ଆୟକର ଫାଙ୍କିଛନ୍ତି ବେଜୋସ୍‌, ମସ୍କ

ଓ୍ବାଶିଂଟନ,୧୦ା୬ : ବିଶ୍ୱର ଆର୍ଥିକ ଢାଞ୍ଚା ଏପରି ହୋଇଯାଇଛି ଯେ, ପ୍ରତିବର୍ଷ ଗରିବ ଓ ଧନୀଙ୍କ ମଧ୍ୟରେ ବ୍ୟବଧାନ ବଢ଼ିବାରେ ଲାଗିଛି। ଏହା ଦୀର୍ଘ ବର୍ଷ ଧରି ବିତର୍କର ବିଷୟ ହୋଇଥିବାବେଳେ ଆମେରିକାର ଅଣଲାଭକାରୀ ମିଡିଆ ସଂସ୍ଥା ପ୍ରୋପବ୍ଲିକାର ଏକ ସଦ୍ୟ ଅନୁସନ୍ଧାନକାରୀ ରିପୋର୍ଟ ଏଥିରେ ଆହୁରି ଉଷ୍ମତା ଭରିଦେବା ଭଳି ତଥ୍ୟ ସାମ୍ନାକୁ ଆଣିଛି। ବିଶ୍ଳେଷକଙ୍କ ମତରେ ବିଶ୍ୱର ସବୁଠୁ ଧନୀ ବ୍ୟକ୍ତିମାନଙ୍କ ସମ୍ପତ୍ତି, ଆୟ ଓ ଟିକସ ପଇଠରେ ବଡ଼ ଧରଣର ଫରକ୍‌ ରହିଛି। ଆମାଜନ ମାଲିକ ଜେଫ୍‌ ବେଜୋସ୍‌ ଓ ଟେସ୍‌ଲା ମାଲିକ ଏଲନ୍‌ ମସ୍କଙ୍କ ସମେତ ଆମେରିକାର ସବୁଠୁ ଧନୀ ୨୫ ବ୍ୟକ୍ତି ଗତ କିଛି ବର୍ଷରେ ଅମାପ ସମ୍ପତ୍ତି ବଢ଼ାଇଛନ୍ତି। କିନ୍ତୁ ସମ୍ପତ୍ତି ତୁଳନାରେ ଆବଶ୍ୟକ ଆୟକର ପଇଠ କରିନାହାନ୍ତି। ଆମେରିକାର ଇଣ୍ଟର୍ନାଲ ରେଭିନ୍ୟୁ ସର୍ଭିସ ବା ଆଭ୍ୟନ୍ତରୀଣ ରାଜସ୍ବ ସେବା (ଆଇଆର୍‌ଏସ୍‌) ତଥ୍ୟ ଆଧାରରେ ପ୍ରଘଟ ଉକ୍ତ ରିପୋର୍ଟ ସମସ୍ତଙ୍କୁ ଚକିତ କରିଦେଇଛି।
ଆମାଜନ୍‌ ଡଟ୍‌ କମ୍‌ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଜେଫ୍‌ ବେଜୋସ୍‌, ବ୍ଲୁମ୍‌ବର୍ଗ ଏଲ୍‌ପି ପ୍ରତିଷ୍ଠାତା ମାଇକେଲ୍‌ ବ୍ଲମ୍‌ବର୍ଗ ଏବଂ ଟେସ୍‌ଲା ସିଇଓ ଏଲନ୍‌ ମସ୍କଙ୍କ ସମେତ ବିଶ୍ୱର ସବୁଠୁ ଧନୀ ତାଲିକାରେ ଥିବା ୨୫ ଆମେରିକୀୟ ୨୦୧୪ରୁ ୨୦୧୮ ପର୍ଯ୍ୟନ୍ତ ୪ ବର୍ଷ ଧରି ପ୍ରାୟ କିଛି ଆୟକର ପଇଠ କରିନାହାନ୍ତି କହିଲେ ଚଳେ। ଇଣ୍ଟର୍ନାଲ ରେଭିନ୍ୟୁ ସର୍ଭିସ (ଆଇଆର୍‌ଏସ୍‌) ତଥ୍ୟକୁ ଭିତ୍ତିକରି ପ୍ରୋପବ୍ଲିକା ଏକ ରିପୋର୍ଟରେ ଏହି ଗହନ କଥା ପ୍ରଘଟ କରିଛି।
ଏଥିରେ ଦର୍ଶାଯାଇଛି ଯେ, ଜେଫ୍‌ ବେଜୋସ୍‌ ୨୦୦୭ରେ ମଲ୍ଟିବିଲିଅନେୟର ତଥା ବିଶ୍ୱର ସବୁଠୁ ଧନୀ ବ୍ୟକ୍ତି ହୋଇସାରିଥିଲେ। କିନ୍ତୁ ସେ ଏହି ସମୟରେ ଆଦୌ ଆୟକର ଭରି ନ ଥିଲେ। ଏପରି କି ୨୦୧୧ରେ ମଧ୍ୟ ସେ ଟ୍ୟାକ୍ସ ଦେଇ ନ ଥିଲେ। ସେହିପରି ବିଶ୍ୱର ଦୁଇ ନମ୍ବର ଧନୀ ପାଲଟିଥିବା ଏଲନ୍‌ ମସ୍କ ୨୦୧୮ରେ ୧ ଡଲାର ମଧ୍ୟ ଫେଡେରାଲ ଇନ୍‌କମ ଟ୍ୟାକ୍ସ ବୁଝାଇ ନ ଥିଲେ। ବଡ଼ ବିଜ୍‌ନେସମ୍ୟାନ୍‌ ମାଇକେଲ ବ୍ଲୁମ୍‌ବର୍ଗ ମଧ୍ୟ ଗତ କିଛି ବର୍ଷ ମଧ୍ୟରେ ଟିକସ ଚୋରି କରିବାରେ ସଫଳ ହୋଇଛନ୍ତି। ଅରବପତି ନିବେଶକ କାର୍ଲ ଇକାନ ଦୁଇବର୍ଷ ଧରି ଟ୍ୟାକ୍ସ ଦେଇ ନ ଥିବାବେଳେ ଜର୍ଜ ସୋରୋସ୍‌ ଲଗାତର ୩ ବର୍ଷ ଧରି ଟିକସ ଫାଙ୍କିଛନ୍ତି। ବର୍କଶାୟାର ହାଥାଓ୍ବେ ସିଇଓ ଓ୍ବାରେନ୍‌ ବଫେଟ୍‌ଙ୍କ ସମ୍ପତ୍ତି ୨୦୧୪ରୁ ୨୦୧୮ ମଧ୍ୟରେ ୨୪.୩ ବିଲିୟନ୍‌ ଡଲାରକୁ ବୃଦ୍ଧି ପାଇଥିଲା। କିନ୍ତୁ ସେ ନିଜ ସମ୍ପତ୍ତିର ପରିମାଣ ୨୩.୭ ମିଲିୟନ୍‌ ଡଲାର ଦର୍ଶାଇ ଟିକସ ପଇଠ କରିଥିଲେ।
ରିପୋର୍ଟ ମୁତାବକ ପ୍ରୋପବ୍ଲିକା କେତେଜଣ ଧନୀଙ୍କ ଗତ କିଛିବର୍ଷରେ ବଢ଼ିଥିବା ସମ୍ପତ୍ତିକୁ ଦୃଷ୍ଟିରେ ରଖି ଆଇଆର୍‌ଏସ୍‌ ତଥ୍ୟର ବିଶ୍ଳେଷଣ କରିଥିଲା। ଏହି ଧନୀମାନେ ମାତ୍ର ୩.୪% ‘ଟୁ ଟ୍ୟାକ୍ସ ରେଟ୍‌’ ପଇଠ କରୁଥିଲେ। ଉକ୍ତ ସଂସ୍ଥା ସେମାନଙ୍କ ଷ୍ଟକ୍‌ ପୋର୍ଟଫୋଲିଓ ଏବଂ ଅନ୍ୟ ସମ୍ପତ୍ତିକୁ ମିଶାଇ ଆକଳନ କରି ପଇଠ କରାଯାଇଥିବା ଟିକସର ହିସାବ ବାହାର କରିଥିଲା। ସେମାନେ ପଇଠ କରିଥିବା ଟିକସ ପଇଠ ନ କରିବା ସହ ସମାନ ବୋଲି କହିଥିଲା। ଆମେରିକାର ଟିକସ ବ୍ୟବସ୍ଥା ସ୍ବଳ୍ପ ଆୟକାରୀଙ୍କ ପାଇଁ କଠୋର ହୋଇଥିବାବେଳେ ଧନୀମାନେ କିପରି ଟିକସ ବଞ୍ଚାଉଛନ୍ତି ତାହା ଉକ୍ତ ରିପୋର୍ଟରୁ ଜଣାପଡ଼ିଛି। କାରଣ ଧନୀମାନେ ଟିକସ ଫାଙ୍କିବା ପାଇଁ ନିଜ ସମ୍ପତ୍ତିକୁ ଭାଗ ଭାଗ କରି ଷ୍ଟକ୍‌ କିମ୍ବା ରିୟଲ ଇଷ୍ଟେଟ୍‌ରେ ନିବେଶ କରନ୍ତି ଏବଂ ସେଥିରୁ ମିଳୁଥିବା ଲାଭ ଉପରେ ସେମାନଙ୍କର କୌଣସି ଉତ୍ତରଦାୟିତ୍ୱ ରହି ନ ଥାଏ। ଉଲ୍ଲେଖଯୋଗ୍ୟ, ଆମେରିକାରେ ଟିକସ ବ୍ୟବସ୍ଥାକୁ ନେଇ ଦୀର୍ଘ ସମୟ ଧରି ବିତର୍କ ଲାଗିରହିଛି। ଡେମୋକ୍ରାଟ୍ସଙ୍କ ମତରେ ଦେଶର ସବୁଠୁ ଧନୀମାନେ ନିଜ ସମ୍ପତ୍ତି ଅନୁସାରେ ଟିକସ ପଇଠ କରିବା ଉଚିତ। ରାଷ୍ଟ୍ରପତି ଜୋ ବାଇଡେନଙ୍କ ପ୍ରଶାସନ ମଧ୍ୟ ଏହି ଦିଗ ଉପରେ କାମ କରିବା ନେଇ କହିସାରିଛି।

