ଚାଇନାର କ୍ଷତି କରିପାରିବ ନାହିଁ ଭାରତ

ବେଜିଂ,୨୮/୮:ଭାରତୀୟ ଅର୍ଥନୀତି ବହୁଳ ଭାବେ ଚାଇନା ଉପରେ ନିର୍ଭରଶୀଳ। ତେଣୁ ସୀମାରେ ଯେତେ ଉତ୍ତେଜନା ସୃଷ୍ଟି ହେଲେ ମଧ୍ୟ ଭାରତୀୟ ସେନା ପିପୁଲ୍ସ ଲିବରେଶନ ଆର୍ମି (ପିଏଲ୍‌ଏ)ର କ୍ଷତି କରିପାରିବ ନାହିଁ ବୋଲି ଏକ ସଦ୍ୟ ସର୍ବେକ୍ଷଣରୁ ଜଣାପଡ଼ିଛି। ଚାଇନା ସରକାରଙ୍କ ମୁଖପତ୍ର ଗ୍ଲୋବାଲ ଟାଇମ୍ସ ଓ ଚାଇନା ଇନ୍‌ଷ୍ଟିଚ୍ୟୁଟ୍ସ ଅଫ୍‌ କଣ୍ଟେମ୍ପୋରାରି ଇଣ୍ଟରନ୍ୟାଶନାଲ ରିଲେଶନ୍ସ (ସିଆଇସିଆଇଆର୍‌) ପକ୍ଷରୁ ମିଳିତ ଭାବେ ଏହି ସର୍ଭେ କରାଯାଇଥିଲା। ଅଗଷ୍ଟ ୧୭ରୁ ୨୦ ତାରିଖ ମଧ୍ୟରେ କରାଯାଇଥିବା ସର୍ଭେରେ ବେଜିଂ, ଉହାନ ଓ ସାଂଘାଇ ସମେତ ୧୦ ବଡ଼ ସହରରେ ଭାରତ-ଚାଇନା ସମ୍ପର୍କକୁ ନେଇ ୧,୯୬୦ଙ୍କୁ ପ୍ରଶ୍ନ କରାଯାଇଥିଲା। ସର୍ଭେରେ ଭାରତର ଭାବମୂର୍ତ୍ତି, ପ୍ରକୃତ ନିୟନ୍ତ୍ରଣରେଖା (ଏଲ୍‌ଏସି)ରେ ଉତ୍ତେଜନା, ଭାରତରେ ଚାଇନା ସାମଗ୍ରୀ ବର୍ଜନ, ଦ୍ୱିପାକ୍ଷିକ ସମ୍ପର୍କ ଓ ଆମେରିକାର ହସ୍ତକ୍ଷେପ ସମ୍ପର୍କରେ ପଚରାଯାଇଥିବା ପ୍ରଶ୍ନର ଉତ୍ତର ମିଳିଥିଲା।
ସର୍ଭେରେ ସାମିଲ ଉତ୍ତରଦାତାଙ୍କ ମଧ୍ୟରୁ ୫୭% କହିଛନ୍ତି ଯେ, ଭାରତୀୟ ସେନା ଚାଇନା ପ୍ରତିପକ୍ଷ ପାଇଁ ବିପଦ ନୁହେଁ। ୪୯.୬ ପ୍ରତିଶତଙ୍କ ମତରେ ଭାରତୀୟ ଅର୍ଥନୀତି ଚାଇନା ଉପରେ ଅଧିକ ନିର୍ଭରଶୀଳ। ଏହି ପରିପ୍ରେକ୍ଷୀରେ ବିସ୍ତୃତ ଜାତୀୟ ଶକ୍ତି କ୍ଷେତ୍ରରେ ଭାରତ ଚାଇନାକୁ ଟପିପାରିବ କି ବୋଲି ପ୍ରଶ୍ନ କରାଯାଇଥିଲା। ୫୪% ଉତ୍ତରଦାତା କହିଥିଲେ, ଏହା କେବେହେଲେ ସମ୍ଭବ ନୁହେଁ। ୧୦.୪ ପ୍ରତିଶତଙ୍କ ମତରେ ଚାଇନାକୁ ଅତିକ୍ରମ କରିବା ପାଇଁ ଭାରତକୁ ୧୦୦ ବର୍ଷ ଲାଗିପାରେ। ଶିଙ୍ଗହୁଆ ୟୁନିଭର୍ସିଟିର ଇଣ୍ଡିଆନ୍‌ ଷ୍ଟଡିଜ ସହକାରୀ ପ୍ରାଧ୍ୟାପକ ଶିଏ ଚାଓ କହିଛନ୍ତି, ୧୯୪୭ରେ ବ୍ରିଟିଶ୍‌ ଉପନିବେଶରୁ ଭାରତ ସ୍ବାଧୀନ ହୋଇଥିବାବେଳେ ପିପୁଲ୍ସ ରିପବ୍ଲିକ୍‌ ଅଫ୍‌ ଚାଇନା ୧୯୪୯ରେ ପ୍ରତିଷ୍ଠା ହୋଇଥିଲା। ସେହି ସମୟରେ ଭିତ୍ତିଭୂମି ଓ ଅର୍ଥନୀତି ଦୃଷ୍ଟିରୁ ଚାଇନା ଅପେକ୍ଷା ଭାରତ ଅଧିକ ଉନ୍ନତ ଥିଲା। କିନ୍ତୁ ବର୍ତ୍ତମାନ ଭିତ୍ତିଭୂମି, ସହରୀକରଣ, ଆଧୁନିକୀକରଣ, ଶିକ୍ଷା, ଲୋକଙ୍କ ଜୀବିକା, ବିଜ୍ଞାନ, ପ୍ରଯୁକ୍ତିବିଦ୍ୟା, ସାମରିକ ଓ ଅର୍ଥନୀତି କ୍ଷେତ୍ରରେ ଭାରତ ତୁଳନାରେ ଚାଇନା ବହୁ ଆଗରେ ରହିଛି। ତେଣୁ ଅଧିକାଂଶ ଚାଇନା ନାଗରିକ ଭାରତକୁ ଦେଖିଲେ ନିଜକୁ ଉତ୍କର୍ଷ ଓ ଦୃଢ଼ ଆମତ୍ବିଶ୍ୱାସୀ ବିବେଚନା କରିଥାଆନ୍ତି। ଚାଇନାର ସାମରିକ
ବିଶେଷଜ୍ଞ ତଥା ଟିଭି କମେଣ୍ଟ୍ରେଟର ସୋଙ୍ଗ୍‌ ଝୋଙ୍ଗ୍‌ପିଙ୍ଗ କହିଛନ୍ତି, ଭାରତୀୟ ସେନାଠାରୁ ପିଏଲ୍‌ଏ ଅଧିକ ଶକ୍ତିଶାଳୀ। ଭାରତୀୟ ସେନାର କେତେକ ଭୁଲ୍‌ ଯୋଗୁ ବାରମ୍ବାର ସେମାନଙ୍କ ଯୁଦ୍ଧବିମାନ ଦୁର୍ଘଟଣାଗ୍ରସ୍ତ ହେବା ସହ ବୁଡ଼ାଜାହାଜରେ ବିସ୍ଫୋରଣ ଘଟୁଛି। ସେହିପରି ଭାରତୀୟ ପ୍ରତିରକ୍ଷା ଶିଳ୍ପରେ ଦୁର୍ନୀତି ଚାଲିଛି। ଏହିସବୁ କାରଣକୁ ନେଇ ଚାଇନାବାସୀ ବିଶେଷକରି ସାମରିକ ତଥ୍ୟ ଉପରେ ଆଗ୍ରହ ରଖୁଥିବା ଲୋକେ ଭାରତୀୟ ସେନାକୁ ‘କେବଳ ଏକ ଉପହାସ’ ବୋଲି ବିବେଚନା କରନ୍ତି। କିନ୍ତୁ ଭାରତୀୟ ସେନାକୁ ନେଇ ଏହି ଧାରଣା ସମ୍ପୂର୍ଣ୍ଣ ଠିକ୍‌ ନୁହେଁ। ପାକିସ୍ତାନ ସହ ସାମରିକ ସଂଘର୍ଷ ଲାଗିରହିଥିବାରୁ ଭାରତୀୟ ଯବାନଙ୍କଠାରେ ଅଧିକ ଯୁଦ୍ଧ ଅନୁଭୂତି ରହିଛି। ତେଣୁ ଭବିଷ୍ୟତରେ ଭାରତ ସହ ଆମେ ଯୁଦ୍ଧ କଲେ ଆମ ପ୍ରତିଦ୍ୱନ୍ଦ୍ୱୀକୁ ଉପହାସ କରିବା ପରିବର୍ତ୍ତେ ସମ୍ମାନ ଦେଇ ସେମାନଙ୍କଠାରୁ ଶିକ୍ଷାଲାଭ କରିବା ଉଚିତ। କାରଣ ଥଟ୍ଟା ଆମ ସେନାକୁ ଯୁଦ୍ଧରେ ବିଜୟୀ କରିପାରିବ ନାହିଁ।
ଏଥିଯୋଗୁ ଚାଇନା ସରକାର ଭାରତର ଉତ୍ତେଜନାମୂଳକ ପଦକ୍ଷେପ ବିରୋଧରେ କଡ଼ା ପଦକ୍ଷେପ ନେବା ଉଚିତ ବୋଳି ୭୦.୫% ଚାଇନା ନାଗରିକ କହିଛନ୍ତି। ଭାରତ ପଟୁ ସୀମା ବିବାଦ ଆରମ୍ଭ କରାଗଲେ ଏହା ବିରୋଧରେ ଜବାବୀ କାର୍ଯ୍ୟାନୁଷ୍ଠାନ ନିଆଯିବା ଆବଶ୍ୟକ ବୋଲି ସର୍ଭେରେ ସାମିଲ ହୋଇଥିବା ୮୯% ଉତ୍ତରଦାତା ମତ ଦେଇଛନ୍ତି। ସେମାନଙ୍କ ମଧ୍ୟରୁ ୫୦.୪% ଆମତ୍ରକ୍ଷା ଓ ଜବାବୀ ଆକ୍ରମଣ ପାଇଁ ଦୃଢ଼ ସମର୍ଥନ କରିଥିବାବେଳେ ୩୮% ଆଂଶିକ ଭାବେ ସମର୍ଥନ କରିଛନ୍ତି। ଭାରତ ଓ ଚାଇନା ଆଗରେ ସୀମା ବିବାଦକୁ ମୁଖ୍ୟ ପ୍ରତିବନ୍ଧକ ବୋଲି ୩୦% ଲୋକ କହିଛନ୍ତି। ସେମାନଙ୍କ ମଧ୍ୟରୁ ୨୪% ଆମେରିକାର ହସ୍ତକ୍ଷେପକୁ ପ୍ରତିବନ୍ଧକ ବୋଲି ଦାୟୀ କରିଥିବାବେଳେ ୧୦.୭% ଦୁଇଦେଶ ମଧ୍ୟରେ ପ୍ରତିଦ୍ୱନ୍ଦ୍ୱିତାକୁ ନାପସନ୍ଦ କରିଛନ୍ତି। ସେହିପରି ଚାଇନାକୁ ମୁକାବିଲା କରିବା ପାଇଁ ଭାରତ ଆମେରିକାକୁ ଅନୁସରଣ କରୁଥିବା ୬୬.୪% ଉତ୍ତରଦାତା କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଇରାକ ସଂସଦକୁ ଘେରିଲେ ପ୍ରଦର୍ଶନକାରୀ

