ମହାମାରୀ ସମୟରେ ଲକ୍ଡାଉନ ଅନେକଙ୍କୁ ନୂଆ ବାଟ ଦେଖାଇଥିବାବେଳେ ଏଥିରୁ ବାଦ୍ ପଡ଼ିନାହାନ୍ତି ଲାଲ୍ ବହାର। ସେ ତାଙ୍କ ସାଙ୍ଗମାନଙ୍କ ସହାୟତାରେ ଲାଇବ୍ରେରି ଖୋଲିଛନ୍ତି। ପ୍ରଥମେ ସେ ତାଙ୍କ ଗାଁରେ ପିଲାମାନେ ପଢିବା ଲାଗି ଲାଇବ୍ରେରି ଖୋଲିଥିଲେ। ପରେ ୨୫୦ ଗାଁରେ ଲାଇବ୍ରେରି ଖୋଲିଛନ୍ତି। ଲାଲ୍ ବହାର ଗାଜିଆବାଦ ନିକଟସ୍ଥ ମନୌଲି ଗାଁରେ ରୁହନ୍ତି। ସେ ନ୍ୟାଶନାଲ ହ୍ୟୁମାନ ରାଇଟ୍ସ କମିଶନରେ ଜଣେ ଇନ୍ସପେକ୍ଟର ଭାବେ କାର୍ଯ୍ୟ କରନ୍ତି। ଲକ୍ଡାଉନ ସମୟରେ ସେ ସରପଞ୍ଚଙ୍କ ସହ କଥା ହୋଇ ପୁରୁଣା ପଞ୍ଚାୟତ ଭବନରେ ଏକ ଲାଇବ୍ରେରି ଖୋଲିଥିଲେ। ଗାଁରେ ତାଙ୍କ ଭଳି ଅନ୍ୟ ସରକାରୀ ଚାକିରିଆମାନଙ୍କୁ ଏକାଠି କରି ସେମାନଙ୍କ ଆର୍ଥିକ ସହାୟତାରେ ଏହା ସମ୍ଭବ ହୋଇଥିଲା। କେବଳ ଦୁଇ ମାସରେ ସେ ଏଥିପାଇଁ ୫ ଲକ୍ଷ ଟଙ୍କା ଯୋଗାଡ଼ କରିପାରିଥିଲେ। ଏହି ଲାଇବ୍ରେରିରେ ୬୦ ଜଣ ପିଲା ବସିବାର ବ୍ୟବସ୍ଥା ରହିଛି। ପରେ ଲାଇବ୍ରେରି ଖୋଲିବା ଲାଗି ତାଙ୍କୁ ବିଭିନ୍ନ ଗାଁରୁ ଲୋକମାନେ ଅନୁରୋଧ କଲେ। ଏହାକୁ ଲକ୍ଷ୍ୟ କରି ସେ ‘ମିଶନ ଗ୍ରାମ ପାଠଶାଳା’ ଆରମ୍ଭ କରି ତା’ମାଧ୍ୟମରେ ଦିଲ୍ଲୀ, ରାଜସ୍ଥାନ ଏବଂ ହରିୟାଣାରେ ବିଗତ ଦେଢ଼ବର୍ଷ ମଧ୍ୟରେ ୨୫୦ ଲାଇବ୍ରେରି ଖୋଲି ସାରିଛନ୍ତି। ସବୁ ଲାଇବ୍ରେରିରେ ରହିଥିବା ବହି ଦାନ ସୂତ୍ରରେ ସଂଗ୍ରହ କରାଯାଇଛି। ଏହି ଲାଇବ୍ରେରି ଖୋଲିିବା ପରେ ଯୁବକମାନେ ପଢ଼ିବାର ସୁଯୋଗ ପାଉଛନ୍ତିି ଓ ବହୁ ପ୍ରବେଶିକା ପରୀକ୍ଷାରେ କୃତକାର୍ଯ୍ୟ ହେଉଛନ୍ତି ବୋଲି କହନ୍ତି ବହାର। ଗାଁର ପିଲାମାନେ ଲାଇବ୍ରେରି ସଫା କରିବା ସହ ବହଗୁଡ଼ିକର ଯନତ୍ ନେଉଛନ୍ତି।
