କୋଭିଡ୍ ମହାମାରୀରେ ୧୫୦୦ ଗୃହହୀନଙ୍କୁ ଆଶ୍ରୟସ୍ଥଳୀରେ ରଖି ସେମାନଙ୍କୁ ରୋଜଗାରକ୍ଷମ କରିବାରେ ଏକ ଉଦାହରଣ ସୃଷ୍ଟି କରିଛନ୍ତି ଆଇଏଏସ୍ ଅଧିକାରୀ ଏସ୍.ଶ୍ରୀରାମ ସମ୍ବାଶିବ ରାଓ। କେରଳର କୋଝିକୋଡ ଜିଲାର ଜିଲାପାଳ ଭାବେ ଶ୍ରୀରାମ ‘ଉଦ୍ୟମ ଚାରିଟେବଲ୍ ଟ୍ରଷ୍ଟ’ ଗଠନ କରି ତା’ମାଧ୍ୟମରେ ୪ଟି ଆଶ୍ରୟଗୃହ ପ୍ରତିଷ୍ଠା କରିଛନ୍ତି। ଜିଲାର ୪ଟି ସ୍ଥାନରେ ପ୍ରତିଷ୍ଠା କରାଯାଇଥିତ୍ବା ଏହିସବୁ ଆଶ୍ରୟଗୃହରେ ପାଖାପାଖି ୧୫୦୦ ଗୃହହୀନଙ୍କୁ ରାସ୍ତା କଡ଼ରୁ ଉଦ୍ଧାର କରି ଦେଢ଼ବର୍ଷ ହେବ ସେଠାରେ ରଖିବାର ବ୍ୟବସ୍ଥା କରିଛନ୍ତି। ସେମାନଙ୍କୁ କୌଶଳ ପ୍ରଶିକ୍ଷଣ ଦିଆଯିବା ସହ ନିଯୁକ୍ତି ସୁଯୋଗ ସୃଷ୍ଟି କରାଯାଉଛି। ପରେ ଏମାନଙ୍କ ଠିକଣା ସଂଗ୍ରହ କରାଯାଇ ସେମାନଙ୍କ ପରିବାର ଲୋକଙ୍କ ପାଖକୁ ବି ପଠାଇବାର ବ୍ୟବସ୍ଥା ହୋଇଛି। ବହୁ ଲୋକ ରୋଜଗାର ପାଇବା ପରେ ଏବେ ଆଶ୍ରୟଗୃହରେ ପାଖାପାଖି ୧୦୦୦ ଲୋକ ରହିଛନ୍ତି। ଖାଦ୍ୟ ଓ ଚିକିତ୍ସା ବାବଦରେ ପ୍ରତିମାସରେ ଜଣଙ୍କ ପିଛା ଜିଲା ପ୍ରଶାସନ ପ୍ରାୟ ୪ ହଜାର ଟଙ୍କା ଖର୍ଚ୍ଚ କରୁଛି। ଦୁଇ ବର୍ଷ ପୂର୍ବେ ୨୦୧୨ ବ୍ୟାଚ୍ର ଆଇଏଏସ୍ ଅଧିତ୍କାରୀ ଶ୍ରୀରାମ କୋଝିକୋଡର ଜିଲାପାଳ ଭାବେ ନିଯୁକ୍ତି ପାଇବା ପରେ କୋଭିଡ୍ ମହାମାରୀ ବ୍ୟାପିବା କ୍ଷଣି ଗୃହହୀନଙ୍କ ପାଇଁ ଏହି ପଦକ୍ଷେପ ନେବା ଆରମ୍ଭ କରିଥିଲେ। ତେବେ ଗୃହହୀନ ଓ ପ୍ରବାସୀ ଶ୍ରମିକମାନଙ୍କୁ ପୁନଃ ଥଇଥାନ କରିବାରେ କେରଳର କୋଝିକୋଡ ଜିଲା ସାରା ଦେଶରେ ମଡେଲ ପାଲଟିଛି।
