ଶିକ୍ଷାଦାନରେ ସୀମିତ ରହିନାହାନ୍ତି କେରଳର ମୁରିକାଟ୍ଟୁକୁଡିସ୍ଥ ସରକାରୀ ଆଦିବାସୀ ଉଚ୍ଚମାଧ୍ୟମିକ ସ୍କୁଲର ଦୃଷ୍ଟିବାଧିତ ଶିକ୍ଷୟିତ୍ରୀ ଲିନ୍ସି ଜର୍ଜ । ଇଡୁକ୍କି ଜିଲାର ଉକ୍ତ ସ୍କୁଲରେ ପଢୁଥିତ୍ବା ଅନେକ ଗରିବ ଆଦିବାସୀ ପିଲାମାନେ କିଭଳି ଭଲ ଖାଇବେ ଓ ଭଲ ଘରେ ରହି ପଢିବେ ସେଥିପାଇଁ ସେ ସବୁ ପ୍ରକାର ବ୍ୟବସ୍ଥା କରୁଛନ୍ତି। ଏବେ ସୁଦ୍ଧା ସେ ପିଲାମାନଙ୍କ ପାଇଁ ୬ଟି ଘର ନିର୍ମାଣ କରିସାରିଲେଣି। ଲୋକମାନଙ୍କଠାରୁ ପାଖାପାଖି ୫ ଲକ୍ଷ ଟଙ୍କା ଦାନ ଆକାରରେ ଯୋଗାଡ଼ କରି ଏହି ଘରଗୁଡ଼ିକ ନିର୍ମାଣ କରିଛନ୍ତ ଓ ଏଥିରେ ରହୁଥିବା ଗରିବ ପିଲାମାନଙ୍କର ସବୁ ଖର୍ଚ୍ଚ ମଧ୍ୟ ସେ ବହନ କରୁଛନ୍ତି। ୨୦୦୭ରେ ଚତୁର୍ଥ ଶ୍ରେଣୀରେ ପଢୁଥିବା ଜଣେ ଅଭାବୀ ପରିବାରର ଛାତ୍ରୀ ଭୋକରେ ଥିବା ଓ ତା’ପୂର୍ବ ରାତିରୁ ଖାଇ ନ ଥିବା ଲିନି୍ସଙ୍କୁ କହିବା ପରେ ସେ ପିଲାଟିକୁ ଖାଇବାକୁ ଦେଇଥିଲେ। ଏହା ତାଙ୍କ ମନକୁ ଆନ୍ଦୋଳିତ କରିଥିତ୍ଲା ଓ ପରେ ତାଙ୍କ ସ୍କୁଲରେ ପଢୁଥିବା ଏଭଳି ଅନେକ ପିଲାଙ୍କୁ ରହିବାକୁ ଘର ଓ ଖାଦ୍ୟ ଯୋଗାଇବା ଅଭିଯାନ ଆରମ୍ଭ କରିବାକୁ ନିଷ୍ପତ୍ତି ନେଇଥିଲେ । କେବଳ ଏତିକି ନୁହେଁ ଲକ୍ଡାଉନ ସମୟରେ ଅନ୍ଲାଇନ କ୍ଲାସ୍ ଲାଗି ସେ କେତେଜଣ ପିଲାଙ୍କୁ ମୋବାଇଲ ଓ ୧୦୦ ଗରିବ ପରିବାରକୁ ରାଶନ ଯୋଗାଇ ଦେଇଛନ୍ତି । ଏହି କାର୍ଯ୍ୟରେ ତାଙ୍କୁ ସହଯୋଗ କରୁଛନ୍ତି ତାଙ୍କ ସ୍ବାମୀ ସେବାଷ୍ଟିନା, ଯିଏ ଏକ ଘରୋଇ କଲେଜରେ ଜଣେ ଅଫିସ ଷ୍ଟାଫ୍ ଭାବେ କାର୍ଯ୍ୟ କରୁଛନ୍ତି।
