ଜୀବନରେ ବହୁ ସଂଘର୍ଷକୁ ସାମ୍ନା କରି ଅନେକଙ୍କ ଜୀବନରେଖା ପାଲଟିଛନ୍ତି ପ୍ରସେନ୍ଜିତ ମଣ୍ଡଳ। ସେ ‘ସୁନ୍ଦରବନ ଫାଉଣ୍ଡେଶନ’ ଗଢ଼ି ସୁଦରବନର ବାଲି ଦ୍ୱୀପରେ ଲୋକମାନଙ୍କ ଜୀବନର ଆଶାବାଡ଼ି ପାଲଟିଛନ୍ତି। ସୁନ୍ଦରବନରେ ରହି ତାଙ୍କ ପରିବାର ଜୀବିକା ପାଇଁ ବହୁ କଷ୍ଟ ସହିଛନ୍ତି ଓ ତାଙ୍କ ଜୀବନ ମଧ୍ୟ ଅଭାବରେ କଟିଥିଲା। ପ୍ରସେନ୍ଜିତ୍ ସ୍କୁଲ ଶିକ୍ଷା ଶେଷ କରି ଉଚ୍ଚଶିକ୍ଷା ଲାଭ କରିବାକୁ କୋଲକାତାକୁ ଯାଇଥିଲେ। ଏହି ସମୟରେ ସେ ବିଭିନ୍ନ ଜାଗାରେ କାମ କରି ପଢ଼ା ଖର୍ଚ୍ଚ ପୂରଣ କରିବା ସହ ଘର ଚଳିବା ଲାଗି ଟଙ୍କା ପଠାଉଥିଲେ। ପରେ ସେ ସ୍ନାତକୋତ୍ତର ଡିଗ୍ରୀ ଓ କମ୍ପ୍ୟୁଟର ଶିକ୍ଷା ଶେଷ କରି ବାଲି ଦ୍ୱୀପରେ ଲୋକଙ୍କ ଜୀବନରେ ଉନ୍ନତି ଆଣିବା ଲାଗି ଘରକୁ ଫେରି ଆସିଥିଲେ ୨୦୧୬ରେ। ପରେ ସୁନ୍ଦରବନ ଫାଉଣ୍ଡେଶନ ଗଠନ କରି ଲୋକମାନଙ୍କୁ ଜୀବିକା ଯୋଗାଇବା ସହ ମାଗଣାରେ ସ୍ବାସ୍ଥ୍ୟ ସେବା ଯୋଗାଉଛନ୍ତି। ବର୍ଷକୁ ପାଖାପାଖି ୬୦୦ ଲୋକ ସ୍ବାସ୍ଥ୍ୟସେବା ପାଇପାରୁଛନ୍ତି। ଏକ ପ୍ରି ପ୍ରାଇମେରୀ ସ୍କୁଲ ଖୋଲିଛନ୍ତି; ଯେଉଁଥିରେ ୬୦ ପିଲା ପଢୁଛନ୍ତି। ସେ ୧ ଲକ୍ଷରୁ ଊର୍ଦ୍ଧ୍ୱ ମାନ୍ଗ୍ରୋଭ୍ ଗଛ ରୋପଣ କରିଛନ୍ତି।
