ଗୋଟିଏ କିସମର ଆମ୍ବକୁ ବଞ୍ଚାଇ ରଖି ଗାଁରେ ଆମ୍ବ ଉତ୍ସବକୁ ଉଜ୍ଜୀବିତ କରିବା ଲାଗି ଦୀର୍ଘ ୧୫ ବର୍ଷ ହେବ ପ୍ରୟାସ ଜାରି ରଖିତ୍ଛନ୍ତି ମହାରାଷ୍ଟ୍ରର କୃଷକ ଶ୍ୟାମାକାନ୍ତ ଥାଙ୍ଗେ। ଅହମଦନଗରର ଟିଖୋଲ ଗାଁ ମୁଣ୍ଡରେ ଥିବା ଗୋଟିଏ ଟିଖିଲିୟା କିସମ ଆମ୍ବ ଗଛରୁ କଲମୀ କରି ଏହାର ଚାଷ ବଢାଇ ପାରିଛନ୍ତି। ଏଭଳି ପ୍ରୟାସ ପଛରେ ଏକ କାରଣ ରହିଛି। ଟିଖିଲିୟା ଆମ୍ବ ଗଛଟି ବ୍ରିଟିଶ ଅମଳର। ଟିଖୋଲ ଗ୍ରାମବାସୀ ଉକ୍ତ ଗଛରୁ ଆମ୍ବ ପାଚିଲେ ତାହାକୁ ତୋଳି ଶଗଡ଼ରେ ରଖି ଗାଁ ଶେଷ ଯାଏ ବାଜା ବଜାଇ ଶୋଭାଯାତ୍ରା କରୁଥିତ୍ଲେ। ଏହି ଆମ୍ବ ୨୦୦ରୁ ୩୦୦ ଗ୍ରାମ ହୋଇଥାଏ। ତୋଳିବା ପରେ ୨୫ ଦିନଯାଏ ତଟକା ରହେ। ଗାଁର ଆମ୍ବ ଉତ୍ସବ ବନ୍ଦ ହେବା ପରେ ଏହାକୁ ପୁଣି ଆରମ୍ଭ କରିବା ଉଦ୍ଦେଶ୍ୟରେ ଥାଙ୍ଗେ ସେହି ପୁରୁୁଣା ଗଛରୁ କଲମୀ କରି ନୂଆଗଛରେ ଫଳାଇବା ପାଇଁ ଦୀର୍ଘ ବର୍ଷ ଧରି ଚେଷ୍ଟା କରି ସଫଳ ହୋଇଛନ୍ତି। ୯୦ ଦଶକରୁ ଫଳିବା ବନ୍ଦ ହେବା ପରେ ଏହି ଆମ୍ବ ପାଇଁ କଲମୀ କରିବା ଆରମ୍ଭ କରିଥିଲେ। କଲମୀକୁ ସ୍ଥାନୀୟ ଅଞ୍ଚଳରେ ଯୋଗାଉଛନ୍ତି। ଏଥିପାଇଁ ଲୋକମାନେ ଆଗୁଆ ଅର୍ଡର ଦେଉଛନ୍ତି ଓ ଥାଙ୍ଗେ ସେମାନଙ୍କୁ କଲମୀ ଚାରା ଯୋଗାଇ ଦେଉଛନ୍ତି।
