ପାଟଣା,୩ା୪(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜ ସାହାରପଡ଼ା ସେକ୍ସନ ମାଛଗଡ଼ ସାଉଥ ଓ ନର୍ଥ ବିଟ୍ ଅଞ୍ଚଳରେ ଏକ ଗୋଠଛଡ଼ା ଦନ୍ତାହାତୀ ପଶି ଉତ୍ପାତ କରିଛି। ରାତିରେ ଗାଁ ଦାଣ୍ଡରେ ବୁଲିବା ସହ ୪ ଜଣଙ୍କ ଘର ଭାଙ୍ଗି ଦେଇଛି। ଲୋକେ ଆତଙ୍କିତ ଅବସ୍ଥାରେ ରହିଛନ୍ତି।
ବନପାଳ ଭୂପତି ସେଠୀଙ୍କ ସୂଚନା ଅନୁଯାୟୀ, ହାତୀଟି ମୟୂରଭଞ୍ଜ ଜିଲା କରଞ୍ଜିଆ ରେଞ୍ଜରୁ ଚାଲି ଆସିଛି। ରାତିରେ ଟିକା ସିଲ, ବାଉଁଶନାଳୀ, ରାଇଡ଼ିହା, ବାଂଶଡ଼ିହା, ହିଞ୍ଜିଳି ଗାଡ଼ିଆ, ହରିଡ଼ାଗୋଠ, କୁଦାବେଡ଼ା ଓ କେନ୍ଦୁଯୋଡ଼ା ଗାଁ ଦାଣ୍ତରେ ବୁଲୁଥିବା ଗ୍ରାମବାସୀ କହିଛନ୍ତି। କେନ୍ଦୁଯୋଡ଼ାର ପରମେଶ୍ୱର ମାଝୀଙ୍କ କାନ୍ଥ ଭାଙ୍ଗିବା ସହ ବାଉଁଶନାଳୀ କୁଦୁର ସାହିର ରାଜେନ୍ଦ୍ର ପୃଷ୍ଟିଙ୍କ ଦୋକାନ ଘର, ହରିଡ଼ାଗୋଠ କେଶବ ମୁଣ୍ଡାଙ୍କ ଆଜବେଷ୍ଟସ ଘର ଓ କେନ୍ଦୁଯୋଡ଼ା ରାମଚନ୍ଦ୍ର ମହାନ୍ତଙ୍କ ଘର ଭାଙ୍ଗି ଦେଇଛି। ହାତୀଟି ସୋମାବର ହିଞ୍ଜିଳି ଗାଡ଼ିଆ ଗ୍ରାମ୍ୟ ଜଙ୍ଗଲରେ ଥିବା ବନ ବିଭାଗ ସୂଚନା ଦେଇଛି।
