ଗୋଟିଏ ଆମ୍ବର ମୂଲ୍ୟ ୧୫୦୦ ଟଙ୍କା। ଏହା ବିଶ୍ୱାସ ହେଉ ନ ଥିଲେ ବି ସତ। ଏମିତି ଆମ୍ବ ଫଳୁଛି ମଧ୍ୟପ୍ରଦେଶର ଶିବରାଜ ସିଂ ଯାଦବଙ୍କ ଫାର୍ମରେ। ଏହି ଆମ୍ବର ନାଁ ନୁର୍ଜାହାଁ । ମୋଗଲ ରାଣୀଙ୍କ ନାମାନୁସାରେ ଆମ୍ବର ଏଭଳି ନାମକରଣ କରାଯାଇଛି। ଅଲିରାଜପୁର ଜିଲାର କାଥିଓ୍ବାଡା ଅଞ୍ଚଳରେ ବହୁ ପ୍ରକାର ଆମ୍ବ ଚାଷ କରାଯାଉଥିବାବେଳେ ଶିବରାଜଙ୍କ ଫାର୍ମରେ ନୁରଜାହାଁ କିସମ ଆମ୍ବ ଆକର୍ଷଣର କେନ୍ଦ୍ର ପାଲଟିଛି। ୧୬ ଏକର ପରିମିତ ଫାର୍ମରେ ୩୩ ପ୍ରକାର ଆମ୍ବ ଗଛ ରହିଥିବାବେଳେ ନୁରଜାହାଁ କିସମର ୫ଟି ଆମ୍ବ ଗଛ ରହିଛି। ଉକ୍ତ ୫ଟି ଗଛର ଉଚ୍ଚତା ପାଖାପାଖି ୫୦ଫୁଟ ଓ ଏଥିରୁ ପ୍ରାୟ ୩୫୦ଟି ଆମ୍ବ ମିଳିଛି। ଏହାକୁ ବଜାରରେ ୫୦୦ରୁ ୧୫୦୦ ଟଙ୍କା ଯାଏ ସେ ବିକ୍ରି କରିଛନ୍ତି। ଏହି ଆମ୍ବ ଭାରତର ସବୁଠୁ ବଡ଼। ଏହାର ଓଜନ ୩ରୁ ସାଢେ ୩ କେ.ଜି. ଓ ଲମ୍ବ ୧ ଫୁଟ। ଏହା ଜୁନ୍ ମାସରେ ହିଁ ପରିପକ୍ୱ ହୁଏ ଓ ଏହାକୁ ଦେଖିତ୍ବାକୁ ପ୍ରତିବର୍ଷ ତାଙ୍କ ଫାର୍ମକୁ ୪,୦୦୦ରୁ ୫,୦୦୦ ଲୋକ ବୁଲିବାକୁ ଆସନ୍ତି। ଶହେ ବର୍ଷ ପୂର୍ବେ ଏହି କିସମର ଆମ୍ବ ଆଫଗାନିସ୍ତାନରୁ ମଧ୍ୟପ୍ରଦେଶକୁ ଆସିଥିତ୍ବା କୁହାଯାଉଛି। ଭାରତର ବିଭିନ୍ନ ଅଞ୍ଚଳରେ ନୁରଜାହାଁ କିସମର ଆମ୍ବ ଚାଷ କରାଇବା ପାଇଁ ସେ ଏବେ ଏକ ନର୍ସରି କରିବାକୁ ଯୋଜନା କରିଛନ୍ତି।
