ଆଜିକାଲି ଲୋକଙ୍କର ନିଜ ଉପରେ ଭରସା ପାଉ ନ ଥିବାବେଳେ କୌଣସି ଦୋକାନୀ ଅଜଣା ଗ୍ରାହକଙ୍କ ଉପରେ ବିଶ୍ୱାସ କରିପାରିବ କି ? ହଁ, ଏମିତି ଗୁଜରାଟର ଜଣେ ଦୋକାନୀଙ୍କ କାହାଣୀ ସାମ୍ନାକୁ ଆସିଛି, ଯିଏ ଗ୍ରାହକଙ୍କ ପାଇଁ ୧୨ ମାସ ଯାକ ତାଙ୍କ ଦୋକାନ ଦିନରାତି ଖୋଲା ରଖନ୍ତି। ଏହି ଦୋକାନର କବାଟ ନାହିଁ। ଦୋକାନୀ ସୟିଦଭାଇଙ୍କୁ ୧୮ ବର୍ଷ ହୋଇଥିବାବେଳେ ସେ ଏହି ଦୋକାନ ଖୋଲିଥିଲେ ଓ ବିଗତ ୩୦ ବର୍ଷ ହେବ ତାଙ୍କ ଦୋକାନ କେବେ ବି ବନ୍ଦ ହୋଇନାହିଁ। ଛୋଟଉଦୟପୁର ଜିଲା କେବଡି ଗାଁର ସୟିଦଭାଇ ଏହି ଦୋକାନ ଚଳାଉଛନ୍ତି। ତାଙ୍କ ଦୋକାନରେ ଯିଏ ଯେତେବେଳେ ପହଞ୍ଚତ୍ଲେ ଜିନିଷ ପାଇବାରେ କିଛି ଅସୁବିଧା ହୁଏ ନାହିଁ। ଯିଏ ଏହି ଦୋକାନରୁ ଜିନିଷ କିଣନ୍ତି ସେମାନଙ୍କୁ ସୟିଦଭାଇ ପଇସା ମାଗନ୍ତି ନାହିଁ। ହିସାବ ପରେ ଗ୍ରାହକମାନେ ଉଚିତ ମୂଲ୍ୟ ଦୋକାନରେ ରଖିଦେଇ ଚାଲିଯାଆନ୍ତି। ଦୀର୍ଘଦିନର ବ୍ୟବସାୟ ମଧ୍ୟରେ ୪ ବର୍ଷ ପୂର୍ବେ ମାତ୍ର ଥରେ ତାଙ୍କ ଦୋକାନରୁ ଚୋରି ହୋଇଛି। ଚୋର ଟଙ୍କା ବଦଳରେ କେବଳ ବ୍ୟାଟେରି ଚୋରି କରିଥିଲା। ଗ୍ରୋସେରି ବ୍ୟତୀତ ସୟଦିଭାଇ ପାଣି ଟାଙ୍କି, କବାଟ ଝରକା, ଟାଇଲ, ହାର୍ଡଓୟାର ଆଦି ଜିନିଷ ବିକ୍ରି କରୁଛନ୍ତି ଓ ଏହା ମଧ୍ୟ ଦିନରାତି ଖୋଲା ରହୁଛି।
