ଏକା ସାଙ୍ଗରେ ଜଳ ସଙ୍କଟ ଦୂର ହେଉଛି, ମହିଳା ଓ ଶିଶୁଙ୍କ ସ୍ବାସ୍ଥ୍ୟ ରକ୍ଷା କରାଯାଉଛି ଓ କୃଷକଙ୍କ ଆୟ ବୃଦ୍ଧି ମଧ୍ୟ ହେଉଛି । ମହାରାଷ୍ଟ୍ରର ଆଦିବାସୀ ଗାଁଗୁଡ଼ିକରେ ଏଭଳି ସୁଧାର ଆଣିବାରେ ସକ୍ଷମ ହୋଇପାରିଛନ୍ତି ନୀତିଶ ମୁକାନି । ୧୯୯୫ରେ ମହାରାଷ୍ଟ୍ରର ତଳୋଦା ଏବଂ ନନ୍ଦୁର୍ବର ଜିଲାରେ ଅପପୁଷ୍ଟି ଯୋଗୁ ବହୁ ଶିଶୁଙ୍କ ମୃତ୍ୟୁ ହୋଇଥିଲା। ଏହି ସମୟରେ ନୀତିଶ ମୁମ୍ବାଇର ସୋସିଆଲ ଓ୍ବାର୍କ କଲେଜ ‘ନିର୍ମଳ ନିକେତନ’ର ଛାତ୍ର ଥିଲେ। ଦୁଇ ଜିଲାରେ ଶିଶୁଙ୍କ ସ୍ବାସ୍ଥ୍ୟରେ ସୁଧାର ଆଣିବା ଲାଗି କରାଯାଇଥିବା ଯୋଜନାରେ ସେ ସାମିଲ ହୋଇ ଏଭଳି ଏକ ଗୁରୁତର ସମସ୍ୟା ଦୂର କରିବା ଲାଗି ଲକ୍ଷ୍ୟ ରଖିଥିଲେ। ପରେ ନିଜସ୍ବ ଉଦ୍ୟମରେ ୨୦୧୪ରେ ‘ଆରୋହଣ’ ପ୍ରତିଷ୍ଠା କରି ବିଭିନ୍ନ ଆଦିବାସୀ ଗ୍ରାମରେ ଜଳ ସଂରକ୍ଷଣ, ସ୍ବାସ୍ଥ୍ୟ ଓ ପୋଷଣ ଏବଂ ସୌରଚାଳିତ ଜଳସେଚନ କ୍ଷେତ୍ରରେ ଅନେକ ପରିବର୍ତ୍ତନ ଆଣିପାରିଛନ୍ତି। ଏହାଦ୍ୱାରା ହଜାର ହଜାର ଲୋକ ଉପକୃତ ହେଉଛନ୍ତି। ପାନୀୟ ଜଳ ପାଇଁ ସେ ମଧ୍ୟ ୪୦ଟି ସୌରଚାଳିତ ଫିଲଟ୍ରେଶନ ୟୁନିଟ୍ ବସାଯାଇଛି। ଫଳରେ ବିଭିନ୍ନ ଗାଁର ୧୪,୭୩୮ ଲୋକ ଉପକୃତ ହେଉଛନ୍ତି। ୧୦୦୦ କୃଷକଙ୍କ ପାଇଁ ଜଳସେଚନର ସୁବିଧା କରାଯାଇଛି।