ବାଗଦାଦ,୨୮ ।୭: କିଛିଦିନ ପୂର୍ବେ ପଡୋଶୀ ଦେଶ ଶ୍ରୀଲଙ୍କାରେ ଆର୍ଥିକ ସଙ୍କଟ ଯୋଗୁ ସୃଷ୍ଟି ହୋଇଥିବା ରାଜାନୈତିକ ଅସ୍ଥିରତା କାରଣରୁ ଲକ୍ଷ ଲକ୍ଷ ପ୍ରଦର୍ଶନକାରୀ ସଡ଼କ...

ଶ୍ରୀଲଙ୍କା ସଙ୍କଟ: ଆକ୍ସନ ମୁଡରେ ସେନା

କଲମ୍ବୋ,୨୨ ।୭: ଶ୍ରୀଲଙ୍କା କିଛି ମାସ ହେବ ଘୋର ଆର୍ଥିକ ସଙ୍କଟ ମଧ୍ୟ ଦେଇ ଗତି କରୁଛି । ଏହାକୁ ନେଇ ପ୍ରଦର୍ଶନକାରୀଙ୍କ ବିରୋଧ ବି...

ସିଗାରେଟ ବଦଳାଇଦେଲା ଫୁସ୍‌ଫୁସ୍‌ ରଙ୍ଗ

ବେଜିଂ: ଧୂମପାନ ସ୍ବାସ୍ଥ୍ୟପକ୍ଷେ କ୍ଷତିକାରକ। ଏପରି ଚେତାବନୀ ପ୍ରତି ସିଗାରେଟ ପ୍ୟାକେଟ୍‌ରେ ଅତି ସହଜରେ ଦେଖିବାକୁ ମିଳେ। ଏହା ସତ୍ତ୍ୱେ ଏହି ମାରାତ୍ମକ ନିଶାକୁ ଛାଡ଼ି...

ଗିଲଗିଟ୍‌-ବଲ୍ଟିସ୍ତାନରେ ନିର୍ବାଚନ ଘୋଷଣା: ଜାତିସଂଘରେ ବିରୋଧ କଲା ଭାରତ

ଜେନେଭା, ୨୯।୯: ପାକିସ୍ତାନ ପକ୍ଷରୁ ଗିଲଗିଟ୍‌-ବାଲ୍ଟିସ୍ତାନରେ ନିର୍ବାଚନ କରାଯିବା ଲାଗି ଘୋଷଣା କରାଯାଇଛି। ଏହାକୁ ଭାରତ ପକ୍ଷରୁ ବିରୋଧ କରାଯାଇଛି। ଭାରତୀୟ ବହିର୍ବ୍ୟାପାର ମନ୍ତ୍ରଣାଳୟ ପକ୍ଷରୁ...

ଶ୍ରୀଲଙ୍କାରେ ରାଜପକ୍ଷେଙ୍କ ଦଳକୁ ମିଳିଲା ବହୁମତ, ମୋଦି ଜଣାଇଲେ ଶୁଭେଚ୍ଛା

କଲମ୍ବୋ,୭।୮:ଶ୍ରୀଲଙ୍କା ହୋଇଥିବା ସାଧାରଣ ନିର୍ବାଚନରେ ମହିନ୍ଦ୍ରା ରାଜପକ୍ଷେଙ୍କ ଦଳ ବହୁମତ ହାସଲ କରିଛି। ଏହାସହ ରାଜପକ୍ଷେ ପୁଣିଥରେ ଶ୍ରୀଲଙ୍କାର ପ୍ରଧାନମନ୍ତ୍ରୀ ହେବା ହେବା ରାସ୍ତା ସଫା...

ବିମାନରୁ ଖସିଗଲା ଆଇଫୋନ, କ୍ୟାମେରାରେ ହେଲା ରେକର୍ଡ

ରିଓ ଡି’ ଜେନେରିଓ, ୧୬ା୧୨- ନିଜ ସ୍ମାର୍ଟଫୋନ କେହି ଫୋପାଡିବାକୁ ଚାହାଁନ୍ତି ନାହିଁ। କିନ୍ତୁ ଟିକେ ଚିନ୍ତା କରନ୍ତୁ ବିମାନରୁ ସ୍ମାର୍ଟଫୋନ ପକାଇପାରିବେ। ଏଭଳି କିଛି...

କରୋନା ଭାଇରସ: ସମସ୍ତଙ୍କ ପାଇଁ ଉଦାହରଣ ପାଲଟିଲା ଇଟାଲୀର ଭୋ ସହର

ରୋମ,୨୮।୩: କରୋନା ଭାଇରସ ଏବେ ଇଟାଲୀର ମେରୁଦଣ୍ଡକୁ ଭାଙ୍ଗି ଦେଇଛି କହିଲେ ଚଳେ। ଏବେ ଏଠାରେ କରୋନା ମୃତ୍ୟୁ ସଂଖ୍ୟା ୯ହଜାର ଅତିକ୍ରମ କରିଥିବା ବେଳେ...

୧୦ ବର୍ଷ ପର୍ଯ୍ୟନ୍ତ ରହିବ କରୋନା ଭୂତାଣୁ: ଫାଇଜର-ବାୟୋଏନ୍‌ଟେକ୍‌ ମୁଖ୍ୟ କାର୍ଯ୍ୟନିର୍ବାହୀ

ଓ୍ବାଶିଂଟନ,୨୪।୧୨: କରୋନା ମହାମାରୀ ସଂକ୍ରମଣ ଥମିବାର ନା ଧରୁ ନ ଥିବାବେଳେ ଏବେ ଏନେଇ ପ୍ରତିଷେଧକ ଟିକା ପ୍ରସ୍ତୁତ କରିଥିବା କମ୍ପାନୀ ପକ୍ଷରୁ ଦିଆଯାଇଥିବା ମନ୍ତବ୍ୟ...

Advertisement
Archives

Model This Week