ତାମିଲନାଡୁ-କର୍ନାଟକ ସୀମାରେ ୧୦୦ ଏକର ଜମିରେ ଜଙ୍ଗଲ ସୃଷ୍ଟିକରି ପରିବେଶ ସୁରକ୍ଷାର ବାର୍ତ୍ତାବହ ସାଜିଛନ୍ତି ବରୁଣ ରବୀନ୍ଦ୍ର। ଏହି ଜମିରେ ପ୍ରଚୁର ରାସାୟନିକ ସାର ବ୍ୟବହାର ଯୋଗୁ ତାହା ଉର୍ବରତା ହରାଇବା ପରେ ପଡ଼ିଆ ପଡ଼ିଥିଲା। କିଛି ବି ଚାଷ ହେଉ ନ ଥିଲା। ହେଲେ ବରୁଣ ସେଥିରେ ୨୫୦ ପ୍ରଜାତିର ୪୦, ୦୦୦ ଗଛ ଲଗାଇ ଏକ ସୁନ୍ଦର ଜଙ୍ଗଲ କରିପାରିଛନ୍ତି। ଏହି କାର୍ଯ୍ୟରେ ସେ ୪୪ ଜଣ ଲୋକଙ୍କୁ ସାମିଲ କରିଛନ୍ତି। ଏହି ଜଙ୍ଗଲର ନାମ ରଖିଛନ୍ତି ବନନ୍ତର କମ୍ୟୁନିଟି ଫରେଷ୍ଟ ଓ ଏହା କରିବାକୁ ବରୁଣ ଓ ତାଙ୍କ ଟିକ୍ମୁ ୫ ବର୍ଷ ଲାଗିଯାଇଛି। ଏଥିରେ ଏବେ ୭୦ ପ୍ରଜାତିର ପକ୍ଷୀ ଆସି ରହିଲେଣି। ୨୦୧୬ରେ ଆରମ୍ଭ କରାଯାଇଥିବା ଏହି ଜଙ୍ଗଲରେ ସିଞ୍ଚନ ଜଳସେଚନ ବ୍ୟବସ୍ଥା କରାଯାଇଛି। ବରୁଣଙ୍କ ବୟସ ୩୮। ଚାର୍ଟାର୍ଡ ଆକାଉଣ୍ଟାଣ୍ଟ ପାସ୍ କରିବା ପରେ କର୍ପୋରେଟ ଜବ୍ କରିଥିଲେ। ତାହାକୁ ଛାଡ଼ି ସେ ଏବେ ପରିବେଶ ସୁରକ୍ଷା ଲାଗି ଅଭିଯାନ ଚଳାଇଛନ୍ତି। ସ୍ଥାନୀୟ ଲୋକମାନେ ଜଙ୍ଗଲର ଅଂଶୀଦର ରହିଛନ୍ତି ଓ ତାହାର ସୁରକ୍ଷା କରୁଛନ୍ତି । ଆଗକୁ ଗୋଷ୍ଠୀଗତ ଉଦ୍ୟମରେ ଏଭଳି ଜଙ୍ଗଲ ବିଭିନ୍ନ ରାଜ୍ୟରେ କରିବାକୁ ଲକ୍ଷ୍ୟ ରଖିଛନ୍ତି ବୋଲି କହନ୍ତି ବରୁଣ।
