୭୦ ବର୍ଷ ବୟସର ଜଣେ ଚାଷୀ ଏବେ ସଭିଙ୍କ ପାଇଁ ପ୍ରେରଣା। ଗୁଜରାଟର ନବସାରିର ସରିଖୁର୍ଦ ଗାଁର କିରଣ ନାୟକ କୃଷିରେ ନିଜ ଦକ୍ଷତା ପ୍ରତିପାଦନ କରିବା ସହ ଜିଆଖତ ଉପତ୍ାଦନରେ ସଫଳତା ପାଇଛନ୍ତି। ପରିଣତ ବୟସରେ ଦିନକୁ ୧୨ ଘଣ୍ଟା କାମ କରି ବର୍ଷକୁ ୭,୦୦୦ ବ୍ୟାଗ୍ ଅର୍ଥାତ୍ ୩,୫୦୦ କୁଇଣ୍ଟାଲ୍ ଜିଆଖତ ବିକ୍ରି କରୁଛନ୍ତି। ପ୍ରତି ବ୍ୟାଗ୍ରେ ୫୦ କେ.ଜି. ଖତ ରହୁଛି। କିରଣଙ୍କ ଏହି କାର୍ଯ୍ୟରେ ତାଙ୍କ ପୁଅ ସହଯୋଗ କରୁଛନ୍ତି। ୧୫ ବର୍ଷ ବୟସରୁ ସେ କୃଷି ସହ ଜଡ଼ିତ ଅଛନ୍ତି। ୨୦୦୮ରେ ନବସାରି କୃଷି ବିଶ୍ୱବିଦ୍ୟାଳୟରୁ ଜିଆଖତ ସମ୍ପର୍କରେ ପ୍ରଶିକ୍ଷଣ ନେବା ପରେ ପ୍ରଥମେ ସେ ୧୦ କେ.ଜି. ଜିଆରୁ ଜୈବିକ ଖତ ପ୍ରସ୍ତୁତ କରିବା ଆରମ୍ଭ କରିଥିଲେ। ଦୁଇବର୍ଷ ପରେ ସେ ବର୍ଷକୁ ୨୦୦ରୁ ୩୦୦ ବ୍ୟାଗ୍ ଖତ ବିକ୍ରି କରିବାକୁ ସକ୍ଷମ ହୋଇଥିଲେ ଓ ରେକର୍ଡ ପରିମାଣର ଜିଆଖତ ପ୍ରସ୍ତୁତ କରି ଏ କ୍ଷେତ୍ରରେ ରାଜ୍ୟ କୃଷି ବିଭାଗ ତରଫରୁ ପୁରସ୍କୃତ ହୋଇଛନ୍ତି। ଏବେ ସେ ଜଣେ ପ୍ରଶିକ୍ଷକ ଭାବେ ୫୦୦୦ କୃଷକଙ୍କୁ ଜିଆଖତ ପ୍ରସ୍ତୁତି ନେଇ ପ୍ରଶିକ୍ଷଣ ଦେଇସାରିଲେଣି।
