ମାଟି ଦରକାର ପଡ଼ୁନାହିଁ, କେବଳ ପାଣିରେ ଚାଷ (ହାଇଡ୍ରୋପୋନିକ୍ସ) କରି ବର୍ଷକୁ ୫ କୋଟି ଟଙ୍କା ରୋଜଗାର କରୁଛନ୍ତି ତୁଷାର ଅଗ୍ରଓ୍ବାଲ, ମିତ୍ ପଟେଲ ଏବଂ ବିବେକ ଶୁକ୍ଳା।
ଅହମ୍ମଦାବାଦର ଏହି ୩ ବନ୍ଧୁ ଉକ୍ତ ଚାଷ ସମ୍ପର୍କରେ ଏବେ ସୁଦ୍ଧା ୩୫,୦୦୦ ଲୋକଙ୍କୁ ପ୍ରଶିକ୍ଷଣ ଦେଇସାରିଲେଣି। ବାହାରେ ଓ ଘର ଭିତରେ କିଭଳି ବିନା ମାଟିରେ ଚାଷ କରାଯିବ ତାହା ହିଁ ତାଙ୍କ ପ୍ରଶିକ୍ଷଣର ଲକ୍ଷ୍ୟ। ସେମାନେ ୨୦୨୦ରେ ଏଗ୍ରିଟେକ୍ ଷ୍ଟାର୍ଟଅପ୍ ଗଠନକରି ଏହି କାର୍ଯ୍ୟ କରୁଛନ୍ତି। କେବଳ ଏତିକି ନୁହେଁ, ୩ ବନ୍ଧୁ କୃଷି ଉପତ୍ାଦର ପ୍ୟାକେଜଂ ଓ ମାର୍କେଟିଂରେ ମଧ୍ୟ ଚାଷୀମାନଙ୍କୁ ସହଯୋଗ କରୁଛନ୍ତି। ଏବେ ଉକ୍ତ ଷ୍ଟାର୍ଟଅପ୍ ମାଧ୍ୟମରେ ୫୦କିସମର ଫସଲ କରାଯାଉଛି। ଏଥିରେ ପାରମ୍ପରିକ ଚାଷ ତୁଳନାରେ ହାଇଡ୍ରୋପୋନିକ୍ସରେ ୮୦% ପାଣି ବଞ୍ଚାଯାଇପାରୁଛି ଓ ୮୫% କମ୍ ଜମି ଆବଶ୍ୟକ ହେବା ସହ ୩୦ରୁ ୭୦% ଅଧିକ ଉତ୍ପାଦନ ହେଉଛି। ତୁଷାର, ମିତ୍ ଓ ବିବେକ ଦେଶର ୨୭ଟି ସହରରେ୨୫ ଲକ୍ଷ ବର୍ଗଫୁଟ୍ ହାଇଡ୍ରୋପୋନିକ୍ସ ଫାର୍ମ ଗଠନକରି କୃଷକଙ୍କ ସମେତ ବ୍ୟବସାୟୀ, ଛାତ୍ର, କର୍ମଜୀବୀ, ଗୃହିଣୀଙ୍କୁ କୃଷିରେ ସାମିଲ କରିପାରିଛନ୍ତି।
