ଅସହାୟ ଗରିବ, ମାନସିକ ଓ ଶାରୀରିକ ଦିବ୍ୟାଙ୍ଗ ପିଲାମାନଙ୍କ ସାହାରା ପାଲଟିଛନ୍ତି ଗୁଜରାଟର କିରଣ ପିଠିୟା ଏବଂ ତାଙ୍କ ପତି ରମେଶ ।
ରାଜକୋଟର ଉପଲେଟା ବ୍ଲକ୍ ନିବାସୀ ଏହି ଦମ୍ପତି ବିବାହର ଠିକ୍ ପରେ ପରେ ଦିବ୍ୟାଙ୍ଗ ଶିଶୁମାନଙ୍କ ସେବା କରିବାକୁ ନିଷ୍ପତ୍ତି ନେଇଥିଲେ। ବାସ୍ତବରେ ଏଭଳି ପତି ପତ୍ନୀଙ୍କ ଜୀବନର ଲକ୍ଷ୍ୟ ଏକ ହେବା ଖୁବ୍ କମ୍ ଦେଖିବାକୁ ମିଳେ। ଏହି କାର୍ଯ୍ୟ ଲାଗି କିରଣ ଚାକିରି ଛାଡ଼ି ଦେଇଛନ୍ତି। ଉକ୍ତ ଦମ୍ପତି ପ୍ରଥମେ ୧୦ ଜଣ ପିଲାଙ୍କୁ ନେଇ ଏକ ଭଡ଼ାଘରେ ସେବା ଆରମ୍ଭ କରିଥିଲେ। ପରେ ‘ଦିବ୍ୟ ଜ୍ୟୋତ ଦିବ୍ୟାଙ୍ଗ’ ସଂସ୍ଥା ଗଢି ତା’ ମାଧ୍ୟମରେ ଏହି କାର୍ଯ୍ୟ କରୁଛନ୍ତି। ରମେଶ ପିଲାଙ୍କୁ ଭୋକେଶନାଲ ଟ୍ରେନିଂ ଦେଉଛନ୍ତି ଓ ପଢ଼ାଉଛନ୍ତି। ଏବେ ତାଙ୍କ ପାଖରେ ୨୭ ଜଣ ଦିବ୍ୟାଙ୍ଗ ପିଲା ରହିଛନ୍ତି ଏବଂ ଅଧିକ ସୁବିଧା ହେଲେ ସେମାନେ ବେଶି ପିଲା ରଖିବାକୁ ଯୋଜନା କରିଛନ୍ତି ବୋଲି କହନ୍ତି କିରଣ। ଏ ବାବଦରେ ପ୍ରତି ମାସରେ ଖର୍ଚ୍ଚ ପାଇଁ ଆବଶ୍ୟକ ପାଖାପାଖି ୫୦ ହଜାର ଟଙ୍କା ଲୋକମାନଙ୍କଠାରୁ ଦାନ ସୂତ୍ରରେ ଯୋଗାଡ଼ ହେଉଛି। ପିଲାମାନଙ୍କ ଯନତ୍ ନେବା ଲାଗି ସେମାନେ ଆଉ ତିନି ଜଣ ଲୋକଙ୍କୁ ମଧ୍ୟ ନିଯୁକ୍ତ କରିଛନ୍ତି।
