ଜୈବିକ କୃଷିର ଆବଶ୍ୟକତାକୁ ଉପଲବ୍ଧି କରିଛନ୍ତି ପୁଣେର ଦୁଇ ଭାଇ ଅଜିଙ୍କ୍ୟ ଓ ସତ୍ୟଜିତ। ସେମାନେ କର୍ପୋରେଟ ଚାକିରି ଛାଡ଼ି ଜୈବିକ କୃଷିରୁ ଅନେକ କୋଟି ଟଙ୍କା ଆୟ କରୁଛନ୍ତି। ଦୁଇ ଭାଇ ପୁଣେ ବିଶ୍ୱବିଦ୍ୟାଳୟରୁ ଏମ୍ବିଏ ଡିଗ୍ରୀ ହାସଲ କରି ଏମ୍ଏନ୍ସିଏସ୍ରେ ଏକ ଦଶନ୍ଧି ଧରି ଚାକିରି କରିବା ପରେ ଏହି କୃଷି କ୍ଷେତ୍ରକୁ ଓହ୍ଲାଇଥିଲେ। ପ୍ରଥମେ ସେମାନେ ଏଥିପାଇଁ ସମାଲୋଚନାର ସାମ୍ନା କରିଥିଲେ। ହେଳେ ନିଷ୍ଠା ବଳରେ ସଫଳତା ପାଇ ୨/୩ ଏକରରୁ ଏବେ ୨୦ ଏକର ଜମିରେ ଜୈବିକ କୃଷି କରିବାକୁ ସକ୍ଷମ ହୋଇଛନ୍ତି। ଏଥିରୁ ସେମାନେ ବର୍ଷକୁ ୩ କୋଟି ଟଙ୍କା ଆୟ କରୁଛନ୍ତି। ଏହି କୃଷି ପାରମ୍ପରିକ ପଦ୍ଧତିରେ ଏବଂ କେବଳ ଗୋବର ଖତରେ ଏବଂ ଜୈବିକ କୀଟନାଶକରେ କରୁଛନ୍ତି। କୃଷି ସହ ଗୋପାଳନ ମଧ୍ୟ କରୁଛନ୍ତି। ଉଭୟେ ଧାeନ, ଡାଲି ଓ ଅନ୍ୟ ଶସ୍ୟ ଉତ୍ପାଦନ କରିବା ସହ ଦୁଗ୍ଧଜାତ ଦ୍ରବ୍ୟରୁ ଭଲ ଲାଭ ପାଉଛନ୍ତି। ସେମାନଙ୍କ ଜୈବିକ ପଦ୍ଧତି କୃଷିକୁ ଏବେ ସୁଦ୍ଧା ୧୪ଟି ଦେଶରୁ ଲୋକେ ଦେଖିବାକୁ ଆସି ସାରିଲେଣି। ମୁଖ୍ୟତଃ ଆମେରିକା, ଜର୍ମାନୀ, ଫ୍ରାନ୍ସ ଏବଂ ଅଷ୍ଟ୍ରେଲିଆରୁ କୃଷକ, ମିଡିଆ ଏକ୍ସପର୍ଟ ଓ ବ୍ୟାଙ୍କରମାନେ ବୁଲିବାକୁ ଆସୁଛନ୍ତି। ଅଜିଙ୍କ୍ୟ ଓ ସତ୍ୟଜିତ ଏବେ ସୁଦ୍ଧା ୧୬,୦୦୦ କୃଷକଙ୍କୁ ଜୈବିକ କୃଷି ସମ୍ପର୍କରେ ପ୍ରଶିକ୍ଷଣ ଦେଇସାରିଲେଣି।
