ଛୋଟ ଚାକିରିରେ ସନ୍ତୁଷ୍ଟି ବା ଜବ୍ ସାଟିସ୍ଫିକେଶନ କେତେ ଗୁରୁତ୍ୱପୂର୍ଣ୍ଣ ହୋଇଥାଏ, ତାହାର ସଦ୍ୟତମ ଉଦାହରଣ ଦେଖିବାକୁ ମିଳିଛି ବିବେକଙ୍କ କ୍ଷେତ୍ରରେ। ବିବେକ ପ୍ରଥମେ ଦିଲ୍ଲୀ ପୋଲିସରେ ହାବିଲଦାର ଥିଲେ ଓ ପରେ ସେଣ୍ଟ୍ରାଲ ଆର୍ମଡ ପୋଲିସ ଫୋର୍ସ ପରୀକ୍ଷା ଦେଇ ବିଏସ୍ଏଫ୍ର ଆସିଣ୍ଟାଣ୍ଟ କମାଣ୍ଡାଣ୍ଟ ହୋଇଥିଲେ। କିନ୍ତୁ ଚାକିରି ସନ୍ତଷ୍ଟି ନ ପାଇ ପୁଣି ଆସିଲେ ହାବିଲଦାରକୁ। ବିବେକ ହାବିଲଦାର (ମିନିଷ୍ଟରିଆଲ) ଭାବରେ ଦିଲ୍ଲୀ ପୋଲିସ ଏକାଡେମୀରେ ନିଯୁକ୍ତ ହୋଇଥିଲେ। ପରେ ସେ ସିଏପିଏଫ୍ରେ ମନୋନୀତ ହୋଇ ବିଏସ୍ଏଫ୍ରେ ଆସିଷ୍ଟାଣ୍ଟ କମାଣ୍ଡାଣ୍ଟ ଭାବେ କାର୍ଯ୍ୟ କରିବାକୁ ଯୋଗ୍ୟ ହୋଇଥିଲେ। ପରେ ସେ ଦିଲ୍ଲୀ ପୋଲିସରୁ ଇସ୍ତଫା ଦେଇ ବିଏସ୍ଏଫ୍ରେ ପ୍ରଶିକ୍ଷଣ ନେବା ଆରମ୍ଭ କଲେ। କିନ୍ତୁ ହାବିଲଦାର କାମର ସନ୍ତୁଷ୍ଟି ସେଥିରେ ପାଇପାରିଲେ ନାହିଁ। ଏଥିପାଇଁ ୨୦ ଜାନୁୟାରୀ ୨୦୨୩ରେ ବିଏସ୍ଏଫ୍ରୁ ଇସ୍ତଫା ଦେବା ପରେ ସିସିଏସ୍ ପେନ୍ସନ ନିୟମ ଅନୁଯାୟୀ ଦିଲ୍ଲୀ ପୋଲିସ୍ରେ ପୁଣି ଯୋଗଦେବାକୁ ଆବେଦନ କରିଥିଲେ। ଦିଲ୍ଲୀ ପୋଲିସ ତାଙ୍କ ଆବେଦନକୁ ବି ଗ୍ରହଣ କରିଥିଲେ। ବିବେକ ଗେଜେଟେଡ ଅଫିସର ଚାକିରି ଛାଡି ପୁଣି ହାବିଲଦାର ଚାକିରିରେ ଯୋଗ ଦେବା ଚର୍ଚ୍ଚାର ବିଷୟ ପାଲଟିଛି। ସୋସିଆଲ ମିଡିଆରେ ଦିଲ୍ଲୀ ପୋଲିସର ଚିଠି ମଧ୍ୟ ଭାଇରାଲ ହୋଇଛି। ତାଙ୍କୁ ଦିଲ୍ଲୀ ପୋଲିସ ଏକାଡେମୀ, ଝୌଦୋଡା କାଲାନରେ ପୋଷ୍ଟିଂ କରାଯାଇଛି।