ତଦନ୍ତ ଆରମ୍ଭ କଲା ଆଇଆର୍‌ଏସ୍‌

ପ୍ରୋପବ୍ଳିକା ଏହି ତଥ୍ୟ କେଉଁଠୁ ଆଣିଲା ତାହା ଜାଣିବା ପାଇଁ ଅନ୍ୟ କେତେକ ବଡ଼ ମିଡିଆ ସଂସ୍ଥା ଉଦ୍ୟମ କରୁଛନ୍ତି। କିନ୍ତୁ ପ୍ରୋପବ୍ଲିକା ତାହା ଜଣାଇବାକୁ ମନା କରିଦେଇଛି। ଏହି ସଂସ୍ଥା ନିଜ ‘ସି ସିକ୍ରେଟ ଫାଇଲ୍ସ: ଟ୍ରୋଭ୍‌ ଅଫ୍‌ ନେଭର-ବିଫୋର-ସିନ୍‌ ରେକଡର୍‌ସ ରିଭିଲ୍‌ ହାଓ ଦି ଓ୍ବେଲ୍‌ଦିଏଷ୍ଟ ଆଭଏଡ୍‌ ଇନ୍‌କମ ଟ୍ୟାକ୍ସ’ ଶୀର୍ଷକ ଆଲେଖ୍ୟରେ ଆମେରିକାର ହଜାର ହଜାର ଧନୀଙ୍କ ୧୫ ବର୍ଷ ପର୍ଯ୍ୟନ୍ତ ପୁରୁଣା ଟିକସ ଦସ୍ତାବିଜ ହାସଲ କରି ଏହି ରିପୋର୍ଟ ପ୍ରକାଶ କରିଛି। ପ୍ରାଇଭେଟ ଟ୍ୟାକ୍ସ ଡକ୍ୟୁମେଣ୍ଟ ଲିକ୍‌କୁ ନେଇ ତଦନ୍ତ ଆରମ୍ଭ ହୋଇଥିବା ଆଇଆର୍‌ଏସ୍‌ କମିଶନର ଚାଲର୍‌ସ ରେଟିଗ୍‌ ମଙ୍ଗଳବାର ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ସମଲିଙ୍ଗୀ ବିବାହକୁ ଚର୍ଚ୍ଚର ନା

କ୍ୟାଥୋଲିକ୍‌ ଚର୍ଚ୍ଚ ସମଲିଙ୍ଗୀ ବିବାହ କରିଥିବା ଯୋଡ଼ିଙ୍କୁ ଆଶୀର୍ବାଦ ଦେବନାହିଁ ବୋଲି ସୋମବାର ଭାଟିକାନ ଘୋଷଣା କରିଛି। ଭଗବାନ ପାପକୁ ଆଶୀର୍ବାଦ ଦେଇପାରିବେ ନାହିଁ ବୋଲି...

କଶ୍ମୀରକୁ ନେଇ ଖଣ୍ଡା ବୁଲାଇଲେ ମିଆଁଦାଦ୍‌:କହିଲେ ଆଗରୁ ଛକା ମାରୁଥିଲି, ଏବେ ଜୀବନରୁ ମାରିଦେବି

ଶ୍ରୀନଗର, ୧।୯: ଜମ୍ମୁ-କଶ୍ମୀରରୁ ୩୭୦ ଧାରା ଉଚ୍ଛେଦ ପରେ ବିଚଳିତ ହୋଇପଡିଛି ପାକିସ୍ତାନ। ଏହି ପ୍ରସଙ୍ଗକୁ ନେଇ ଦେଶର ନେତାଙ୍କଠାରୁ ଆରମ୍ଭ କରି ଖେଳାଳିମାନଙ୍କ ପର୍ଯ୍ୟନ୍ତ...

