ସେବା କରିବାର ଇଚ୍ଛାଶକ୍ତି ଆଗରେ ମନ ଓ ଶରୀର ଅବଶ ହୋଇଯାଏ ନାହିଁ। ଏହା ପ୍ରମାଣ କରିଛନ୍ତି ବରେଲିର ଅନୁରାଧା ଖଣ୍ଡେଲ୍ଓ୍ବାଲ। ସେ ଉତ୍ତରପ୍ରଦେଶ ବରେଲିର କ୍ୟାଣ୍ଟନମେଣ୍ଟ ଅଞ୍ଚଳରେ ଦୀର୍ଘ ୮ ବର୍ଷ ହେବ ମସଲା ଓ ଚା’ ବିକ୍ରି କରି ଅସହାୟ ଶିଶୁମାନଙ୍କୁ ମାଗଣାରେ ପଢ଼ାଉଛନ୍ତି। ୬୫ ବର୍ଷୀୟା ଅନୁରାଧାଙ୍କ ସ୍ବାମୀ ମର୍ଚ୍ଚାଣ୍ଟ ନାଭିରେ ଥିଲେ। ସ୍ବାମୀଙ୍କ ସହ ଅନୁରାଧା ପ୍ରାୟ ୨୦ଟି ଦେଶ ଭ୍ରମଣ କରି ବିଭିନ୍ନ ପ୍ରକାର ଖାଦ୍ୟ ଓ ମସଲା ପ୍ରସ୍ତୁତି ସମ୍ପର୍କରେ ଶିଖିଥିଲେ। ପରେ ୨୦୧୪ରେ ମିକ୍ସ ମସଲା ସମ୍ପର୍କରେ ଶିକ୍ଷା ଦେବାକୁ ସେ ଫେସ୍ବୁକ୍ରେ ‘ଅନୁ କ୍ୟାନ କୁକ୍’ ପେଜ ଆରମ୍ଭ କରିଥିଲେ। ଏଥିରେ ତାଙ୍କର ଫଲୋୟର୍ସ ୬୦୦୦ ପାର ହୋଇଯାଇଥିତ୍ଲା। ମସଲା ବିକ୍ରି ବଢ଼ିବା ପରେ ସେ ସେହି ଆୟରେ ଅସହାୟ ପିଲାମାନଙ୍କୁ ଶିକ୍ଷା ଦେବାର ବ୍ୟବସ୍ଥା କରିଥିଲେ। ପ୍ରଥମେ ସେ ଜଣେ ପିଲାକୁ ପଢ଼ାଇବା ପରେ ଆଉ ୫ ଜଣ ଏଥିରେ ସାମିଲ ହୋଇଥିଲେ। ଅନୁରାଧା ମସଲାକୁ ‘ହଟ୍ ନମ୍ବର ଓ୍ବାନ’ ନାମରେ ଏବଂ ଏହା ସହ ମସଲା ଚା’ ପ୍ୟାକେଟ ବିକ୍ରି କରୁଛନ୍ତି। ଏସବୁଥିରୁ ଯାହା ଆୟ ହେଉଛି ସେଥିରେ ୧୨ ଜଣ ଅସହାୟ ପିଲାଙ୍କୁ ପଢ଼ାଇବା ସହ ସେମାନଙ୍କର ସବୁ ଖର୍ଚ୍ଚ ବହନ କରୁଛନ୍ତି। ବର୍ଷକୁ ଏ ବାବଦରେ ଅନୁରାଧା ୧୫ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି।
