ଇସଲାମାବାଦ୍,୨୨।୩: ଭାରତ ପାକିସ୍ତାନ ମଧ୍ୟରେ ଶେଷଥର ପାଇଁ କ୍ରିକେଟ ଖେଳ ୨୦୧୨-୧୩ରେ ହୋଇଥିଲା। ଏହାପରେ କ୍ରିକେଟପ୍ରେମୀ ଦୁଇ ଦେଶ ମଧ୍ୟରେ ହେଉଥିବା ରୋମାଞ୍ଚକର ଖେୂ ଦେଖିବାରୁ ବଞ୍ଚିତ ରହିଛନ୍ତି। ତେବେ ଦୁଇ ଦେଶ ମଧ୍ୟରେ ପୁଣି କ୍ରିକେଟ ଖେଳ ଆରମ୍ଭ ପାଇଁ ପାକିସ୍ତାନ କ୍ରିକେଟ ବୋର୍ଡର ପୂର୍ବତନ ଅଧ୍ୟକ୍ଷ ଜାକା ଅଶରଫ ପ୍ରସ୍ତାବ ଦେଇଛନ୍ତି। ଯଦି ନିଜ ନିଜ ଦେଶରେ ମ୍ୟାଚ୍ ଖେଳା ଯାଇ ନ ପାରୁଛି ତେବେ ଏହାକୁ ୟୁଏଇ, ଶ୍ରୀଲଙ୍କା, ଦକ୍ଷିଣ ଆଫ୍ରିକା କିମ୍ବା ଅନ୍ୟ ଦେଶରେ ଆୟୋଜନ କରାଯାଇ ପାରିବ ବୋଲି ସେ କହିଛନ୍ତି। ଏହା ସହିତ ଦୁଇ ଦେଶ ମଧ୍ୟରେ କ୍ରିକେଟ ସମ୍ପର୍କ ବୃଦ୍ଧି ପାଇବ। ଇଣ୍ଟର ନ୍ୟାଶନାଲ କ୍ରିକେଟ କାଉନସିଲ୍(ଆଇସିସି) ର ପରିବର୍ତ୍ତିତ ନିୟମ ଦ୍ୱାରା ସଦସ୍ୟ ଦେଶ ନିଜ ଇଛା ଅନୁସାରେ ଅନ୍ୟ ଦେଶ ସହିତ କ୍ରିକେଟ ମ୍ୟାଚ୍ ଖେଳି ପାରିବେ। ମାତ୍ର ଏହା ଦ୍ୱାରା ଭାରତ ଏବଂ ପାକିସ୍ତାନ ମଧ୍ୟରେ ହେଉଥିବା ରୋମାଞ୍ଚକର କ୍ରିକେଟ ଆଉ ଦେଖିବାକୁ ମିଳୁନି ବୋଲି ସେ କହିଛନ୍ତି।