ପ୍ରତିରକ୍ଷା ମନ୍ତ୍ରୀ ଚୟନ ନେଇ ଚାପରେ ବାଇଡେନ୍‌

ଓ୍ବାଶିଂଟନ,୩।୧୨: ଆମେରିକା ରାଷ୍ଟ୍ରପତି ନିର୍ବାଚନରେ ବିଜୟୀ ହୋଇଥିବା ଡେମୋକ୍ରାଟିକ୍‌ ପାର୍ଟିର ଜୋ ବାଇଡେନ୍‌ ଏବେ ନୂଆ ପ୍ରତିରକ୍ଷା ମନ୍ତ୍ରୀ ଚୟନ କରିବା ନେଇ ଚିନ୍ତାରେ ପଡ଼ିଛନ୍ତି।...

ପାକିସ୍ତାନରେ ସୁରକ୍ଷିତ ନୁହେଁ ଚତୁର୍ଥ ସ୍ତମ୍ଭ: ୬ବର୍ଷରେ କାର୍ଯ୍ୟରତ ୩୩ ଗଣମାଧ୍ୟମ ପ୍ରତିନିଧିଙ୍କୁ କରାଯାଇଛି ହତ୍ୟା

ଇସଲାମାବାଦ୍‌,୨୪।୧୧: ପାକିସ୍ତାନର ଗଣତନ୍ତ୍ରର ଚତୁର୍ଥ ସ୍ତମ୍ଭ କୁହାଯାଉଥିବା ଗଣମାଧ୍ୟମ ସୁରକ୍ଷିତ ନୁହେଁ। ଗତ ୬ ବର୍ଷରେ ଏଠାରେ କାର୍ଯ୍ୟରତ ୩୩ ଜଣ ଗଣମାଧ୍ୟମ ପ୍ରତିନିଧିଙ୍କୁ ହତ୍ୟା...

ଶେନ୍‌ଜେନ୍‌ରେ ବିଲେଇ, କୁକୁର ଖାଇବାକୁ ବାରଣ

ଶେନ୍‌ଜେନ୍‌,୩ା୪: ଚାଇନାର ଦକ୍ଷିଣାଞ୍ଚଳ ସହର ତଥା ଟେକ୍ନୋଲୋଜିର ହବ୍‌ କୁହାଯାଉଥିବା ଶେନ୍‌ଜେନ୍‌ରେ ବିଲେଇ ଓ କୁକୁରଙ୍କ ମାଂସ ଖାଇବା ଉପରେ ନିଷେଧାଦେଶ ଜାରି କରାଯାଇଛି। ଆସନ୍ତା...

ଗଣତନ୍ତ୍ରର ହତ୍ୟା: ଶୀଘ୍ର ଟ୍ରମ୍ପ୍‌ଙ୍କୁ ହଟାଯାଉ

ଓ୍ବାଶିଂଟନ,୭।୧: ଆମେରିକାରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ସମର୍ଥକଙ୍କ ପକ୍ଷରୁ ସଂସଦ ପରିସରରେ ହୋଇଥିବା ହିଂସାକାଣ୍ଡକୁ ନେଇ ଭାରତୀୟ ବଂଶୋଦ୍ଭବ ସାଂସଦମାନେ କଡ଼ା ନିନ୍ଦା କରିଛନ୍ତି। ଶୀଘ୍ର...

କରୋନା ପ୍ରଭାବ: କୁଏତରେ ଭାରତୀୟ ନାଗରିକଙ୍କ ପ୍ରବେଶ ନିଷେଧ

କୁଏତ ସିଟି,୩୧।୭: କରୋନା ସଙ୍କଟ ଯୋଗୁ କୁଏତରେ ଏକ ବଡ଼ ନିଷ୍ପତ୍ତି ନିଆଯାଇଛି। ଦୀର୍ଘ ଦିନରୁ କୁଏତ ସରକାର ନିଜ ଦେଶରେ ଯାତ୍ରା ଉପରେ ଲଗାଇଥିବା...

ଇମ୍ରାନ୍‌ଙ୍କୁ ଭାରତର ଆଣବିକ ଅସ୍ତ୍ର ଭୟ

ଇସ୍‌ଲାମାବାଦ,୧୯ା୮:ଭାରତର ଆଣବିକ ଅସ୍ତ୍ର ପ୍ରୟୋଗ ନୀତିରେ ସମ୍ଭାବ୍ୟ ପରିବର୍ତ୍ତନକୁ ନେଇ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ ଛାନିଆ ହୋଇଯାଇଛନ୍ତି। ନରେନ୍ଦ୍ର ମୋଦି ସରକାରଙ୍କ ଅଧୀନରେ ଭାରତର...

Advertisement


Archives

Model This Week

Why Dharitri