ଘର ବଗିଚାରୁ ଯାତ୍ରା ଆରମ୍ଭ କରି ୧୦ ଏକର ଜମିରେ ଜୈବିକ ଚାଷରେ ସଫଳ ହୋଇ ଏକ ଉଦାହରଣ ସୃଷ୍ଟି କରିଛନ୍ତି ତାମିଲନାଡୁର ପି. ଭୁବନେଶ୍ୱରୀ। ଗୃହିଣୀ ଭାବେ ଘରେ କିଚେନ ଗାର୍ଡେନ ଆରମ୍ଭ କରିବା ପରେ ସେ ଅଧିକ ଜମିରେ ଜୈବିକ ଚାଷ କରିବାକୁ ସ୍ଥିର କରିଥିଲେ। ଏଥିତ୍ପାଇଁ ସେ ପରିବାରକୁ ୧.୫ ଏକର ଜମି ଦେବା ଲାଗି ଅନୁରୋଧ କରିଥିତ୍ଲେ। ଏହି ଜମିରେ ଜୈବିକ ଚାଷରେ ସଫଳ ହେବା ପରେ ଧୀରେ ଧୀରେ ତାଙ୍କ ପରିବାରର ୧୦ ଏକର ଜମିକୁ ଜୈବିକ ସ୍ବର୍ଗରେ ପରିଣତ କରିଛନ୍ତି। ସେ ବିଭିନ୍ନ ପ୍ରକାର ଧାନ, ପରିବା ସହ ଫଳ ଚାଷ କରି ବର୍ଷକୁ ଲକ୍ଷାଧିକ ଟଙ୍କା ରୋଜଗାର କରିବାକୁ ସକ୍ଷମ ହୋଇଛନ୍ତି। ଭୁବନେଶ୍ୱରୀଙ୍କ ବୟସ ୫୪। ଥାଞ୍ଜାଭୁର ଜିଲାର କଲ୍ୟାଣୋଦାଇ ଗାଁରେ ଜନ୍ମିତ ଭୁବନେଶ୍ୱରୀଙ୍କର ପିଲାବେଳୁ ଚାଷ ପ୍ରତି ଆଗ୍ରହ ରହିଥିଲା। ବିବାହ ପରେ ମଦୁରାଇର ପୁଡୁକୋଟି କରୁପୟୁରାନି ଗାଁକୁ ଆସିବା ପରେ କିଚେନ ଗାର୍ଡେନ ଆରମ୍ଭ କରିଥିଲେ। ଏବେ ଚାଷରେ ସେ ଅଦା, ରସୁଣ, କଞ୍ଚାଲଙ୍କା ଏବଂ ବଟରମିଲ୍କ ମିଶ୍ରଣକୁ ଗଛରେ ପ୍ରୟୋଗ କରୁଛନ୍ତି। ଚାଷ ପାଇଁ ଗୋବର, ଗୋମୂତ୍ର ମିଶ୍ରଣକୁ ଜମିରେ ସ୍ପ୍ରେ କରୁଛନ୍ତି। ଏହା କୀଟନାଶକ ଭାବେ କାମ କରୁଛି। ଏହା ବ୍ୟତୀତ ସେ ଗୋବର, ଗୋମୂତ୍ର, ଘିଅ ଓ କ୍ଷୀର ମିଶାଇ ଏକ ଦ୍ରବଣ କରି ତାହାକୁ ମଧ୍ୟ ପ୍ରୟୋଗ କରୁଛନ୍ତି। ଏହା ବ୍ୟତୀତ ପ୍ରାୟ ୨୫ ପ୍ରକାରର ଔଷଧୀୟ ଗଛର ପତ୍ରରୁ କୀଟନାଶକ ପ୍ରସ୍ତୁତ କରୁଛନ୍ତି।
