ,୨।୧୦: ଦକ୍ଷିଣ ଆଫ୍ରିକା ବିପକ୍ଷ ଦ୍ୱିତୀୟ ଟି-୨୦ରେ ଭାରତ ଜବରଦସ୍ତ ବ୍ୟାଟିଂ କରିଛି। ପ୍ରଥମ ବ୍ୟାଟିଂ କରି ଭାରତ ୨୦ ଓଭରରେ ୩ ଉଇକେଟ ହରାଇ ୨୩୭ ରନ ସଂଗ୍ରହ କରିଛନ୍ତି।ଏହି ମ୍ୟାଚ୍ରେ କେ.ଏଲ ରାହୁଲ ଏବଂ ସୂର୍ଯ୍ୟକୁମାରଙ୍କ ବିସ୍ଫୋରକ ଅର୍ଦ୍ଧଶତକ ହାସଲ କରିଛନ୍ତି।
ଟସ ସ୍ ହାରି ପରେ ବ୍ୟାଟିଂ କରିଥିବା ଭାରତୀୟ ଦଳର ଓପନର ଏକ ଭଲ ଆରମ୍ଭ କରିଥିଲେ। ରୋହିତ ଏବଂ ରାହୁଲଙ୍କ ମଧ୍ୟରେ ପ୍ରଥମ ଉଇକେଟ ପାଇଁ ୫୯ ବଲରେ ୯୬ ରନ ସ୍କୋର କରିଥିଲେ। ୩୭ ବଲରେ ୪୩ ରନରେ ରୋହିତ ଆଉଟ୍ ହୋଇଥିଲେ। ଏଥିସହିତ କେଏଲ ରାହୁଲ ୨୮ ବଲରେ ୫୭ ରନର ଇନିଂସ ଖେଳିଥିଲେ। ସେ ତାଙ୍କ ଇନିଂସରେ ୫ ଚୌକା ଓ ୪ଟି ଛକା ମାରିଥିଲେ। ରୋହିତ ଏବଂ ରାହୁଲଙ୍କ ଆଉଟ୍ ପରେ ସୂର୍ଯ୍ୟକୁମାର କୋହଲିଙ୍କ ସହ ଇନିଂସ ସମ୍ଭାଳିଥିଲେ। ସେ ୧୮ଟି ବଲରେ ନିଜର ଅର୍ଦ୍ଧଶତକ ପୂରଣ କରିଥିଲେ। ୨୨ ବଲରୁ ୬୧ ସ୍କୋର କରିବା ପରେ ସୂର୍ଯ୍ୟ ରନ୍ଆଉଟ ହୋଇଥିଲେ। ସେ ତାଙ୍କ ଇନିଂସରେ ୫ ଚୌକା ଓ ୫ ଛକା ମାରିଥିଲେ।
ତିନି ମ୍ୟାଚ ବିଶିଷ୍ଟ ଟି-୨୦ ସିରିଜର ପ୍ରଥମ ମ୍ୟାଚରେ ଭାରତ ଦକ୍ଷିଣ ଆଫ୍ରିକାକୁ ୮ ଉଇକେଟରେ ପରାସ୍ତ କରିଥିଲା। ଏହି ମ୍ୟାଚ୍ ଜିତି ଭାରତ ସିରିଜ୍ରେ ୧-୦ରେ ଆଗୁଆ ରହିଛି।
