ଉତ୍ତମ ଟେରୋନ ଜଣେ ଶିକ୍ଷକ। ରହନ୍ତି ଆସାମର ଏକ ଛୋଟ ଗାଁରେ। ତାଙ୍କୁ ବୟସ ଏବେ ୪୭ ବର୍ଷ। ସେ ବିଜ୍ଞାନରେ ଡିଗ୍ରୀ ହାସଲ କରିଛନ୍ତି। ଗଁାରେ ଏକ ସ୍କୁଲ ଖୋଲି ପିଲାଙ୍କୁ ମାଗଣାରେ ଶିକ୍ଷା ଦେଉଛନ୍ତି। ବଡ଼ କଥା ହେଉଛି, ଉତ୍ତମ ତାଙ୍କ ଗୁହାଳକୁ ସ୍କୁଲ କରିଦେଲେ। ଏଥିପାଇଁ ୮୦୦ ଟଙ୍କା ଖର୍ଚ୍ଚ କରିଥିଲେ। ପ୍ରଥମେ ଏଠାରେ ୪ ଜଣ ପିଲାଙ୍କୁ ନେଇ ସେ ପଢ଼ାଇବା ଆରମ୍ଭ କରିଥିଲେ । ପରେ ପିଲାଙ୍କ ସଂଖା ବୃଦ୍ଧିପାଇଲା ଓ ଲୋକଙ୍କ ଅନୁଦାନରେ ସେ ପାରିଜାତ ଏକାଡେମୀ ପ୍ରତିଷ୍ଠା କଲେ। ଏହା ବ୍ୟତୀତ ଲୋକଙ୍କଠାରୁ ପେନ୍, ପେନ୍ସିଲ, ସ୍କୁଲ ବ୍ୟାଗ, ପୁରୁଣା ବହି ଏପରି କି ପନିପରିବା ଓ ଚାଉଳ ସଂଗ୍ରହ କରି ସେ ସ୍କୁଲକୁ ଚଳାଉଛନ୍ତି। ସବୁକିଛି ପିଲାଙ୍କୁ ମାଗଣାରେ ଦେଉଛନ୍ତି। ସ୍କୁଲ ଆଖପାଖର ୨୦ଟି ଗାଁର ଗରିବ ପିଲାମାନେ ଏହିି ସ୍କୁଲରୁ ମାଗଣାରେ ଶିକ୍ଷା ପାଇପାରୁଛନ୍ତି। ଥରେ ଉତ୍ତମ କେତେଜଣ ପିଲାଙ୍କୁ ଦେଖିଲେ ସେମାନେ ସ୍କୁଲ ନ ଯାଇ ଖେଳୁଛନ୍ତି। ସେ ଜାଣିବାକୁ ପାଇଲେ, ସେମାନେ ଗରିବ ପରିବାରର ପିଲା। ସେହି ଘଟଣା ପରେ ଉତ୍ତମ ସେଭଳି ପିଲାଙ୍କୁ ମାଗଣାରେ ଶିକ୍ଷା ଦେବାକୁ ନିଷ୍ପତ୍ତି ନେଇଥିଲେ ଏବଂ ୨୦୦୩ରେ ତାଙ୍କ ଗୁହାଳ ଘରେ ପଢ଼ାଇବା ଆରମ୍ଭ କରିଥିଲେ। ଏବେ ପାରିଜାତ ଏକାଡେମୀରେ ନର୍ସରିରୁ ୧୦ମ ଯାଏ ୪୦୦ ପିଲା ମାଗଣାରେ ପଢୁଛନ୍ତି। ସ୍କୁଲରେ ୨୨ ଜଣ ଶିକ୍ଷକ ଅଛନ୍ତି।
