କୋଭିଡ୍-୧୯ ମହାମାରୀ ଜୀବିକା ଉପରେ ପ୍ରଭାବ ପକାଇଥିଲେ ବି ଅନେକଙ୍କୁ ନୂଆ ରାସ୍ତା ଦେଖାଇଛି। ଏମାନଙ୍କ ମଧ୍ୟରେ ଉତ୍ତରପ୍ରଦେଶ ଅମେଠିର ସୋମେଶ୍ୱର ସିଂ ଜଣେ। ସେ ଚାକିରି ଛାଡ଼ି ଅମୃତଭଣ୍ଡା ଚାଷରୁ ବର୍ଷକୁ ୧୫ ଲକ୍ଷ ଟଙ୍କା ରୋଜଗାର କରୁଛନ୍ତି। ସୋମେଶ୍ୱର ନୋଏଡାରେ ଏକ ଅନ୍ତର୍ଜାତୀୟ ପ୍ରଯୁକ୍ତି କମ୍ପାନୀରେ କାର୍ଯ୍ୟ କରୁଥିଲେ ଓ ମାସକୁ ୧ ଲକ୍ଷ ଟଙ୍କା ଦରମା ପାଉଥିଲେ। ମହାମାରୀ ଯୋଗୁ ମାର୍ଚ୍ଚ ୨୦୨୦ରେ ସେ ଚାକିରି ଛାଡ଼ି ତାଙ୍କ ଗାଁ ମଧୁପୁର ଖଦ୍ରିକୁ ଫେରିଥିଲେ। ପରେ ପରୀକ୍ଷାଭିତ୍ତିରେ ବିଭିନ୍ନ ଚାଷ କରି ବିଫଳ ହେବା ପରେ ୨୦୨୧ ମଧ୍ୟଭାଗରେ ଅମୃତଭଣ୍ଡା ଚାଷ ଆରମ୍ଭ କରିଥିଲେ। ସେ ୫,୦୦୦ ଚାରା ଯୋଗାଡ଼ କରି ୪ ଏକରରେ ଅମୃତଭଣ୍ଡା ଲଗାଇ ଏବେ ପ୍ରଚୁର ଫଳାଉଛନ୍ତି ଓ ସେଥିରୁ ବର୍ଷକୁ ୧୫ ଲକ୍ଷ ଟଙ୍କା ରୋଜଗାର କରୁଛନ୍ତି। ସେ ସିଞ୍ଚନ ଜଳସେଚନ ପଦ୍ଧତିରେ ଉକ୍ତ ଚାଷ କରୁଛନ୍ତି। ସେ ନିମ ତେଲକୁ କୀଟନାଶକ ଭାବେ ପ୍ରୟୋଗ କରୁଛନ୍ତି। ପ୍ରତି ସପ୍ତାହରେ ୨୦-୨୫ କୁଇଣ୍ଟାଲ ଅମୃତଭଣ୍ଡା ମିଳେ। ଜିଲା କୃଷି ଅଧିକାରୀଙ୍କ ସହଯୋଗରେ ଏଭଳି ସଫଳତା ପାଇଛନ୍ତି ବୋଲି କହନ୍ତି ସୋମେଶ୍ୱର।
