ଗାଁ ଗାଁ ବୁଲି ପୁରାତନ ସାମଗ୍ରୀ ସଂଗ୍ରହ କରି ଏକ ମ୍ୟୁଜିୟମ ବା ସଂଗ୍ରହାଳୟ ପ୍ରତିଷ୍ଠା କରିଛନ୍ତି ପଶ୍ଚିମବଙ୍ଗର ଡ. ବିଶ୍ୱଜିତ ରାୟ। ସେ ପିଜୁସକାନ୍ତି ମୁଖାର୍ଜୀ ମହାବିଦ୍ୟାଳୟର ସହକାରୀ ପ୍ରାଧ୍ୟାପକ ଭାବେ କାର୍ଯ୍ୟ କରୁଛନ୍ତି। ନଦିୟା ଜିଲା ଦେବଗ୍ରାମରେ ସେ ଏହି ସଂଗ୍ରହାଳୟ ପ୍ରତିଷ୍ଠା କରିଛନ୍ତି। ପ୍ରଥମେ ସଂଗ୍ରହାଳୟ କରିବା ସମୟରେ ୨୦ଟି ଜିନିଷ ଥିଲା। ଏବେ ସେଠାରେ ୧,୦୦୦ରୁ ଊର୍ଦ୍ଧ୍ୱ ଜିନିଷ ରହିଛି। ଏକ ଦଶନ୍ଧି ପୂର୍ବେ ନଦିୟା ଜିଲାରେ ସେ ଗବେଷଣା କରୁଥିତ୍ବା ବେଳେ ୨୦୦୦ ବର୍ଷର ଏକ ନଦୀର ସନ୍ଧାନ ପାଇବା ପରେ ସେଠାକାର ପୁରାତନ ସଭ୍ୟତା ଉପଯୋଗ କରୁଥିବା ଜିନିଷଗୁଡ଼ିକୁ ମାଟିତଳୁ ଉଦ୍ଧାର କରି ସଂଗ୍ରହାଳୟ ଆରମ୍ଭ କରିଥିଲେ। ବିଭିନ୍ନ ସ୍ଥାପତ୍ୟ ଓ ମାଟିପାତ୍ରର ଅବଶେଷାଂଶ, ପଥର ଓ ଧାତୁ ବିଗ୍ରହ, ବାଘଦାନ୍ତ ଆଦି ବହୁ ଜିନିଷ ସଂଗ୍ରହ କରିଛନ୍ତି। ଏସବୁ ମୁଖ୍ୟତଃ ଦେବଗ୍ରାମ ଓ ଅନୁଲିୟା ପଞ୍ଚାୟତର ଗ୍ରାମଗୁଡ଼ିକରୁ ଉଦ୍ଧାର କରିଛନ୍ତି। ଏସବୁ ପୁରାତନ ଜିନିଷ ସଂଗ୍ରହ କରିବାରେ ଗ୍ରାମବାସୀ ତାଙ୍କୁ ସାହାଯ୍ୟ କରୁଛନ୍ତି। ଏହାର ସଂରକ୍ଷଣ କରିବା ଲାଗି ଡ. ମୁଖାର୍ଜୀ ମଧ୍ୟ ସଚେତନତା ଅଭିଯାନ ଚଳାଇଚନ୍ତି। ଏହି ସଂଗ୍ରହାଳୟ ପାଇଁ ଗ୍ରାମବାସୀମାନେ ଘର ଏବଂ କାଠତିଆରି ଶେଲ୍ଫ ଯୋଗାଇ ଦେଇଛନ୍ତି।
