ଝାଡ଼ଖଣ୍ଡର ଛୋଟ ଗାଁଟିଏ ପୂରବି ସିଂହଭୂମ। ଏହି ଗାଁକୁ ସ୍ବତନ୍ତ୍ର ପରିଚୟ ଦେଇଛନ୍ତି ଯମୁନା ଟୁଡୁ। ଯମୁନାଙ୍କ ନେତୃତ୍ୱରେ ମହିଳାମାନେ ଗଛ ସୁରକ୍ଷାରେ ଲାଗିିଛନ୍ତି। ସେମାନେ ଗଛରେ ରାଖୀ ବାନ୍ଧି ଚିରଦିନ ଲାଗି ତା’ ସୁରକ୍ଷା ପାଇଁ ଶପଥ ନେଉଛନ୍ତି। ଏହି ପରମ୍ପରା ଆଧ୍ୟାତ୍ମିକତା ଜଡ଼ିତ ଥିବା ସହ ସାମାଜିକ ସ୍ତରରେ ଏହା ଜଙ୍ଗଲ ମାଫିଆ ଓ ପଶୁ ଶିକାରୀଙ୍କ ବିରୋଧରେ ଏକ ଅହିଂସା ଯୁଦ୍ଧ ଘୋଷଣାକୁ ସୂଚାଇଥାଏ। ୨୦ ବର୍ଷ ପୂର୍ବେ ଯମୁନା ଏହି ଅଭିଯାନ ଆରମ୍ଭ କରିବା ସମୟରେ ପ୍ରଥମେ ଜଣେ କାଠମାଫିଆ ସହ ମୁହଁାମୁହଁି ହୋଇଥିଲେ। ଆଇନ ପରିସରରେ ସେ ସେହି ମାଫିଆଙ୍କ ଉପରେ ଅଙ୍କୁଶ ଲଗାଇବା ପରେ ଗଛ ସୁରକ୍ଷା ଲାଗି ସଂକଳ୍ପ ନେଇଥିଲେ। ପରେ ଗାଁର ୨୫ ଜଣ ମହିଳାଙ୍କୁ ନେଇ ଏକ ଟିମ୍ ଗଠନ କରିଥିଲେ। ବିଗତ ୨୦ ବର୍ଷ ତଳେ ଆରମ୍ଭ ହୋଇଥିବା ଏହି ଅଭିଯାନରେ କେବଳ ତାଙ୍କ ଗାଁ ନୁହେଁ ବରଂ ଆଖପାଖର ଶହ ଶହ ହେକ୍ଟର ଜଙ୍ଗଲର ସୁରକ୍ଷା କରିପାରୁଛନ୍ତି। ତାଙ୍କ ସହ ଏବେ ୬୦୦୦ରୁ ଊର୍ଦ୍ଧ୍ୱ ସଦସ୍ୟ ସାମିଲ ହୋଇଛନ୍ତି। ସେମାନେ ଧନୁତୀର, ଠେଙ୍ଗା ଧରି ଜଙ୍ଗଲରେ ପ୍ରବେଶ କରୁଛନ୍ତି। ବହୁ ସମୟରେ ସେମାନଙ୍କର ଶିକାରୀ ଓ କାଠମାଫିଆଙ୍କ ସହ ମୁହଁାମୁହଁି ହେଲେ ମଧ୍ୟ ସେମାନେ ଗଛ ଓ ବନ୍ୟଜନ୍ତୁମାନଙ୍କୁ ସୁରକ୍ଷିତ ରଖିବାରେ ସଫଳ ହେଉଛନ୍ତି। ଏବେ ଯମୁନାଙ୍କୁ ‘ଲେଡି ଟାର୍ଜନ’ କୁହାଯାଉଛି।
