ସରକାରୀ ଯୋଜନାର ଉପଯୁକ୍ତ ଉପଯୋଗ କରି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ଉତ୍ତରାଖଣ୍ଡ କ୍ୟାଡରର ଆଇଏଏସ୍ ଅଧିକାରୀ ଆର୍. ମୀନାକ୍ଷୀ ସୁନ୍ଦରମ୍। ସେ ବହୁ ବିଭାଗର ଦାୟିତ୍ୱରେ ଥାଇ ୬୦୦ କୋଟି ମୂଲ୍ୟର ସରକାରୀ ଯୋଜନାକୁ କାର୍ଯ୍ୟକାରୀ କରି ରାଜ୍ୟରେ ୪.୫ ଲକ୍ଷ କୃଷକଙ୍କୁ ଯୋଡ଼ି ପାରିଛନ୍ତି। କୃଷକଙ୍କୁ ବିଭିନ୍ନ କ୍ଷେତ୍ରରେ ଲାଭ ପହଞ୍ଚାଇବା ସହ ରାଜ୍ୟରେ ଜୈବିକ କୃଷିରେ ଉନ୍ନତି ଆଣିପାରିଛନ୍ତି। ସେଓ ଚାଷରେ ବ୍ୟାପକ ଉନ୍ନତି ବ୍ୟତୀତ କୃଷକମାନଙ୍କୁ ଛତୁଚାଷ, ମସଲାଜାତୀୟ ଚାଷ, ଔଷଧୀୟ ବୃକ୍ଷରୋପଣ, ପରିବା ଆଦି ଚାଷ ପ୍ରତି ଆକୃଷ୍ଟ କରିଛନ୍ତି। କେବଳ ଏତିକି ନୁହେଁ, ପାହାଡ଼ିଆ ଅଞ୍ଚଳରେ ରହୁଥିବା ମହିଳାମାନଙ୍କୁ ପଶୁପାଳନରେ ନିୟୋଜିତ କରାଇଛନ୍ତି। ସୁନ୍ଦରମ୍ ପଶୁପାଳନ ବିଜ୍ଞାନରେ ଡିଗ୍ରୀ ହାସଲ କରିବା ପରେ ଆଲିମଲ ଜେନେଟିକ୍ସ ଆଣ୍ଡ୍ ବ୍ରିଡିଂରେ ସ୍ନାତକୋତ୍ତର ଡିଗ୍ରୀ ହାସଲ କରି ଆଇଏଏସ୍ରେ ଯୋଗ ଦେଇଥିବାରୁ ତାଙ୍କର କୃଷି ଓ ପଶୁପାଳନ ପ୍ରତି ଦୁର୍ବଳତା ରହିଛି ଓ ଏହାଦ୍ୱାରା ଆର୍ଥିକ ପରିବର୍ତ୍ତନ ଆଣିବା ତାଙ୍କର ମୁଖ୍ୟ ଲକ୍ଷ୍ୟ ବୋଲି କହିଛନ୍ତି ସୁନ୍ଦରମ୍।
